2024ko uztailaren 17an Herriko Kontseilariei igorri banakako deialdien bidez, Herriko Kontseilua gomitatua da 2024ko uztailaren 24an, asteazkenez, 18:30ean, ohiko bilkuran biltzera.
GAI ZERRENDA
- I – 2024KO EKAINAREN 29KO HERRIKO KONTSEILUAREN BILKURA AGIRIA ONARTZEA
- II – DELIBERAMENDUAK
- Txostengilea: Kotte ECENARRO j.
- 114.2024 – Herriko Kontseiluak emandako ahalmen ordezkaritzaz auzapezak hartu erabakiak
- 115.2024 – 2024. urtea – 1. Aldaketa Erabakia – Aurrekontu Nagusia
- 116.2024 – Intzura eta Pausuko Eskolen Herriarteko Sindikatuari dirulaguntza itzultzea
- Txostengilea: Frédéric TRANCHE j.
- 117.2024 – BNSSA formakuntzen diruztatzeko baliabidea sorosleak sasoirako kontratatzeen harira – 2025eko sasoia
- 118.2024 – Intzurako Enpresen arteko Jatetxearen Kudeaketarako Elkartea – 2024-2025ko alokairua
- Txostengilea: Jean-Michel ARRUABARRENA j.
- 119.2024 – Hendaiako igeriketa klubaren (Club de Natation Hendayais-CNH) aldeko ezohiko dirulaguntza
- Txostengilea: Michelle MOUNIOS-ADURRIAGA and.
- 120.2024 – Hirualdeko partzuergo hitzarmena 2024-2026 “Arte eta Kultura Heziketa Euskal Herrian” urraspiderako
- 121.2024 – Ezohiko dirulaguntza – “LE DISQUE DE FEUTRINE” elkartea
- Txostengilea: Itziar AIZPURU and.
- 122.2024 – Jardunaren areagotzea – Udal Lantegien Saila – Zerbitzu Teknikoen Zuzendaritza
- 123.2024 – Eskura ematea berritzea “euskal itsasbazterra” (IEZI) elkartearen alde
- 124.2024 – Hilerrien zaintzaile lanpostu iraunkorra sortzeko eta laneko bizitegia, zerbitzurako behar-beharrezkoa baita, emateko baldintzak zehazteko deliberamendua
- 125.2024 – Funtziorako beharrezkoa den eskualde hizkuntza baten erabilerara loturiko betebeharra ezartzeko baldintza berriak
- 126.2024 – Euskal Formakuntza Plan Partekatua (FPP-PFM) onartzea
- Txostengilea: Nathalie CAMACHO SATHICQ and.
- 127.2024 – Helgarritasun datuen bilketa: eskaera elkarketa egiteko hitzarmena
- Txostengilea: Chantal KEHRIG-COTTENÇON and.
- 128.2024 – Plazaren antolaketa dela eta Errepublika plazako merkatariei kalteordainak onez onean ematea
- Txostengilea: Kotte ECENARRO j.
Sinatzailea : auzapez jauna
Euskal Hirigune Elkargoaren lehendakariordea
Kotte ECENARRO
2024ko uztailaren 17an
Bi mila eta hogeita laugarren urtean, uztailaren 24 asteazkenean, bildu da, 18:30ean, Herriko Kontseilua, Kotte ECENARRO, auzapeza, buru zuela.
BERTARATUAK: ECENARRO j. (Auzapeza) – KEHRIG-COTTENÇON and., TRANCHE j., MOUNIOS ADURRIAGA and., ARRUABARRENA j., CAMACHO-SATHICQ and., GRABIÈRES j. (Auzapezordeak), JEHAN j., HARAMBOURE and., EIZAGUIRRE j., BERNARD j., AIZPURU and., MANTEROLA j., ROMAN and., PELEGRIN-ARAMENDY j., LEGARDINIER and., TARIOL j., BEAUFORT and., LABEAU and., NAVARRON and., SALLABERRY j. (120.2024 deliberamendutik landa), DESTRUHAUT j., BARRERO and., BALANZATEGUI j., HIRIBARREN and.
AHALORDEAK: BUTORI andereak Auzapez jaunari, IRAZUSTA jaunak MOUNIOS ADURRIAGA andereari, CEZA andereak HARAMBOURE andereari, ARZELUS ARAMENDI jaunak LEGARDINIER andereari, MARTIARENA GARAY jaunak MANTEROLA jaunari, COTINAT andereak NAVARRON andereari, POUYFAUCON jaunak DESTRUHAUT jaunari.
EZ DA BERTARATU: ESTOMBA anderea
BILKURA IDAZKARIA: Hélène HIRIBARREN anderea
Deialdi eguna: 2024ko uztailaren 17an
Biltzarraren quoruma bete denez, auzapez jaunak bilkura ireki du.
Gai zerrendari ekin diote.
I – 2024KO EKAINAREN 29KO HERRI KONTSEILUAREN BILKURA AGIRIA ONARTZEA:
Auzapez jaunak Celine COTINAT andreari, bilkura idazkari izendatua izan delarik, 2024ko ekainaren 29ko herri bilkuraren agiria irakur dezan eskatu dio.
AHO BATEZ ONETSIA–
II – DELIBERAMENDUAK
114.2024 zk. DELIBERAMENDUA
GAIA: HERRIKO KONTSEILUAK EMANDAKO AHALMEN ORDEZKARITZAZ AUZAPEZAK HARTU ERABAKIAK
TXOSTENGILEA: Kotte ECENARRO jauna
Lurralde Kolektibitateen Kode Nagusiaren L 2122-23 artikuluak dioena betez, auzapez jaunak kontu eman du zein erabaki hartu dituen 2020ko uztailaren 3ko Herriko Kontseiluaren deliberamenduen bitartez eman zaizkion ordezkaritzak baliatuz:
- 064.2024, 2024ko ekainaren 25ekoa – Merkatu publiko baten deialdia – Prozedura egokituko merkatua – Laket Portuaren horniketa estazioaren ekipamenduak arauetan emateko lanen merkatua – 1. multzoa: Itsas Ekipamendua – METALU / RAMOEUF – Diru kopurua: 156 069.00 € ZG
- 065.2024, 2024ko ekainaren 25ekoa – Merkatu publiko baten deialdia – Prozedura egokituko merkatua – Laket Portuaren horniketa estazioaren ekipamenduak arauetan emateko lanen merkatua – 2. multzoa: Horniketa ekipamendua eta sareak – SAS CASTRES ÉQUIPEMENT – Diru kopurua: 135 168.00 € ZG
- 066.2024, 2024ko ekainaren 25ekoa – Merkatu publiko baten deialdia – Prozedura egokituko merkatua – Laket Portuaren horniketa estazioaren ekipamenduak arauetan emateko lanen merkatua – 3. multzoa: Argindar ekipamendua eta sareak (horniketaz at) – SPIE CITY NETWORKS – Diru kopurua: 36 360.00 € ZG
- 067.2024, 2024ko ekainaren 26koa – Merkatu publiko baten deialdia – Prozedura egokitu irekia – Hilerriaren bizitegia berriztatzeko eta harleku baten sortzeko lanen merkatua – 1. multzoa: Obra larria, suntsitzea, hormagintza, igeltserotza, lauzadura, faiantza – SARL VARELA – Diru kopurua: 24 120.42 € ZG
- 068.2024, 2024ko ekainaren 26koa – Merkatu publiko baten deialdia – Prozedura egokitu irekia – Hilerriaren bizitegia berriztatzeko eta harleku baten sortzeko lanen merkatua – 3. multzoa: Argindarra – SARL SAMORA MITCH’ELEC – Diru kopurua: 15 183.64 € ZG
- 069.2024, 2024ko ekainaren 26koa – Merkatu publiko baten deialdia – Prozedura egokitu irekia – Hilerriaren bizitegia berriztatzeko eta harleku baten sortzeko lanen merkatua – 5. multzoa: Kanpo eta barneko margoketa, zolen estaldura – SAS SAAVEDRA PEINTURES – Diru kopurua: 44 975.10 € ZG
- 070.2024, 2024ko ekainaren 26koa – Merkatu publiko baten deialdia – Prozedura egokitu irekia – Hilerriaren bizitegia berriztatzeko eta harleku baten sortzeko lanen merkatua – 2. multzoa: Kanpo eta barneko arotzia, hetsitura, zureria – SAS BERTIERE – Diru kopurua: 17 922.65 € ZG (oinarrizko aukera) eta 9605.67 € ZG (aldaera)
- 071.2024, 2024ko uztailaren 2koa – Merkatu publiko baten deialdia – Prozedura egokitu irekia – Hilerriaren bizitegia berriztatzeko eta harleku baten sortzeko lanen merkatua – 4. multzoa: Iturgintza, xahutasuna, berokuntza – EIFFAGE ÉNERGIE CLEVIA SUD-OUEST – Diru kopurua: 13 528.02 € ZG (oinarrizko aukera) eta 4790.44 € ZG (aldaera)
- 072.2024, 2024ko uztailaren 5ekoa – AURREKONTU NAGUSIA – 2024ko inbestimenduak diruztatzeko mailegua. Diru kopurua: 2 M €
MARCHÉS PASSÉS SUR DÉLÉGATION ARTICLE L2122-22 DU CGCT
(Fournitures et Services < à 215 000 € et Travaux < à 5 382 000 € ZG)
EZTABAIDATU ONDOREN,
HERRIKO KONTSEILUA JAKINAREN GAINEAN DA – EZ DA BOZKARIK –
115.2024 zk. DELIBERAMENDUA
GAIA: 2024. URTEA – 1. ALDAKETA ERABAKIA – AURREKONTU NAGUSIA
TXOSTENGILEA: Kotte ECENARRO j.
Ikusirik Lurralde Kolektibitateen Kode Nagusia,
Kontuan hartuz hainbat aldaketa egin behar zaiola aurrekontu nagusiari,
Kontuan hartuz zuzendu behar dugula 2024ko ekainaren 26ko 104.2024 zk. deliberamenduan eman genuen ezarpenaren akatsa,
Honako aldaketa erabaki hau onar dezagun proposatu da, 2024ko ekainaren 26ko herri bilkuran aurkeztu zena ordezka dezan.
INBESTIMENDU ATALA
| KAPITULUA | GAUZATUAK | |
|---|---|---|
| 10 | Zuzkidurak, funtsak eta erreserbak | |
| 13 | Inbestimenduetarako dirulaguntzak | |
| 20 | Gorpuzgabeko ibilgetzeak | |
| 204 | Ekipamendurako dirulaguntzak | |
| 21 | Gorpuzdun ibilgetzeak | 33 855.21 |
| 23 | Bidean diren ibilgetzeak | 118 000.00 |
| Ekipamendu eragiketak orotara | ||
| 27 | Beste diru ibilgetzeak | 1 400.00 |
| 45… | Hirugarren baten kontura egin eragiketak | |
| EGIAZKO GASTUAK OROTARA | 153 255.21 | |
| 40 | Atalen arteko orden eragiketak | 128 732.79 |
| 41 | Ondare eragiketak | 100 000.00 |
| ORDEN GASTUAK OROTARA | 228 732.79 | |
| GIBELATZEAK OROTARA | ||
| 1 | Gibelaturiko inbestimendu defizita | |
| GASTU INBESTIMENDUA OROTARA | 381 988.00 | |
| Chapitre | Description | Montant |
|---|---|---|
| KAPITULUA | ||
| 10 | Zuzkidurak, funtsak eta erreserbak | |
| 1068 | Kapitalizaturiko funtzionamendu soberakinak | |
| 13 | Inbestimenduetarako dirulaguntzak | 429 000.00 |
| 16 | Maileguak eta antzeko zorrak | -61 192.68 |
| 165 | Jasoriko ekarpen eta kaudimenak | |
| 21 | Gorpuzdun ibilgetzeak | |
| 24 | Ibilgetuen uzteen produktuak | 7 076.68 |
| EGIAZKO DIRU SARTZEAK OROTARA | 374 884.00 | |
| 21 | Funtzionamendu ataletiko biramendua | -92 896.00 |
| 40 | Atalen arteko orden eragiketak | |
| 41 | Ondare eragiketak | 100 000.00 |
| ORDEN DIRU SARTZEAK OROTARA | 7 104.00 | |
| GIBELATZEAK OROTARA | ||
| 1 | Gibelaturiko inbestimendu soberakina | |
| DIRU SARTZE INBESTIMENDUA OROTARA | 381 988.00 | |
FUNTZIONAMENDU ATALA
| Chapitre | Description | Montant |
|---|---|---|
| GASTUAK | ||
| KAPITULUA | GAUZATUAK | |
| 11 | 190 795.79 | |
| 12 | ||
| 14 | ||
| 65 | 55 000.00 | |
| 66 | ||
| 67 | ||
| 68 | ||
| EGIAZKO GASTUAK OROTARA | 245 795.79 | |
| 42 | ||
| 23 | -92 896.00 | |
| ORDEN GASTUAK OROTARA | -92 896.00 | |
| 2 | ||
| FUNTZIONAMENDU GASTUAK OROTARA | 152 899.79 | |
| OROTARA GUZTIA | 534 887.79 | |
| Chapitre | Description | Montant |
|---|---|---|
| DIRU SARTZEAK | ||
| KAPITULUA | GAUZATUAK | |
| 13 | Kargen ahultzeak | |
| 70 | Zerbitzuen produktuak | 24 500.00 |
| 73 | Zergak | |
| 731 | Tokiko zergak | -117 620.00 |
| 74 | Zuzkidurak eta parte hartzeak | 58 724.00 |
| 75 | Kudeaketa arrunteko beste produktuak | 40 000.00 |
| 76 | Diru produktuak | |
| 77 | Ezohiko produktuak | 18 563.00 |
| 78 | Horniduretatik hartua | |
| EGIAZKO DIRU SARTZEAK OROTARA | 24 167.00 | |
| 42 | Atalen arteko orden eragiketak | 128 732.79 |
| ORDEN DIRU SARRERAK OROTARA | 128 732.79 | |
| 2 | Funtzionamendu soberakin gibelatua | |
| FUNTZIONAMENDU DIRU SARRERAK OROTARA | 152 899.79 | |
| OROTARA GUZTIA | 534 887.79 | |
EZTABAIDATU ONDOREN,
Herriko Kontseiluak:
- Onartu du aurrekontu nagusiaren gaineko lehen aldaketa erabaki hau, deliberamedu honek bertan behera uzten eta ordezkatzen duelarik 2024ko ekainaren 26ko 104.2024 deliberamendua.
AHO BATEZ ONETSIA
116.2024 zk. DELIBERAMENDUA
GAIA: INTZURA ETA PAUSUKO ESKOLEN HERRIARTEKO SINDIKATUARI DIRULAGUNTZA ITZULTZEA
TXOSTENGILEA: Kotte ECENARRO j.
Ikusirik Hezkuntza Ministerioak esleituriko «Lehen mailako eskolen oinarri digitala» delakoaren dirulaguntzaren jakinarazpena,
Kontuan hartuz Intzura eta Pausuko Eskolen Herriarteko Sindikatuari eman behar diogula bere aurrekontutik diruztaturiko dirulaguntza zatia,
«Lehen mailako eskolen oinarri digitala» deitu proiektuaren harira, Hendaiako Herriak Hezkuntza Ministerioaren 28 902,28 €ko dirulaguntza eskuratu du bere eskolak tresna digitalez hornitzeko.
Gastuen zati bat Intzurako lehen mailako eskolak Intzura eta Pausuko Eskolen Herriarteko Sindikatuaren aurrekontutik ordaindu duenez, jaso dugun dirulaguntzaren zati bat, behar den ehunekoetan sindikatu horri eman behar diogu.
EZTABAIDATU ONDOREN,
Herriko Kontseiluak:
Erabaki du Intzura eta Pausuko Eskolen Herriarteko Sindikatuari 3141,68 € ematea, Hezkuntza Ministerioak «Lehen mailako eskolen oinarri digitala» deitu proiektuaren harira eman digun dirulaguntzatik dagokion zatia baita,
Baimena eman dio auzapez jaunari dirulaguntza zatia Intzura eta Pausuko Eskolen Herriarteko Sindikatuari emateko hitzarmena eta horri lotu dokumentu oro sina ditzan.
AHO BATEZ ONETSIA
117.2024 zk. DELIBERAMENDUA
GAIA: BNSSA FORMAKUNTZEN DIRUZTATZEKO BALIABIDEA SOROSLEAK SASOIRAKO KONTRATATZEEN HARIRA – 2025EKO SASOIA
TXOSTENGILEA: Frédéric TRANCHE j.
Ikusirik auzapezorde jaunak honako hau azalduz egin txostena:
Hendaiako Herriak 2 sokorriguneen bidez (Dunba Harriak eta Erdialdea) antolatzen du Hondarraitz hondartzaren zaintza uda sasoian, eta SDIS64 delakoak enplegatu sorosleak baliatzen ditu. Horien Giza Baliabide moldeak, hala enplegagarritasunari nola materialei dagokienean, hainbaturteko hitzarmen baten bidez zehazten dute Herriak eta SDIS64 delakoak (indarrean den eta 2022tik 2026 arteko sasoiak hartzen dituen hitzarmena).
Azken sasoiotan, gero eta zailago zaigu hondartzaren zaintza eta erabiltzaile ororen segurtasuna ahal bezain ongi bermatzeko behar diren sorosleen.
Bada itsasbazterreko zenbait herrik baliatzen duten zenbait tresna sasoiko lanpostu horiek erakargarriagoak izan daitezen. Horietako bat Herriak Itsas Sokorrirako eta Segurtasunerako Nazio mailako Agiria (ISSNA-BNSSA) diruztatzea da.
ISSNA-BNSSA delako hori Frantziako nazio mailako agiri bat da eta Gizarte Kohesiorako Departamendu Zuzendaritzak (GKDZ-DDCS) du ematen. Horren titular denak jabari publikoko urririk bainatzeko lekuetako (itsas hegia, aintzirak) bainuen zaintza egin dezake, bai eta publikoari zabalik diren ordainpeko lekuetako bainuak ere, baldin eta ur sorosle hori igerizain sorosle baten laguntzaile aritzen bada.
ISSNA-BNSSA agiri hori gakoa da gazteek sasoiko sorosle ibilbideari ekin diezaioten. Formakuntza horiek garestiak dira (900 € inguru) eta oztopo gerta daiteke hori gazteek bide horri ekin diezaioten. Halatan, bada, herriak interesaturik diren gazteei ekar diezaiekeen diruzko laguntzaren xedea gazteei diruaren oztopoa kentzea da, bide hori gazte gehiagok har dezaten eta, hartara, giza baliabide sendoago eta egonkorragoak eskura ditzagun.
Laguntza horrek formakuntza ibilbide osoa diruztatuko luke: ISSNA-BNSSA, PSE1, PSE2 (1. eta 2. mailetako taldeko lehen sokorria), USS-SSA (Uretako Sorosle Sokorrigilea) itsas uretan.
Diruzko laguntza onuradunari emanen zaio zuzenean, gazteak herriko etxean aurkeztu ondoren formakuntza ibilbidearen eta azterketak egin izanaren ziurtagiria. Behin ematen da, urterako, eta ez da berriz ematen.
Horren ordainez, gazteak bi udaldiz sorosle gisa Hendaian lan egitera engaiatzen dira.
Hendaian bizi diren 17 urtetik 30 urte arteko gazteek, zeinahi egoeratan direlarik ere (ikasle, langile ikastun, lizeoko ikasle, langabezian) jaso dezakete laguntza hori, beren dosierrak eta nahiak aurkeztu ondoren.
Eskaera dosierra formakuntzari ekin aitzin aurkeztu beharko zaie udal zerbitzuei, eta honako dokumentu hauek ekarri beharko dira: gazteak idatzi gutun arrazoitua, erakunde baimendunak eman lehen formakuntza saiorako izena eman izanaren agiria, gaztearen edo haren gurasoen bankuko nortasun agiria, gazteak ISSNA-BNSSA formakuntza osoa egiteko eta 2 udalditan Hendaiako hondartzetan lan egiteko engaiamendu idatziaa.
2024an, Herriak 3 gazteren ISSNA-BNSSA ibilbide diruztatu ditu eta gazte horiek Sokorrigile-Suhiltzaile Bolondres Sasoilariak (SSBS-SPVS) izanen dira, uda honetan hasiz, Hendaiako Hondarraitz hondartzan, sorosle gisa.
Kontuan hartuz ISSNA-BNSSA diplomak igerilari sorosle titulurako eskubidea ematen duela eta hondartza publikoak zaintzeko aukera,
Kontuan hartuz udalak bide erakargarri eta egokiz erantzun nahi diela «igerilari sorosle» lanpostuetarako kontratatze jokagaiei, hondartzen zaintza baliabide egonkorra bermatu nahiz,
Kontuan hartuz baliabide horrek ordainez eskatzen diola gazteari Hendaiako hondartza zaintzaile edo Hendaian azken bi udaldiotan garatu dugun Handiplage baliabidean lanean izatera engaia dadila,
Kontuan hartuz uda honetatik bertatik behar dela hurrengo diruztapen kanpainaren berri eman, 2025eko sasoirako ahal beste hautagai bermatzeko xedez,
EZTABAIDATU ONDOREN,
Herriko Kontseiluak:
Onartu du 2025eko sasoirako ISSNA-BNSSA formakuntzaren diruztapen baliabidea goian aipatu bezala,
Ahala eman dio auzapez jaunari edo haren ordezkariari dosier hori behar bezala joan dadin baliagarri diren neurri guztiak har ditzan.
AHO BATEZ ONETSIA
118.2024 zk. DELIBERAMENDUA
GAIA: INTZURAKO ENPRESEN ARTEKO JATETXEAREN KUDEAKETARAKO ELKARTEA – 2024-2025EKO ALOKAIRUA
TXOSTENGILEA: Frédéric TRANCHE j.
Ikusirik Lurralde Kolektibitateen Kode Nagusia,
Ikusirik 2023ko irailaren 27ko 122-2023 deliberamendua Intzurako Enpresen arteko jatetxearen kudeaketa elkartearen 2023-2024ko alokairuari buruzkoa,
Kontuan hartuz Intzurako Enpresen arteko Jatetxeak ekonomia eragileentzat duen garrantzia, herria eta langileak horren onuradun baitira,
Kontuan hartuz Intzurako Enpresen arteko jatetxearen ekonomia oreka hautsi zuela COVIDak ekarritako erabiltzaileen kopuruaren apaltzeak,
Intzurako Enpresen arteko jatetxearen Kudeaketa Elkartea (AGRIJ) Intzurako Harrera Zentroan dauden jatetxe lokaletan da kokatua eta jaten emateaz SODEXO sozietatea da arduratzen. Herriaren eta EPTA eta SOKOA enpresen langileak dira han bazkaltzen duten gehienak.
Ikusirik 2020an gertatu zen osasun testuingurua zela eta astetan hetsirik izan zela eta erabiltzaileen kopurua arras apaldu zenez, alokairua apaldu genien 2020ko irailaren lehenetik 2021eko abuztuaren 31 bitarteko aldirako. Bazkari bakoitzeko 0,43 € izatetik 0,21 € izatera pasa zen.
Alokairuaren prezioa bazkari bakoitzeko 0,21 €tan atxiki genuen 2021eko irailaren lehenetik goiti ere.
Hala eta guztiz ere, erabiltzaileen kopurua ez da 2019ko mailara inoiz itzuli eta horrek enpresen arteko jatetxearen ekonomia eredua desorekatu du interesgarri izaten badarrai ere.
Halatan, bada, jarduera hori atxikitzeko eta langileak jatetxera bazkaltzera joan daitezen bultzatzeko prezioak igo behar izan gabe, elkarteak eskatu digu alokairuaren prezioa bazkari bakoitzeko 0,21 €tan atxiki dezagun 2024ko irailaren lehenetik 2025eko abuztuaren 31 bitarteko aldian ere.
EZTABAIDATU ONDOREN,
Herriko Kontseiluak:
- Erabaki du Intzurako Enpresen arteko Jatetxearen alokairuaren prezioa bazkari bakoitzeko 0,21 €tan atxikitzea 2024ko irailaren lehenetik 2025eko abuztuaren 31 bitarteko aldian,
- Baimena eman dio auzapez jaunari horri loturiko agiri oro sina dezan.
AHO BATEZ ONETSIA
119.2024 zk. DELIBERAMENDUA
GAIA: HENDAIAKO IGERIKETA KLUBAREN (CLUB DE NATATION HENDAYAIS-CNH) ALDEKO EZOHIKO DIRULAGUNTZA
TXOSTENGILEA: Jean Michel ARRUABARRENA j.
Ikusirik Lurralde Kolektibitateen Kode Nagusia,
Ikusirik 2000ko apirilaren 12ko legea herritarrek administrazioekiko harremanetan dituzten eskubideei buruzkoa,
Ikusirik auzapezorde jaunak honako hau azalduz egin txostena:
Kontuan hartuz udalak uste duela igeri egiten ikastea eta igerian jardutea lehentasunezkoak direla gure herriaren ezaugarriei begira,
Kontuan hartuz Hendaiako Igeriketa Klubak proposatzen dituen jarduerak ororen onerakoak direla hendaiarrei proposatzen zaizkien aisialdi jarduerak garatzen baitituzte,
Igerilekua hesteak bestela aritzera eta bestela antolatzera behartu du Hendaiako igeriketa Kluba: ondoko herrietako igerilekuak erabili beharra, haurren garraioa, etab.
Esperimentazio garaian izanik, zail gertatu da zehatz-mehatz aurreikustea egokitzapen horiek eskatuko zuten diru aurrekontua.
Gainera, klubeko kideek zenbait lehiaketatan hartu dutenez parte, gastu gehiago sortu zaizkie:
- Departamenduen arteko Frantziako kopa, Périgueux-en,
- Roger Noblet lehiaketa Baionan,
- eskualde mailako txapelketa Pauen,
- eskualde mailako txapelketa Mérignac-en,
- udako Open txapelketa Pierrelatte-n.
Hendaiako Igeriketa Klubak 5000 euroko ezohiko dirulaguntza behar luke hortik sortu zaizkien gastu gehigarriei aurre egin eta bere diru kontuak orekatzeko.
EZTABAIDATU ONDOREN,
Herriko Kontseiluak:
erabaki du Hendaiako Igeriketa Klubari 5000 euroko ezohiko dirulaguntza ematea,
baimena eman dio auzapez jaunari horri loturiko agiri oro sina dezan.
AHO BATEZ ONETSIA –
120.2024 zk. DELIBERAMENDUA
GAIA: HAINBAT ALDETAKO 2024-2026 PARTZUERGO HITZARMENA IPAR EUSKAL HERRIKO ARTE ETA KULTURA HEZIKETAREN URRASPIDEARI BURUZ
TXOSTENGILEA: Michelle MOUNIOS ADURRIAGA and.
IKUSIRIK lurralde Kolektibitateen Kode Nagusia,
IKUSIRIK Arte eta Kultura Heziketarako Goi Batzordeak bultzaturiko Nazio Gutuna,
IKUSIRIK lurraldean arte eta kultura heziketako jardueren egoera,
IKUSIRIK lurraldeko eragileekin adosturiko oinarri hitzarmenerako proposamena,
IKUSIRIK auzapez andreak honako hau azalduz egin txostena:
Kontuan hartuz Herriak parte hartu nahi duela nazio gutuna eramaten eta gauzatzen,
Kontuan hartuz kolektibitateak lurraldeko beste kolektibitate eta erakundeekin elkarlanean aritu nahi duela arte eta kultura jardunaren alorrean oinarri hitzarmen baten bitartez,
Kultura funtsezko jokagaia da politika publikoetan, norbanakoen burujabetze eta loratzerako eragile eta, aldi berean, gizarte kohesiorako eta lurraldeen garapenerako elementua den bezainbatean. Kultura lurralde kolektibitateek Estatuarekin partekatzen duten eskumena da ere, eta, euskal herritarrengana arte eta kultura heziketako urraspide adostu baten bidez (AKH-EAC) zuzentzeko hautua egiten dute
2022az geroztik, kultura zerbitzua duten herriek, Euskal Elkargoak, Pirinio Atlantikoetako Departamenduak, Akitania Berriko Eskualdeak eta Estatuak gogoeta bati ekin diote Euskal Herriko AKH-EACri buruz, honako elementu hauekin:
- AKH-EAC delakoa elkarrekin zehaztu nahia, Euskal Herri mailan kalitatezko eskaintza koherentea garatzeko asmoz,
- Gizarte zibileko hogei bat eragileren proiektu-talde batetan oin hartzea urraspidearen lehen gida-markak erabiltzaileen ikuspuntutik abiatuz ezartzeko.
Gogoeta partekatu horrek honako hauek egiteko aukera eman digu:
- AKH-EAC delakoak lurraldean eginikoen egoera zehaztu,
- Oinarri hitzarmenaren elementu nagusia den «AKH-EACren Euskal Herriko Gutuna» elkarrekin prestatu,
- Hitzarmen horretan azaldu jarduera partekatuen moldeak eta manerak seinalatu.
Egun, Euskal hirigune Elkargoak (EHE), Angelu, Baiona, Biarritz, Bidarte, Bokale, Ziburu, Hendaia, Maule-Lextarre, Donibane Lohizune eta Urruña herriek, Estatuak (Akitania Berriko Kultura gaietarako Eskualde Zuzendaritza, Bordeleko Akademia, Pirinio Atlantikoetako Hezkuntza Ministerioaren Zerbitzuen Zuzendaritza), ikuspuntu berdina dute Euskal Herrian AKH-EAC hori iraunkorki eta orekatuki garatzeko, honako lau helburu hauetan oin harturiko asmo partekatuan elkarlanean aritzeko xedez:
- Politika publikoak ulergarri eta elkarren osagarriak bihurtzea;
- Bizitza osoan zehar kalitatezko eskaintza anitza eskuragarri bihurtzea;
- Lurraldeen arteko berdintasuna bermatzea;
- Arte eta kultura baliabideak eta jokabideak partekatu, behatu eta aztertzea.
Horren egiteko, Hendaiako Herriak bere kultura politikaren erdigunean AKH-EACren garapena kokatu du. Berak zuzenean daramatzan proiektuen bitartez (kultura sasoiak, ekitaldiak, arte egonaldiak, etab.) eta herriko kultura eta arte bizitzaren eragileei eman sostenguen bitartez, bere biztanle ororentzako hurbileko eskaintzaren alde aritzen da AKH-EACren alorrean.
EHEren eta oinarri hitzarmenaren sinatzaile diren gainerako herrien ondoan, Herria honako proiektu hauek garatzeko aukera aztertzen ari da, gainera:
- Profesionalen (kultura, osasuna, haur txikiak, heziketa, etab.) arteko harremana bultzatzea eta AKH-EAC eskaintza eta profesional horientzako lankidetza proiektuen eskaintza bultzatzea,
- Dagozkien baliabideak eta datuak ulergarri eta ikusgarri bihurtzea, aholkua eta orientabidea eskaintzea, lanbide topaketen bidez, formakuntzen bidez eta haientzako webgune baten bidez (EHEk prestatua),
- Jokabideak eta erabilerak balioztatzeko laborategi-behatoki bat plantan ematea, aurreikuspen azterketak egitea unibertsitate ikerketarekin partzuergoak lotuz.
EZTABAIDATU ONDOREN,
Herriko Kontseiluak:
- Onartu du honi loturiko 2023-2026rako hainbat aldetako partzuergo hitzarmenak dioena,
- Baimena eman dio auzapez jaunari hitzarmena sina dezan.
AHO BATEZ ONETSIA
121.2024 zk. DELIBERAMENDUA
GAIA: EZOHIKO DIRULAGUNTZA – “LE DISQUE DE FEUTRINE” ELKARTEA
TXOSTENGILEA: Michelle MOUNIOS ADURRIAGA and.
IKUSIRIK Lurralde Kolektibitateen Kode Nagusia,
IKUSIRIK 2000ko apirilaren 12ko Legea herritarrek administrazioekiko harremanetan dituzten eskubideei buruzkoa,
IKUSIRIK auzapezorde andreak honako hau azalduz egin txostena:
KONTUAN HARTUZ elkartearen parte hartzea ororen onurakoa dela, hendaiarrei proposatu aisialdi jardueren garapenean laguntzen baitu,
KONTUAN HARTUZ «Le disque de Feutrine» elkarteak «La ville des enfants…. Ma place idéale» proiektua antolatzea proposatu diola herriari
«Le disque de feutrine» elkarteak herria lagundu du Errepublika plazaren antolaketan bere «La ville des enfants… ma place idéale» proiektuaren bidez. Horretarako, «La ville des enfants : pour une (R) Evolution Urbaine» obra hartu du erreferentzia gisa. Obra horrek F. Baldarelli Fano-ko auzapezak, F. Tonucci soziologoarekin batera, hiria haurren behakotik birpentsatzeko eginiko esperientzia azaltzen du.
Frantsesez duen izen horrek adierazten duen bezala, proiektu horrek hendaiar ikasleen herri barnearen berrantolaketari buruzko irudimena eta asmamena bultzatu ditu arte atelierren bidez.
Haurrek proiektua uler zezaten lagundu du eta gure herriaren historiarako lekukotza eginen du ere.
Zehazki, proiektuak lehen bi emanaldi ekarri ditu:
- emanaldia «Adioa»
St Vincent eta Irandatzeko kolegio ikasleen eta lehen mailako eskola ikasleen lekukotza eta egintzetatik abiatuz, - emanaldia «Oroitzapena»
Plazako merkatari izandakoen kontakizunetatik abiatuz,
Plazaren irakurketa partekatuarekin jarraitu nahiz, elkarteak ezohiko dirulaguntza eskatu dio herriari hurrengo bi emanaldiak egiteko:
- emanaldia: «Plazaren historia»
Artxibo pribatuetako argazki eta filmak jaso eta auzapez jaunaren eta haur talde baten arteko topaketa. - emanaldia: «Lanlekua»
Lanlekuan bertan topa daitezela lanen burua eta ikasleak,
Plazako lanen nondik norakoaz ohartzea, proiektuan ari diren profesionalen azalpenekin.
Bi emanaldi horien kostua 1000 €koa izanen dela aurreikusi da, hau da, 500 € emanaldika.
Goian aipatu elementuak direla eta, honako hau proposatu zaio herri kontseiluari:
EZTABAIDATU ONDOREN,
Herriko Kontseiluak:
- Onartu du 1000 €ko ezohiko dirulaguntza ematea «Le Disque de Feutrine» elkarteari, honako bi emanaldi hauek egin ditzan: «Plazaren historia» eta «Lanlekua»,
- Baimena eman dio auzapez jaunari horri loturiko dokumentu oro sina dezan.
AHO BATEZ ONETSIA
122.2024 zk. DELIBERAMENDUA
GAIA: JARDUNAREN AREAGOTZEA – UDAL LANTEGIEN SAILA – ZERBITZU TEKNIKOEN ZUZENDARITZA
TXOSTENGILEA: Itziar AIZPURU and.
Ikusirik Funtzio Publikoaren Kode nagusia, zehazki haren L332-23 1 artikulua, jardunaren aldi bateko areagotzeari buru egiteko kontratupeko langileak hartzea baimentzen duena. Halakoetan, lan kontratua aldi mugatu baterako egiten da, gehienez urtebeterako 18 hilabeteko aldi jarrai batean
Kontuan hartuz iraunkor izanen ez den lanpostu bat sortu behar dela langile gehiago ekartzeko Zerbitzu teknikoen Zuzendaritzaren Udal lantegien Saileko Logistika eta Ospakizunen Zerbitzuan, bestak eta ospakizunak ongi iragan daitezen ( taulagainen egituren muntaketak eta desmuntaketak, materialen garraioa, etab…),
Kontuan hartuz egun geldialdian den langilea ordezkatu behar dugula erretreta hartzeko eskubidea baliatuko duen baino lehen eta kontratatze prozeduraren antolatzeko denbora beharra aurreikusi behar dugula,
Lanpostua 2024ko abuztuaren lehenetik 2024ko abenduaren 31 bitarteko aldirako sortuko dugu eta lanaldi osokoa izanen da. Lanpostua C hierarkia kategoriakoa da eta Funtzio Publikoaren lansarien gutxieneko indizearen arabera ordainduko da,
EZTABAIDATU ONDOREN,
Herriko Kontseiluak:
ONARTU DU goian aipatu iraunkor ez den lanpostua sortzea,
Lansaria C1 eskalako indizeen erreferentzia hartuz finkatzea.
BAIMENA EMAN DIO auzapez jaunari lanaldi osoko lanpostu bat sor dezan 2024ko abuztuaren lehenetik 2024ko abenduaren 31 bitarteko aldirako, jardueraren areagotzeari buru egiteko, eta lanpostu horri loturiko agiri oro sina dezan,
ZEHAZTU DU gastu hori aurrekontuaren kontura joanen dela, 012 katituluaren 64131 artikulura.
AHO BATEZ ONETSIA
123.2024 zk. DELIBERAMENDUA
GAIA: ESKURA EMATEA BERRITZEA «ATALAIA-EUSKAL ITSASBAZTERRA (IEZI) ELKARTEAREN ALDE
TXOSTENGILEA: Itziar AIZPURU and.
IKUSIRIK Funtzio Publikoaren Kode Nagusiaren L 512-6 artikulutik L 512-15 artikulura bitarteko artikuluek, lurralde kolektibitateei aplika dakiekeen eskura emate araudiari buruzkoek, diotena
Kontuan hartuz “Atalaia euskal itsasbazterra (IEZI)” elkarteak langile bat bere esku berriz ere utz dezagun egin digun eskaria,
Kontuan hartuz “Atalaia euskal itsasbazterra (IEZI)” elkarteburuak horren alde eman iritzia,
Kontuan hartuz IEZI Euskal itsasbazterrari langile bat lanaldi erdiz eskura uzte hori urtebeterako berritu behar dugula 2024ko urriaren lehenetik hasiz eta 2025eko irailaren 30 arteko aldi baterako, publikoari harrera eta informazioa eman diezaion eta Asporotsttipiko saltegiaren funtzionamenduan parte har dezan.
EZTABAIDATU ONDOREN,
Herriko Kontseiluak:
ERABAKI DU beste urtebetez uztea, 2024ko urriaren lehenetik 2025eko irailaren 30 bitarteko aldirako, lurralde langile bat, lanaldi erdiz, IEZI Euskal itsasbazterra elkarteari,
ZEHAZTU DU horretarako kreditua urtealdiko aurrekontuan dela aurreikusia,
BAIMENA EMAN DIO auzapez jaunari eranskineko eskura uzte hitzarmena sina dezan.
AHO BATEZ ONETSIA
124.2024 zk. DELIBERAMENDUA
GAIA: HILERRIEN ZAINTZAILE LANPOSTU IRAUNKORRA SORTZEKO ETA LANEKO BIZITEGIA, ZERBITZURAKO BEHAR-BEHARREZKOA BAITA, EMATEKO BALDINTZAK ZEHAZTEKO DELIBERAMENDUA
TXOSTENGILEA: Itziar AIZPURU and.
Ikusirik Funtzio Publikoaren Kode Nagusia, zehazki L313-1 eta L332-8 artikuluak lanpostu iraunkorren sortzeari buruzkoak, bai eta L721-1 artikulutik L721-3 artikulura artekoak, laneko bizitegiei buruzkoak,
Ikusirik Pertsona Publikoen Jabetzaren Kode Nagusia, zehazki R.2124-64 eta hurrengo artikuluak,
Ikusirik 2012ko maiatzaren 9ko 2012-752 zk. dekretua, bizitegia emateko araubidea aldatzen duena,
Ikusirik 2013ko urtarrilaren 22ko agindua zerbitzurako behar-beharrezkoa izateagatik bizitegia emateari buruzkoa eta betebeharrei loturik behin-behinean erabilera uzteko hitzarmenei buruzkoa,
Ikusirik lanpostuen eta langileen taula,
Kontuan hartuz Herriko Kontseiluari dagokiola zerbitzuen martxa onerako behar diren lanpostuen kopurua finkatzea,
Kontuan hartuz hilerrien kudeaketa tekniko eta administraziozkoa egin behar dela, bai eta familien harrera ere,
Kontuan hartuz bizitegia eman litekeela zerbitzurako behar-beharrezkoa bada eta langileak ezin badu bere zerbitzua lanlekuan edo ondoan bizi gabe behar bezala bete, batez ere segurtasun edota erantzukizun arrazoiengatik,
Kontuan hartuz Lurraldeko Lan Batzordeak 2024ko ekainaren 20an eman iritzia,
Lanpostu iraunkor baten sortzea:
Lanpostuen taula honela osatuko da:
- Lanpostua: Hilerrien zaintzailea
- Gradua(k) edo lanpostu alorra(k): Administrazio laguntzailea Teknikari laguntzailea
- Hierarkia kategoria: C
- Asteko batezbesteko lanaldia: Lanaldi osoa
- Kontratupean kontratatzeko oinarria: L 332-8 2
Baldin eta lanpostu huts hori ez balu funtzionario batek beteko, funtzio publikoaren kode nagusiaren L.311-1 artikuluak ezarri printzipio orokorra betez, zeren, lege agindu batek aurreikusi salbuespenik egin ezean, departamenduen, herrien eta haien administrazio izaerako erakunde publikoen lanpostu zibil iraunkorrak funtzionarioek bete behar baitituzte,
Hala gertatu ezean, beraz, salbuespena egin eta kontratupeko langile bat kontratatuko da, funtzio publikoaren kode nagusiaren L.332-8 2 artikuluak baimentzen baitu lanpostu iraunkorretarako kontratupeko langileak kontratatzea funtzioen eiteak edota zerbitzuaren beharrek horretarako arrazoia ematen badute eta funtzionariorik ezin izan bada kontratatu, ez mugikortasunaren bidez ez eta lehiaketa irabazleen artean.
Lan kontratua gehienez hiru urtetarako egiten da eta sei urte arte luza liteke hala adieraziz gero. Sei urteko epe hori bete ondoren, kontratua luzatuz gero, hala adieraziz behar da egin eta mugagabe izanen da.
Kontratupeko langile bat hartuz gero, lanpostuaren lansaria aipaturiko lanpostu alorretako indizeen arabera kalkula liteke.
Lansaria kontratatzen denaren diploma mailaren, lan esperientziaren eta kalifikazioaren arabera ezarriko zaio.
Lansariak Herriko Kontseiluaren 2022ko otsailaren 23ko deliberamenduak aurreikusi sariak ekarriko ditu, halakorik balitz.
Bizitegia zerbitzurako behar-beharrezkoa delako ematea:
Zerbitzurako behar-beharrezkoa den laneko bizitegia eman dakieke lanlekuan edo ondoan bizi gabe, batez beste segurtasun edota erantzukizun arrazoiengatik, beren lana behar bezala bete ez dezaketen langileei.
Kontuan hartuz hilerrien zaintzaileari eman zaizkion zereginetarako bertan izan behar duela, batez ere bi hilerrien (Xurienea eta Beltzenea) zabaltze eta heste ordutegiei loturik eta asteburuetan ere, zaintza lanetarako (kontrataturiko langilearekin zehazteke) bertan izan beharrari loturik.
Uzten zaion bizitegia T4 moldekoa da, 85 m² zabal.
Xurienea deitu lekuan dago, Hendaiako Henri Barbusse karrikan.
Bizitegia urririk uzten zaio eta naturazko abantaila gisa hartzen da.
Laneko bizitegiari loturiko karga arrunt guztiak (ura, argindarra, berokuntza, gasa, bizilekuaren asurantza, mantentze lan arruntak…) langileari dagozkio.
Horretarako kreditu aski urtealdiko aurrekontuan dira aurreikusiak.
EZTABAIDATU ONDOREN,
Herriko Kontseiluak:
- Onartu du 2024ko abenduaren lehenetik goiti kontratatzea, hilerri zaintzaile lanaldi osoko lanpostu iraunkorra bete dezan, funtzionario bat, eta funtzionariorik izan ezean, kontratupeko langile bat,
- Onartu du zerbitzurako behar-beharrezkoa izan eta laneko bizitegia ematea hilerrien zaintzaile lanpostua beteko duenari,
- Baimena eman dio auzapez jaunari erabaki horien gauzatzeko sinatu beharreko agiri guztiak sina ditzan.
AHO BATEZ ONETSIA
125.2024 zk. DELIBERAMENDUA
GAIA: FUNTZIORAKO BEHARREZKOA DEN ESKUALDE HIZKUNTZA BATEN ERABILERARA LOTURIKO BETEBEHARRA EZARTZEKO BALDINTZA BERRIAK
TXOSTENGILEA: Itziar AIZPURU and.
Ikusirik Laneko Funtzioak, Loturak, Gaitasuna eta Engaiamendua kontuan hartzen dituen Ordainsarien Araubideari buruzko 2022ko otsailaren 23ko deliberamendua,
Ikusirik goian aipatu deliberamendua osatzen duen eta euskarari loturiko betebehar berezia ezartzeko baldintzak aldatzen dituen 2022ko azaroaren 16ko deliberamendua,
Ikusirik funtziorako beharrezkoa den eskualde hizkuntza baten erabilerara loturiko betebeharra ezartzeko eskubidea lekarketen lanpostuen zerrenda zehazten duen 2022ko azaroaren 29ko agindua,
Ikusirik Lurraldeko Lan Batzordeak 2024ko martxoaren 14an eman iritzia,
Kontuan hartuz kolektibitateak kendu nahi duela aipaturiko aginduak ezartzen duen zerbitzu bakoitzeko onuradunen muga,
Kontuan hartuz sari hori beste langile hauei ere zabaldu behar zaiela, hau da, B1, B2 edota C1 diploma eskuratu eta publikoarekin euskaraz harremanetan izan eta mintzatu beharra duten edota zeinahi euskarritan komunikazioa euskaraz egin behar duten langileei,
Kontuan hartuz Giza Baliabideen Zuzendaritzako langile batek eta bi hautetsik (Giza Baliabideen ardura duen hautetsia gehi euskararen ardura duen hautetsia) osatuko duten batzorde batek balioztatuko duela, urte amaiera orotan, plantan eman den baliabidea, eta aztertuko duela ea diplomadun langile horiek ongi egiten ote dituzten goian aipatu zereginak,
Kontuan hartuz hautagaitzak onartu ondoren, N+1 urtean emanen dela saria,
Kontuan hartuz emanen diren diru kopuruak lehengo berdinak direla, hau da:
- B1 maila ziurtatua: hilean 20 €
- B2 maila ziurtatua edota hortik goiti, EGA artean: hilean 25 €
EZTABAIDATU ONDOREN,
Herriko Kontseiluak:
- Onartu ditu goian aipatu proposamenak eta aldatu ditu lehen aipatu 2022ko azaroaren 16ko deliberamenduak saria emateko ezarri baldintzak,
- Auzapez jaunaren edo haren ordezkariaren gain utzi du horien gauzatzea.
Horretarako bada kreditu aski urtealdiko aurrekontuan ezarria.
AHO BATEZ ONETSIA –
126.2024 zk. DELIBERAMENDUA
GAIA: FORMAKUNTZARAKO EUSKAL PLAN PARTEKATUA ONARTZEA (FPP-PFM)
TXOSTENGILEA: Itziar AIZPURU and.
Ikusirik 1984ko uztailaren 12ko Legea Lurraldeko Funtzio Publikoaren langileen formakuntzari buruzkoa, tokiko kolektibitateei ezartzen diena beraien langileentzako urteko edo hainbat urteko formakuntza plana ezarri beharra,
Ikusirik 2007ko otsailaren 19ko 2007-209 zk. legea, lurraldeko funtzio publikoari buruzkoa, betebehar hori berresten duena,
Ikusirik «PFM Pays Basque» deitu formakuntza plan partekatua prestatzen laguntzeko proiektua, Pirinio Atlantikoetako Lurraldeko Funtzio Publikoaren Kudeaketa Zentroak eta Lurraldeko Funtzio Publikoaren Nazio Zentroak (CNFPT) daramatena eta CNFPT zentroari lurralde horretan formakuntzak antolatzeko aukera ematen diona,
Kontuan hartuz horren harira prestaturiko lehen formakuntza plan partekatua 2014tik 2016 arteko aldirako eman zela plantan eta gero, 3 urteka luzatzen joan dela,
Kontuan hartuz 2020-2022 formakuntza planaren bilana egin eta formakuntza jardueretarako ardatz lehenetsiak ezarri direla 2023-2025 aldirako honako gai hauetan:
- Funtsezko ikusmoldeak:
- Lanbide arriskuen prebentzioa / sokorria,
- Tresna digitalen erabilera.
- Autonomia:
- Adinekoen harrera eta lagun egitea.
- Ingenieritza ekologikoa:
- berdeguneak.
- Baliabideak gobernatzen, kudeatzen eta gidatzen lagun egitea:
- kultura eta kudeaketa animazioa.
- Heziketa, animazioa, gazteria:
- Lagun egite hezitzailea.
Kontuan hartuz «PFM Pays Basque» deitu 2023/2025erako proiektuak gai horiek hartzen dituela bere gain,
Kontuan hartuz Lurraldeko Lan Batzordeak 2024ko ekainaren 20an formakuntza plan partekatu horren alde eman zuen iritzia,
EZTABAIDATU ONDOREN,
Herriko Kontseiluak:
Onartu du eranskineko 2024/2025 urterako euskal formakuntza plan partekatua,
Baimena eman dio auzapez jaunari CNFPT zentroak proposatu euskal formakuntza plan partekatuari loturiko dokumentu oro sina dezan.
AHO BATEZ ONETSIA
127.2024 zk. DELIBERAMENDUA
GAIA: HELGARRITASUN DATUEN BILKETA: ESKAERA ELKARKETA EGITEKO HITZARMENA
TXOSTENGILEA: Nathalie CAMACHO SATHICQ and.
Mugigarritasunen orientatzeko 2029ko abenduaren 24ko 2019-1428 zk. legeak arau berriak ezartzen ditu ahalmen urritasunen bat dutenentzako eta, oro har, bidaiarientzako informazioaren alde. Legezko agindu horiek tokiko kolektibitateak eta haien taldeak behartzen dituzte lekualdaketa kate osoa (eraikinak, bideak, leku publikoen hornikuntzak, garraio sistemak eta horien arteko intermodaltasuna) hartzen duten helgarritasunari buruzko datu baseak sortzera.
Datu gordin horiek informazioa bideratu behar diete erabiltzaileei ibilbideen kalkulatzaileak bezalako aplikazio digitalen bitartez (ahalmen urritasunen arabera helgarri diren ibilbideak ezagutzera ematea).
2021eko udazkenaz geroztik, Euskal hirigune Elkargoak eta bere eremuko 5000 biztanletik gorako 15 herriek, Helgarritasunerako Herriarteko Batzordea/Herri Batzordeen sarea deiturikoaren barnean, elkarrekin ari dira helgarritasun datua Ipar Euskal Herri mailan biltzea antolatzeko bide orria idatzi eta gauzatzeko lanetan.
Datu bilketa zerbitzuak berdinak direnez kolektibitate horien guztien kasuetan, Euskal Hirigune Elkargoak eskaera elkarketa egin dezagun proposatzen digu, bera koordinatzaile izanen delarik.
Elkarketa hori parte hartu nahiko luketen 5000tik gora biztanledun 15 herrientzat litzateke. Elkarketa horretara lotzeko deliberamendua egin behar da eta gero osatze hitzarmena sinatu.
Deialdia, eskaera orri bidezko oinarri-hitzarmen baten bidez, 2024 urtearen hastapenean eginen da eta merkatua 2024ko bigarren seihilekoan litzateke indarrean hiru urtetarako.
EZTABAIDATU ONDOREN,
Herriko Kontseiluak:
- Onartu du helgarritasun datu bilketa zerbitzua erosteko honi atxikiriko eskaera elkarketa baterako hitzarmenak dioena;
- Baimena eman dio auzapez jaunari edo haren ordezkariari hitzarmena eta horretarako behar den agiri guztiak sina ditzan.
AHO BATEZ ONETSIA
128.2024 zk. DELIBERAMENDUA
GAIA: PLAZAREN ANTOLAKETA DELA ETA ERREPUBLIKA PLAZAKO MERKATARIEI KALTEORDAINAK ONEZ ONEAN EMATEA
TXOSTENGILEA: Chantal KEHRIG COTTENÇON and.
Ikusirik 2023ko urriaren 25eko 152.2023 zk. deliberamendua, Errepublika plazaren antolaketaren harira onez onean kalteordainak emateko batzordea sortzeari buruzkoa,
Ikusirik 2024ko ekainaren 26ko 107.2024 deliberamendua Onez onean Kalteordaina Emateko Batzordearen barne araudia aldatzeari buruzkoa,
Ikusirik kalteordainen batzordearen 2024ko uztailaren 12ko iritzia,
Kontuan hartuz PIARRES, LA GRANDE ILLUSION, FAVELA eta LE TIKI sozietateek aurkeztu dituzten eskariak,
Kontuan hartuz Errepublika plazaren antolaketa lanen handia eta inguruan dauden saltegien jardunean lan horiek duten eragina, Hendaiako Herriak onez oneko kalteordainetarako batzorde bat osatu du, testuinguru horretan kalteren bat frogatuko duten merkatari eta eskulangileen kalteordain eskariak aztertzeko.
Onez oneko kalteordainetarako batzordeak 2024ko uztailaren 12an bildu eta aurkeztu zaizkion dosierrak azterturik, iritzi du 4 dosier horiek badutela barne araudian aurreikusi kalteordaina jasotzeko arrazoirik.
EZTABAIDATU ONDOREN, honako hau proposatu zaio Herriko Kontseiluari:
- 6778,48 euroko kalteordaina ematea PIARRES sozietateari (961 € kenduko zaizkio hortik, 2024ko ekainaren 19an eman zitzaion aitzinamenduaren ordainez),
- 12 386,09 €ko kalteordaina ematea TOYOS BIXENTE sozietateari (LE TIKI),
- 11 064,92 €ko kalteordaina ematea FAVELA sozietateari (2953 € kenduko zaizkio hortik, 2024ko ekainaren 21ean eman zitzaion aitzinamenduaren ordainez),
- 4777,09 €ko kalteordaina ematea FAMILLE NOMBREUSE sozietateari (LA GRANDE ILLUSION),
- Baimena ematea auzapez jaunari horri loturiko agiri oro sina dezan.
AHO BATEZ ONETSIA
Gai zerrenda bururatu delarik, auzapez jaunak eskerrak eman dizkio biltzarrari eta bilkura bukatutzat eman du 19:12ean.
