Eguraldi ona heldu den asterako ere iragarri digutela ikusirik eta SDIS 64 delakoarekin adostu ondoren, Hondarraitzeko ezker aldea (Zokoburutik «La Croisière» egoitzarainoko tartea) zainpean izanen da irailaren 14 eta 15, astelehen eta asteartean, 12 orenetatik 19 orenetara.
Gogoan har ezazue iraileko asteburuetan ere ohi bezala zaindurik izanen dela hondartza alde hori, hau da, 2020ko irailaren 19 eta 20 eta 26 eta 27ko asteburuetan, betiere 12 orenetatik 19 orenetara.
Data horietatik at, Omiasainduko oporraldirarte, eguraldia alde eta mareen baldintzengatik jende anitz bilduko dela pentsatzekoa bada, bainua une batzuetan zain dezakete SDIS delakoak edota elkarte sareak, dituzten giza baliabideen arabera.
Lasai-lasai baina zaitezten
Beste aldetik, uda honetan gertakari larririk ukan ez badugu ere, kontuan har hondartzetan ageri-agerian diren bainu banderatxoak:
- Berdea: bainu zaindua eta arrisku berezirik ez
- Hori-laranja: bainu arriskutsua baina zainpean
- Gorria: bainatzea debekaturik da
- Ubela: bainatzea eta ur jarduerak debekaturik dira bainatze uren kalitatea txartu delako edo txartzeko arriskua dagoelako.
Azkenik, ez ahantz oraindik kezkagarri den osasun testuinguru honetan gorde behar diren tarteak gordetzea.
