2024ko irailaren 18an herri hautetsiei banaka igorri deialdien bitartez, Herri Kontseilua bilkura arruntean biltzera da deitua, 2024ko irailaren 25ean, asteazkenarekin, 18:30ean.
GAI-ZERRENDA
- I – 2024ko UZTAILAREN 24ko HERRIKO KONTSEILUAREN AKTA ONARTZEA
- II – DELIBERAMENDUAK
- Txostengilea: Kotte ECENARRO j.
- 129.2024 – Herriko Kontseiluak emandako ahalmen ordezkaritzaz auzapezak hartu erabakiak
- Txostengilea: Frédéric TRANCHE j.
- 130.2024 – Hitzarmena Hendaiako Herriaren eta Hutsen Tratamendu Automatikorako Nazio Agentziaren (ANTAI) artean, autotegira eramateko abisuen bideratzeari buruz
- 131.2024 – Saltegi alperrik utzien gaineko zerga
- Txostengilea: Nicole BUTORI and.
- 132.2024 – Hondartzako eskolan baliabide inklusiboa plantan ematea – FaLK-ri dirulaguntza eskatzea
- 133.2024 – SEASKAren aldeko funtzionamendu dirulaguntza
- Txostengilea: Michelle MOUNIOS ADURRIAGA and.
- 134.2024 – Udal mediatekaren funtsaren ondaretik ateratzeko baimena
- 135.2024 – “Zinema Berdeak” gutuna Akitania Berrian
- Txostengilea: Jean Michel ARRUABARRENA j.
- 136.2024 – Hendaiako ikasleak uretan erraz moldatzen ikastea 2024-2025 – Azureva igerilekua eskura uztea
- Txostengilea: Ganix GRABIÈRES j.
- 137.2024 – Ingurumenean Azantzaren Prebentziorako Plana prestatzea (IAPP-PPBE) – 4. epea 2024-2029
- 138.2024 – Akitania Berriari dirulaguntza eskatzea Abadia eremuaren kudeaketa planaren harira
- 139.2024 – Pirinio Atlantikoetako Departamenduari dirulaguntza eskatzea Abadia eremuaren kudeaketa planaren harira
- 140.2024 – Atlantiko aldean Cortaderia selloanaren aurka borrokatzeko nazioz gaindiko estrategiara lotzea
- 141.2024 – Ezohiko dirulaguntza Euskal Moneta elkartearen alde
- Txostengilea: Chantal KEHRIG COTTENÇON and.
- 142.2024 – Hendaia Herriaren Tokiko Hirigintza Planaren 3. aldaketa sinplifikatua – Herriaren iritzia
- 143.2024 – «Herri barneko lorategiak» hiri proiektua egiteko behar diren lursailak eskuratzea – eskuratzeko hondar kopurua aldatzea
- 144.2024 – Pirinio Atlantikoetako Departamenduan ibilgailu elektrikoen kargatzeko kargaguneak hedatzea – Eskumen aldaketak Herriaren eta TE 64 delakoaren artean
- 145.2024 – Sasoiko ostatalekuak – Bizitegi Ekintza Hitzarmena
- 146.2024 – Lanpostu iraunkor kopuruen 7. Taula
- 147.2024 – Proiektu kontratuaren luzatzea – Fluxu aurrezpena
Sinatzailea : auzapez jauna
Euskal Hirigune Elkargoaren lehendakariordea
Kotte ECENARRO
HERRIKO ETXEKO WEBGUNEAN EMANA : 2024eko irailaren 18an
Bi mila eta hogeita laugarren urtean, irailaren hogeita bost, asteazkenean, 18:30ean, Herri Kontseilua bildu da Kotte ECENARRO auzapez jauna buru duela.
BERTARATUAK: ECENARRO j. (Auzapeza) – KEHRIG-COTTENÇON and., TRANCHE j., BUTORI and., MOUNIOS ADURRIAGA and., ARRUABARRENA j., CAMACHO-SATHICQ and., GRABIÈRES j. (Auzapezordeak), BERNARD j., TARIOL j., BEAUFORT and., LABEAU and., CEZA and., JEHAN j., HARAMBOURE and., EIZAGUIRRE j., ROMAN and., MANTEROLA j., LEGARDINIER and., ARZELUS ARAMENDI j. (130.2024 deliberamendutik landa), NAVARRON and., SALLABERRY j., DESTRUHAUT j., BARRERO and., POUYFAUCON j., BALANZATEGUI j., HIRIBARREN and.,
AHALORDEAK: IRAZUSTA jaunak MOUNIOS ADURRIAGA andereari, AIZPURU andereak BEAUFORT andereari, PELEGRIN-ARAMENDY jaunak HARAMBOURE andereari eta ESTOMBA andereak DESTRUHAUT jaunari.
EZ DA HOR IZAN: ARZELUS ARAMENDI jauna 130.2024 deliberamendua arte.
BILKURA IDAZKARIA: COTINAT anderea
Deialdiaren data: 2024ko irailaren 18a.
Bilkuraren quoruma bete da.
Gai zerrendari ekin diote gero.
I – 2024KO UZTAILAREN 24KO HERRI KONTSEILUAREN BILKURA AGIRIA ONARTZEA:
Auzapez jaunak, Celine COTINAT andreari, bilkura idazkari izendatua izan delarik, 2024ko maiatzaren 29ko herri bilkuraren agiria irakur dezan eskatu dio.
AHO BATEZ ONETSIA–
II – DELIBERAMENDUAK
129.2024 zk. DELIBERAMENDUA
GAIA : HERRI KONTSEILUAK EMANDAKO AHALMEN ORDEZKARITZAZ AUZAPEZAK HARTU ERABAKIAK
TXOSTENGILEA : Kotte ECENARRO jauna
- Lurralde Kolektibitateen Kode Nagusiaren L 2122-23 artikuluak dioena betez, auzapez jaunak kontu eman du zein erabaki hartu dituen 2020ko uztailaren 3ko herri kontseiluaren deliberamenduen bitartez eman zaizkion ordezkaritzak baliatuz:
073.2024, 2024ko uztailaren 22koa – Azterketa merkatua – Programatzaile zeregina Hendaiako Haurtzaroaren Etxearen berrantolaketa proiektuaren karietara – Azterketa merkatua BEAU/LABADIOLLE taldearekin sinatua, beraren ordezkaria Bureau d’Etudes en Architecture et Urbanisme (BEAU) deitu sozietatea delarik – 01 eta 02 aukerako zatiak – BEAU LABADIOLLE – 001 aukerako zatia 3825.00 € ZG delarik eta 002, berriz 1912.50 € ZG.
074.2024, 2024ko uztailaren 23koa – Kanpoko hormen freskaldia eta margoketa – Geltoki auzoko ama eskola – SAS BBP – Diru kopurua ZG: 42 670.70 €.
075.2024, 2024ko uztailaren 26koa – Merkatu publiko baten deialdia – Zati finko bat eta 5 zati aukeran dituen merkatua – Prozedura egokitu irekia – Obragintza laguntza sukalde zentrala egiteko proiektu baten karietara egingarritasunaren eta programatzearen azterketa egiteko – ESPELIA SAS – Diru kopurua ZG orotara: 94 350.00 € (zati finkoa + 5 aukerako zati).
076.2024, 2024ko uztailaren 29koa – Lanen merkatu publiko baten deialdia – Prozedura egokitu irekia – Herri lanetarako materialaz hornitzeko merkatua – ETS LAFFONT – 1. multzoa: Minipala 6T gurpilduna – Diru kopurua ZG:56 000.00 €.
077.2024, 2024ko uztailaren 29koa – Lanen merkatu publiko baten deialdia – Prozedura egokitu irekia – Herri lanetarako materialaz hornitzeko merkatua – ETS LAFFONT – 2. multzoa: orga teleskopikoa 12 m – Diru kopurua ZG: 94 000.00 €.
078.2024, 2024ko uztailaren 29koa – Lanen merkatu publiko baten deialdia – Prozedura egokitu irekia – Igerileku berriaren eraikitze merkatua – 6. multzoa: Egur egiturak – Hornikuntza – Barneko arotziak, barne antolamendua, hormen hornitzea, seinaletika – SAS ENTSIA – Diru kopurua ZG: 111 600.15 €.
079.2024, 2024ko uztailaren 12koa – Musika irakatsi eta jotzeko aretoa eskura uzteko baimena – Hendaiako Pierre Loti karrika – Harmoniarena deitu aretoa –
ENTZUN ABESBATZA elkartea.
080.2024, 2024ko uztailaren 12koa – Musika irakatsi eta jotzeko aretoa eskura uzteko baimena – Hendaiako Pierre Loti karrika – Harmoniarena deitu aretoa – GOSPEL’ETAN elkartea.
081.2024, 2024ko uztailaren 12koa – Musika irakatsi eta jotzeko aretoa eskura uzteko baimena – Hendaiako Pierre Loti karrika – Harmoniarena deitu aretoa – KANTU elkartea.
082.2024, 2024ko uztailaren 12koa – Musika irakatsi eta jotzeko aretoa eskura uzteko baimena – Hendaiako Pierre Loti karrika – Harmoniarena deitu aretoa –
ORCHESTRE D’HARMONIE D’HENDAYE (OHH) elkartea.
083.2024, 2024ko uztailaren 30ekoa – Kanpo hormen freskaldi eta margoketa – Geltoki auzoko lehen mailako eskola – SAAVEDRA – Diru kopurua ZG: 88 251.88 €.
084.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa – ABOLIÇAO CAPOEIRA elkartea.
085.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa – AGORA elkartea.
086.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa – ARTITUDE elkartea.
087.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa – DANTZA CARIOCA elkartea.
088.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa – HBSC elkartea.
089.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa – KALIA elkartea.
090.2024, 2024ko uztailaren 12koa – Musika irakatsi eta jotzeko aretoa eskura uzteko baimena – Hendaiako Pierre Loti karrika – Harmoniarena deitu aretoa – Euskal Hirigune Elkargoaren nortasun moral eta diruzkoa duen Konpainia Autonomoa – Eskualde hedadurako Maurice Ravel Kontserbatorioa.
091.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa – ALMA GITANA elkartea.
092.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa – ÉCOLE D’ACROBATIE DU SPECTACLE ARTS DE CIRQUE (EASAC) elkartea.
093.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa –
THÉÂTRE DES CHIMÈRES elkartea.
094.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa – LES TROIS CHEMINS elkartea.
095.2024, 2024ko uztailaren 29koa – Hendaian arte irakaskuntza eta jardunetarako aretoa eskura uzteko baimena – DENENTZAT multzoarena deitu aretoa –
LE PETIT THEATRE DES CHECHENIAS elkartea.
096.2024, 2024ko irailaren 3koa– Merkatu publiko baten deialdia Hendaiako Herriko Etxearen berokuntza, aire egokitu, aireztapen, ur bero sanitario eta ur tratamendurako instalazioen mantenimendu eta ustiapenerako – Eskaintzen deialdi irekia – Merkatu arrunta – IRIS CONSEIL RÉGIONS – Merkatuaren hastapeneko diru kopurua: 54 503.00 € ZG eta gehigarriarena: 1700.00 € ZG. Horrek egiten du merkatuaren kopuru osoa honako hau: 56 203.00 € ZG.
097.2024, 2024ko irailaren 3koa– Lanen merkatu publiko baten deialdia – Prozedura egokitu irekia – Merkatu arrunta– Herriko Etxearen eta Errepublika plazaren berrantolaketa – SAS ETCHART CONSTRUCTION – 2. multzoa – Obra larria – 2. gehigarria – Merkatuaren hastapeneko diru kopurua: 141 500.00 € ZG eta gehiagarriarena: 18 000.00 € ZG. Horrek egiten du merkatuaren kopuru osoa honako hau: 159 500.00 € ZG.
098.2024, 2024ko irailaren 3koa– Lanen merkatu publiko baten deialdia – Prozedura egokitu irekia – Merkatu arrunta – Herriko Etxearen eta Errepublika plazaren berrantolaketa – Obralaritza merkatua – 3. gehigarria – L’ATELIER D’ARCHITECTURE FABRICE DELETTRE – Merkatuaren kopurua, 1. eta 2. gehigarrien ondoren: 202 802.00 € ZG eta beste gehigarri bat: 17 282.13 € ZG. Horrek egiten du merkatuaren kopuru osoa honako hau: 220 084.13 € ZG.
099.2024, 2024ko irailaren 9koa– Merkatu publiko baten deialdia Hendaiako zirkulatze plana eta aparkatze plana prestatzeko – Merkatu arrunta – 2024ko irailaren 03ko 096.2024 erabakia ezeztatu eta ordezkatzen du – 1. gehigarria – IRIS CONSEIL RÉGIONS – Merkatuaren hastapeneko diru kopurua: 54 503.00 € ZG eta gehigarriarena: 1700.00 € ZG. Horrek egiten du merkatuaren kopuru osoa honako hau: 56 203.00 € ZG.
100.2024, 2024ko irailaren 10ekoa– Merkatu publiko baten deialdia – Prozedura egokitu irekia – Neguko eta sasoiko ostatalekuen antolaketa – 3.multzoa: Igeltsua – 1. gehigarria – SAS Jean GOITY – Merkatuaren hastapeneko diru kopurua: 46 632.86 € ZG eta gehigarriarena: – 2391.73 € ZG. Horrek egiten du merkatuaren kopuru osoa honako hau: 53 089.35 € ZG.
EZTABAIDA EGIN ETA,
HERRI KONTSEILUA JAKINAREN GAINEAN DA – EZ DA BOZKETARIK –
130.2024 zk. DELIBERAMENDUA
GAIA: HITZARMENA HENDAIAKO HERRIAREN ETA HUTSEN TRATAMENDU AUTOMATIKORAKO NAZIO AGENTZIAREN (ANTAI) ARTEAN, AUTO BAHITEGIRA ERAMATEKO ABISUEN BIDERATZEARI BURUZ
TXOSTENGILEA: Frédéric TRANCHE j.
Ikusirik 2020ko ekainaren 24ko 2020-775 Dekretua, auto bahitegiei buruzkoa eta auto bahitegien kudeaketarako nazio mailan zentralizaturiko informazio sistema (hemendik goiti «SI-Fourrières» deitua) sortzea aurreikusten duena, zeinaren erabiltzea baitezpadakoa baitzaie Estatuak kudeaturiko auto bahitegiei eta hautazkoa lurralde kolektibitateek kudeaturikoei, Bideen Kodearen L.325-13 artikuluari jarraikiz;
Ikusirik Bideen Kodea, bereziki haren L.325-13, R.325-12-1, R.325-31 eta R.325-32 artikuluak;
Ikusirik 2011ko martxoaren 29ko 2011-348 Dekretu aldatua, Arau Urratzeen Tratamendu Automatikorako Nazio Agentzia sortzekoa;
Ikusirik 2020ko ekainaren 24ko 2020-775 Dekretua, auto bahitegiei buruzkoa;
Auto bahitegien Informazio Sistemaren helburua autoen bahitegi prozesu osoa informatikoki kudeatzea da, bahitegiratze unetik bertatik izan litezkeen aterabide orotarainoko guztian (ibilgailua itzultzea, saltzea edo suntsitzea), eta paperean argitaratzea informatizatu gabe diren dokumentuak.
Informazio sistema horrek matrikula agiriaren titularrari jakinarazte fasea betetzen du, bereziki, epe jakin batean bere ibilgailuaren xerka etor dadin aginduz, Bideen Kodearen R.325-31 eta 325-32 artikuluek diotenari jarraikiz, bai eta gerora errepikatu behar diren, halakorik balitz, oroitze abisuak ematea ere.
SI-Fourrières dela eta, Bide Segurtasunerako Ordezkaritzak (DSR) Arau Urraketen Tratamendu Automatizaturako Nazio Agentziaren (ANTAI) esku utzi du abisuen igorpena, Barne Ministerioaren zaintzapean dagoen Administrazio Erakunde Publikoa (AEP-EPA) izanik, bahitegiratzea erabaki duten eta hala egin dadin nahi duten agindu emaileen izenean, duen estatusak lurralde kolektibitateen izenean aritzeko aukera ematen baitio.
Hendaiako Herriak baliabide horretara lotu nahi du eta ANTAI agentziarekin hitzarmena egin agentzia horrek egin ditzan hala ibilgailuen bahitegiratze abisua ematea nola jaso izanaren agirien eta banatu ez diren agirien biltzea eta bideratzea.
Hitzarmena proposatzen zaie auto bahitegien kudeatzaile edo bahitegiratze agintzaile zerbitzu diren eta Frantzian bizi diren eta Frantziako matrikula agiriak dituzten erabiltzaileei jakinarazteko baliabidearen kudeaketa ANTAI agentziari utzi nahi dioten lurralde kolektibitateei.
Hitzarmen horrek zehazten du zein baldintzatan eta moldetan engaiatzen den ANTAI agentzia, lurralde kolektibitatearen izenean eta haren ordez, bahitegiratu izanaren jakinarazpena egitera, Bide Kodearen R.325-31 artikuluaren harira, eta jaso izanaren agirien eta banatu gabeko agirien bildu eta bideratzera.
ANTAI agentziak hitzarmenean proposatzen duen jakinarazpen baliabidea Frantzian matrikulaturiko eta matrikulatze agiriaren titularra Frantzian bizi den ibilgailuak besterik ez du hartzen.
ANTAI agentziak, hitzarmenaren harira egiten duen ibilgailu bakoitzaren bahitegiratu izanaren abisuen bideratzearen ordainez, Hendaiako Herriak honako diru kopuru hauek ordainduko dizkio agentziari:
- Zigilatze gastua La Poste delakoan indarrean den tarifaren arabera igorri duen gutun bakoitzeko,
- Igortze gastuak, jaso izanaren agiridun bahitegiratu izanaren abisu batengatik eta gutunaren itzultzearen bideratzeagatik (ANTAI agentziaren ordaintze gastuak).
ANTAI agentziarekin egin hitzarmenak honako hauetarako aukera emanen dio Herriari:
- Udaltzainen lanaldia optimizatzea, beste zereginetarako denbora irabaziko baitute,
- Ibilgailuen bahitegiratu izanaren abisuen igorpenaren kudeaketari loturiko arrisku juridikoak murriztea.
Hitzarmena 2025eko abenduaren 31 arte izanen da indarrean eta orduan hitzarmen berri bat beharko da Herria ANTAI agentziak proposatu baliabide horretara loturik jarraitzeko.
EZTABAIDA EGIN ETA,
Herri Kontseiluak:
- Onartu du Arau Urratzeen Tratamendu Automatizaturako Nazio Agentziaren (ANTAI) eta Hendaiako Herriaren arteko hitzarmenak dioena ibilgailuak bahitegira eraman izana Herriaren izenean jakinarazi eta jaso izanaren agirien eta banatu ez diren agirien bildu eta bideratze prozeduretarako,
- Baimena eman dio auzapez jaunari edo haren ordezkariari Arau Urratzeen Tratamendu Automatizaturako Nazio Agentziaren (ANTAI) eta Hendaiako Herriaren arteko hitzarmena sina dezan,
- Onartu du Hendaiako Herriak Arau Urratzeen Tratamendu Automatizaturako Nazio Agentziari (ANTAI) ordain diezazkion ANTAI agentziak, Herriaren izenean, goian aipatu bezala ibilgailu bakoitza bahitegira eraman izanaren abisuen bideratzearen gastuak,
- Baimena eman du horretarako gastu guztiak Herriaren aurrekontutik ordaintzeko,
- Baimena eman dio auzapez jaunari edo haren ordezkariari hitzarmen hori eta horren gauzatzeko baliagarri den dokumentu oro sina ditzan.
AHO BATEZ ONETSIA–
ARZELUS-ARAMENDI jauna sartu da.
131.2024 zk. DELIBERAMENDUA
GAIA: SALTEGI ALFER UTZIEN GAINEKO ZERGA
TXOSTENGILEA: Frédéric TRANCHE j.
Ikusirik Zergen Kode Nagusiaren 1530 artikulua,
Kontuan hartuz herrian badela zenbait merkataritza lokal hutsik,
Merkataritza leku Alfer Utzien gaineko Zerga (MAUZ-TFC) lurralde batean dauden merkataritza leku hutsen aurka borrokatzeko ezarri urteroko zerga bat da.
Herriak deliberamendu batez ezartzen du N urteko urriaren lehena baino lehen, hurrengo urtetik goiti (N+1) aplika dadin.
Merkataritza leku alfer utzien gaineko zerga honako baldintza guztiak dituzten merkataritza lokalei ezartzen zaie:
- Jabetza Eraikien gaineko Funtsen gaineko Zergapean izatea (JEFZ-TFPB), zergen kode nagusiaren 1498 artikuluari jarraikiz: izan litezke, adibidez, bulego eraikinak edo merkataritza baterako erabiliak, biltegiak etab.
- Jadanik ez izatea Enpresen Funtsen gaineko Kotizaziopean (EFK-CFE) (Zergen Kode Nagusiaren 1447 artikulua),
- Zerga ordaintze urtearen urtarrilaren lehenean gutxienik bi urte ustiatu gabe izatea eta aldi horretan erabili gabea. Halatan, 2024ko zergen kasuan, lokalak 2022ko urtarrilaren lehenaz geroztik behar du ustiatu gabe eta hutsik izan.
Zerga hori ez da zertan ordaindu ondasunen ustiatze eza zergapekoaren nahiaz kanpokoa bada (alokatzeko edota salgai eman diren ondasunak, merkatuaren preziotik gora ez badira eskainiak eta hartzailerik lortzen ez badute, adibidez).
Zergaren maila % 10ean ezarriko da lehen zergapetze urtean, % 15ean bigarrenean, eta % 20ean hirugarren urtetik goiti. Zergen Kode Nagusiaren 1639 A bis artikuluak ezarri baldintzetan hartu deliberamendu baten bidez Herri Kontseiluak emenda litzake maila horiek, betiere bikoiztea delarik muga.
EZTABAIDA EGIN ETA,
Herri Kontseiluak:
- Urteroko zerga bat ezarri du herrian dauden merkataritza leku alfer utzien gainean.
AHO BATEZ ONETSIA–
132.2024 zk. DELIBERAMENDUA
GAIA: HONDARTZAKO ESKOLAN BALIABIDE INKLUSIBOA PLANTAN EMATEA – FaLK-RI DIRULAGUNTZA ESKATZEA
TXOSTENGILEA: Nicole BUTORI and.
Ikusirik Lurralde Kolektibitateen Kode Nagusia,
Ikusirik Partzuergoentzako Gizarte Laguntzen Araudia,
Kontuan hartuz Herriak eta Hezkuntza Ministerioak arrapostua eman behar dietela behar bereziak dituzten haurrei,
Kontuan hartuz Hondarraitzeko ama eskolak behar bereziak dituzten haurren talde bat har dezakeela eta Hezkuntza Ministerioak eta Hendaiako Herriak horretarako bitartekoak eman dituztela,
Baitezpadako eskolatzea 3 urtetatik goiti ezarri denetik azaldu da zenbait ikasleri gaitz gertatzen zaiela eskolara egokitzea. Halatan, haiek dituzten behar bereziei arraposturik eman ezean, haien ikasketak eta ongizatea kaltetu daitezkeela eta horrek nabarmen kaltetzen duela lehen eskolatze horretako ikasketa.
Eskolarekiko lehen harreman horrek haurrarengan arrastoa utzi eta eskola ingurunera egokitzeko traba gerta lekioke.
Haur horiei arreta berezia egin nahiz, Herriak eta Hezkuntza Ministerioak Hondarraitzeko eskolan ikasgela inklusibo bat antolatzea erabaki dute.
Eskolari irakasle bat eta ABLA-ATSEM bat gehiago eman eta giza baliabide horiek proiektua arrakastatsu gerta dadin eskaini zaizkio lantaldeari.
Behar material gehiago ere bada horretarako.
Familia Laguntza Kutxak, bere zereginen artean, lagun dezake herria eskolaldi ingurukoan haurrak hartzeko behar den materiala erosteko, 3500 euroko dirulaguntza baten bidez.
EZTABAIDA EGIN ETA,
Herri Kontseiluak:
- Baimena eman dio auzapez jaunari Familia Laguntza Kutxari dirulaguntza eska diezaion,
- Baimena eman dio auzapez jaunari horri loturiko dokumentu oro sina dezan.
AHO BATEZ ONETSIA–
133.2024 zk. DELIBERAMENDUA
GAIA: SEASKAREN ALDEKO FUNTZIONAMENDU DIRULAGUNTZA
TXOSTENGILEA: Nicole BUTORI and.
Ikusirik Lurralde Kolektibitateen Kode Nagusia,
Ikusirik 2000ko apirilaren 12ko Legea, herritarrek administrazioekiko harremanetan dituzten eskubideei buruzkoa,
Ikusirik Finantzen Batzordearen 2024ko irailaren 13ko iritzia,
Ikusirik auzapezorde andreak honako hau azalduz egin txostena:
Kontuan hartuz elkartearen parte hartzea ororen onerakoa dela, hendaiarrei euskaraz proposatzen zaizkien jardueren garapenean laguntzen baitu,
Kontuan hartuz Herriak jarduera horrek dakartzan gastuetan parte hartu nahi duela,
SEASKA elkarteak honako helburu hauek betetzen ditu:
- Euskara eta euskal kulturaren sustapena egitea haurren eta nerabeen artean,
- Euskara harremanetako hizkuntza gisa oin harturiko heziketa eta kultura jarduerak sostengatu eta sustatzea.
Udalak elkartearen helburuak bere egiten ditu, ororen onerakotzat hartzen dituelarik.
Jarduera horietan elkartea sustatu nahiz, kolektibitatea 8198,00 eurorekin engaiatu da elkartearekin. Laguntza horren emateko behar diren azken dokumentuak ekarri dizkigunez jadanik elkarteak, funtzionamendu dirulaguntza eman dakioke.
EZTABAIDA EGIN ETA,
Herri Kontseiluak:
SEASKA elkarteari eman dio 8198,00 €ko kopurua funtzionamendu dirulaguntza gisa,
Baimena eman dio auzapez jaunari horri loturiko dokumentu oro sina dezan.
AHO BATEZ ONETSIA–
134.2024 zk. DELIBERAMENDUA
GAIA : UDAL MEDIATEKAREN FUNTSAREN ONDARETIK ATERATZEKO BAIMENA
TXOSTENGILEA : Michelle MOUNIOS-ADURRIAGA anderea
«Jorraketa» mediatekaren funtsetatik hondaturik diren edo dokumentuen politika araudiari jadanik jarraitzen ez zaizkion zenbait dokumentu kentzeko eragiketa da. Mediateken bildumak hautu baten emaitza dira eta koherentzia behar dute.
Erakargarri izaten jarraitzeko eta herritarren beharrei erantzuteko, noizean behin bereizketa egin behar da, honako irizpide hauei jarraikiz:
- Dokumentuaren egoera fisikoa, itxura, estetika
- Aleen kopurua
- Argitaratze data (lege gordailua 15 urte lehenagokoa)
- Mailegatua izan gabe egin dituen urteak
- Literatura obra edota dokumentu gisa duen balioa
- Informazioen kalitatea (edukia epez kanpo edo zaharkitua)
- Horren ordezko dokumentuak dauden ala ez
EZTABAIDA EGIN ETA,
Herri Kontseiluak:
- Baimentzen du, jorraketa egitarauaren barnean, udal mediatekaren zerbitzu buruari, dokumentuak inbentariotik atera eta komeni diren administrazio bideetatik eraman ditzan:
- Bibliografia base informatizatutik kentzea (ateratze data seinala)
- Dokumentu bakoitzari herriaren jabetza seinale oro kentzea
- Fitxetatik kentzea
- Adostasuna adierazi du, dokumentu horiek, duten egoeraren arabera, honela bidera ditzan:
- Urririk emanik elkarte humanitario edota gizarte ekintzakoei, haiek, behar dutenaren arabera, atxiki ahal ditzaten edo partikularrei utzi.
- Urririk emanik liburuak erabiltzen dituzten beste udal zerbitzuei, hala nola Animazio Zerbitzuari (aisialdi harlekuentzat, eskolaldi inguruko aisialdi harlekuentzat, etab.).
- Saldurik, udal mediatekak antolatu salmentetan, mediatekan bertan edota tokiko ekitaldietan edo ekitaldi berezietan.
- Suntsiturik, eta, ahal izanez gero, berziklatzeko papererako baliatuz.
- Azaltzen du , jorraketa bakoitzean, auzapez jaunak sinaturiko agiri batez adieraziko dela obren deusaztetzea, kendu diren dokumentuen kopurua seinalatuz.
Bozkatu baino lehen :
Hurrengo jorraketa urriaren 12ko braderian eginen da. Liburuak Cimade elkarteari emanak izango dira.
Duela 80 urte, Cimade interes orokorreko elkartearen helburua da zapalduak eta esplotatuak diren pertsonei elkartasun aktiboa erakustea. Errefuxiatuen eta migratzaileen duintasuna eta eskubideak defendatzen ditu, haien jatorria, iritzi politikoak edo sinesmenak edozein direla ere. Cimade elkartea Hendaiako Erretentzio Administratiboko Zentroan dago.
Ikusirik Lurralde Kolektibitateen Kode Nagusia, bereziki L.2122-21 artikulua;
Ikusirik 127.2012 deliberamendua, 2012ko abenduaren 20koa, Mediatekaren liburu erabili edo zaharkituak kentzeari buruzkoa,
Goian aipatu deliberamendua eguneratu beharra dagoela, deliberamendu berri batek hura bertan behera utzi eta ordezkatzen duelarik.
AHO BATEZ ONETSIA–
135.2024 zk. DELIBERAMENDUA
GAIA : “ZINEMA BERDEAK” GUTUNA AKITANIA BERRIAN
TXOSTENGILEA : Michelle MOUNIOS-ADURRIAGA and.
2022ko martxoaz geroztik, CINA (Akitania Berriko Zinemagela Independenteak) elkarteak, zeinaren kide Variétés zinemagela baita, bere sareko zinemagelei gutun bat sina dezaten proposatzen die, zinemagela horiei ekologia trantsizioan laguntzeko.
Ekintza zehatzak erabiltzea da gaia, artea atxiki eta horren ingurumenaren gaineko eragina murrizteko.
Aholkuak eta baliabideak ematen dizkie aretoei, honako 6 gai nagusi hauen gainean :
- paper bidezko komunikazioa eta komunikazio digitala,
- energia,
- lantaldeen eta ikusleen lekualdaketak,
- hondakinen kudeaketa,
- gozokitegia eta jatekoa,
- programa.
EZTABAIDA EGIN ETA,
Herri Kontseiluak:
erantsiriko gutunak dioena onartu du,
baimena eman dio auzapez jaunari gutuna sina dezan.
AHO BATEZ ONETSIA–
136.2024 zk. DELIBERAMENDUA
GAIA: HENDAIAKO IKASLEAK URETAN ERRAZ MOLDATZEN IKASTEA 2024-2025 – AZUREVA IGERILEKUA ESKURA UZTEA
TXOSTENGILEA: Jean-Michel ARRUABARRENA j.
Ikusirik Lurralde Kolektibitateen Kode Nagusia,
Ikusirik Hezkuntza, Gazteria eta Kirolen Ministerioaren Aldizkari Ofizialaren 9. Zk, 2022ko martxoaren 3koa, eta bereziki uretan erraz moldatzeko eskolaren ekarpenaz mintzo den 2022ko otsailaren 28ko zerbitzu oharra,
Ikusirik Hezkuntza Ministerioeran, Azureva Oporlekuaren eta Herriaren artean 2023ko azaroaren 10ean sinaturiko «Igeriketaren irakaskuntza lehen mailako eskolan» deitu hitzarmena,
Ikusirik auzapezorde jaunak honako hau azalduz egin txostena:
Kontuan hartuz herriko haurrek jarraitu behar dutela uretan erraz moldatzen ikasten udal igerileku berria eraikitzeko lanek dirauten bitartean ere,
Kontuan hartuz Azureva oporlekuak ikasketa horretarako bidea eskain dezakeela,
Kontuan hartuz 2023-2024 sasoiaren bururatzean partzuer guztiek udal igerizain sokorrigileek Azurevan eraman duten esperientziaz egin duten bilan ona,
Kontuan hartuz 2023-2024 ikasturteko uretan erraz moldatzen ikasteko jardueraz egin bilana:
- eskolarekin ikasketa hori egin duten ikasleen kopurua:
- 36 ikasgela,
- 604 lehen mailako ikasle,
- 153 ama eskola ikasle.
- Ikastalditik kanpo proposatu ikasketaren areagotzea egin duten haurren kopurua:
- asteazkenetan: 42 haur, zeinetan 14k ur-baimena eskuratu baitute,
- otsaileko eskola oporretan: 54 haur.
Iaz bezala, Hezkuntza Ministerioaren, Azureva oporlekuaren eta Herriaren arteko hitzarmena berritu ondoren, handien sailetik lehen mailako bigarren urterainoko hendaiar ikasleek oporleku horretan eginen dituzte ikastaroak 2024ko azaroaren 04tik 2025eko martxoaren 14 bitarte, astelehen, astearte, ostegun eta ostiraletan.
Gisa berean, ikasketa hori areagotzen jarraitu nahirik, aldi horretako asteazkenetan igerian ez dakiten haurrei ere proposa dakizkieke igeriketa ikastaroak.
EZTABAIDA EGIN ETA,
Herri Kontseiluak:
- baimena eman dio auzapez jaunari Azureva oporlekuarekin egin hitzarmena sina dezan,
- baimena eman dio auzapez jaunari horri loturiko dokumentu oro sina dezan
AHO BATEZ ONETSIA–
137.2024 zk. DELIBERAMENDUA
GAIA: INGURUMENEAN AZANTZAREN PREBENTZIORAKO PLANA PRESTATZEA (IAPP-PPBE) – 4. EPEA 2024-2029
TXOSTENGILEA: Ganix GRABIÈRES j.
Ikusirik 2002ko ekainaren 25eko 2002/49/CE Europar Zuzentaraua, ingurumenean azantza balioztatu eta kudeatzeari buruzkoa,
Ikusirik Hirigintza Kodea,
Ikusirik Ingurumen Kodea,
Ikusirik 2006ko martxoaren 24ko 2006-361 Dekretua, azantza planak eta ingurumenean azantzaren prebentzio planak egiteari buruzkoa eta hirigintza kodea aldatzekoa,
Ikusirik arriskuei, ingurumenari, mugikortasunari eta antolaketari buruzko azterketa eta txosten egite zentroak (CEREMA) 2022ko maiatzaren 22an eman gabeko Pirinio Atlantikoetako errepide sareari buruz jakinarazi kartografia datuak,
Ikusirik 2022ko uztailaren 4ko prefet agindua, laugarren epeko azantza estrategikoen mapak (AEM-CBS) onartzekoa,
Ingurumenean azantza balioztatu eta kudeatzeko 2002/49/CE Europar Zuzentarauari jarraikiz, hirigune handiek eta lurreko garraio azpiegitura handiek Azantza Mapa Estrategikoak (AME-CBS) eta Ingurumenean Azantzaren Prebentziorako Planak (IAPP-PPBE) egin behar dituzte.
Honako helburu hauek ditu zuzentarau horrek:
- herritarrak eta ikastetxeak edo osasun etxeak gehiegizko harrabots trabagarrietatik babestea;
- harrabots trabako egoera berri orori aitzina hartzea;
- alde lasaiak zaintzea;
- herritarrei bizi duten harrabots mailari buruzko informazioa bermatzea;
- harrabots kutsadura gutxitzeko aurreikusiriko jardueren berri ematea.
Ingurumen kodearen honako artikulu hauetara ekarri da zuzentaraua: L.572-1 artikulua eta hurrengoetara, R.572-1 artikulua eta hurrengoetara, bai eta azantza mapa estrategikoak eta IAPP-PPBEak egiteari buruzko 2006ko apirilaren 4ko agindura ere.
Testu horiek bereziki begiratzen dituzte urtean 3 miliotik gora ibilgailu dituzten bide azpiegiturak.
Arauek agindurikoari jarraikiz:
- IAPP-PPBEaren prestaketaren lehen etapa aritzea komeni duen sektoreen diagnostikoa egitea izan da. Horretarako, 2022ko uztailaren 4an onartu eta argitaratu ziren Pirino Atlantikoetako Departamenduaren laugarren epeko azantza mapa estrategikoak,
- Bigarren etapa azken 10 urteotan egin diren eta aitzineko IAPP-PPBEan aipatu ziren (txostenaren 5. Kapitulua) ekintzen bilana egitea izan zen,
- Hirugarren etapak gure herritarrek jasaten duten harrabotsa maila apaltzeko ekintzen zerrenda egin eta 2024-2029 aldirako ekintza programa orokor batean antolatzeko aukera eman digu.
EZTABAIDA EGIN ETA,
Herri Kontseiluak:
- Txostenaren jakinaren gainean da, arauek eskatzen dituzten herri galdeketei ekiteko.
AHO BATEZ ONETSIA–
138.2024 zk. DELIBERAMENDUA
GAIA : AKITANIA BERRIARI DIRULAGUNTZA ESKATZEA ABADIA EREMUAREN KUDEAKETA PLANAREN HARIRA
TXOSTENGILEA: Ganix GRABIÈRES j.
Ikusirik 2020-2024 kudeaketa plana,
Kontuan hartuz Abadia Eremuaren kudeaketa plana, lekuari loturiko kudeaketa ekintzak eta populazioen azterketa eta jarraipenaren bitartez natura datuak biltzeko eragiketak dituena,
Kontuan hartuz Abadia Eremuaren Gunearen Batzordeak zehaztu eta onarturiko helburuak, Abadia eremuaren kudeaketa, antolaketa eta zaintza ekintzen egitaraua, habitaten aniztasuna laguntzeko abere eta landare espezieen ziklo biologikoak kontuan hartuz,
Kontuan hartuz Natura Historiako Nazio mailako Museoak onartu protokoloetan oin harturiko espezieen jarraipen egitarauak,
Kontuan hartuz Akitania Berriko Eskualdearen eskumenetan direla hala natura ezagupenen hobetzea eta datuen bilketa nola naturagune bikainen eta paisaien zaintza,
Kontuan hartuz naturagune baten kudeaketa plan baten aplikatzearen harira, kudeatzaileak Akitania Berriko Eskualdeari diruz parte har dezan eska diezaiokeela,
EZTABAIDA EGIN ETA,
Herri Kontseiluak:
- Baimena eman dio auzapez jaunari Akitania Berriko Eskualdeari dirulaguntzak eska diezazkion Abadia Eremuaren gunearen batzordeak onartu ekintza egitaraurari loturik,
- Baimena eman dio auzapez jaunari horri loturiko dokumentu oro sina dezan.
AHO BATEZ ONETSIA–
139.2024 zk. DELIBERAMENDUA
GAIA: PIRINIO ATLANTIKOETAKO DEPARTAMENDUARI DIRULAGUNTZA ESKATZEA ABADIA EREMUAREN KUDEAKETA PLANAREN HARIRA
TXOSTENGILEA: Ganix GRABIÈRES j.
Ikusirik 2020 – 2024ko kudeaketa plana,
Ikusirik Hendaiako Herriak eta Pirinio Atlantikoetako Departamenduak 2023-2027 aldirako sinaturiko oinarri hitzarmena,
Kontuan hartuz Abadia Eremuaren kudeaketa plana, lekuari loturiko kudeaketa ekintzak eta populazioen azterketa eta jarraipenaren bitartez natura datuak biltzeko eragiketak dituena,
Kontuan hartuz Abadia Eremuaren Gunearen Batzordeak zehaztu eta onarturiko helburuak, Abadia eremuaren kudeaketa, antolaketa eta zaintza ekintzen egitaraua, habitaten aniztasuna laguntzeko abere eta landare espezieen ziklo biologikoak kontuan hartuz,
Kontuan hartuz honako eginbehar hauek:
- Natura ondarearen ezagutza eta hobetzea sostengatzea,
- Guneen sare moderno eta koherentea birsortu eta kudeatzea,
- Natura eskaintza bat proposatzea, Departamenduak egiten duenaren berri ahal beste jenderi jakitera emateaz bat,
Kontuan hartuz natura ezagupenen eskuratzea eta hobetzea eta naturagune bikainen eta paisaien zaintza Pirinio Atlantikoetako Departamenduaren eskumenetan direla,
Kontuan hartuz naturagune baten kudeaketa plan baten aplikatzearen harira, kudeatzaileak Pirinio Atlantikoetako Departamenduari diruz parte har dezan eska diezaiokeela,
EZTABAIDA EGIN ETA,
Herri Kontseiluak:
- Baimena eman dio auzapez jaunari Akitania Berriko Eskualdeari dirulaguntzak eska diezazkion Abadia Eremuaren gunearen batzordeak onartu ekintza egitaraurari loturik,
- Baimena eman dio auzapez jaunari horri loturiko dokumentu oro sina dezan.
AHO BATEZ ONETSIA–
140.2024 zk. DELIBERAMENDUA
GAIA: ATLANTIKO ALDEAN CORTADERIA SELLOANAREN AURKA BORROKATZEKO NAZIOZGAINDIKO ESTRATEGIARA LOTZEA
TXOSTENGILEA: Ganix GRABIÈRES j.
Nahitara edo nahigabe espezie exotiko anitz jatorria zuten bestelako lurretara gizakiak sartu eta arazorik sortu ez bada ere, besteekin, aldiz, zientzialarien ustetan % 10 inguru, leku berrira egokitu eta hedatzen dira horrenbeste ezen tokiko espezieak ordeztu eta haien bizirautea mehatxatu eta ingurumen berria zaien lekuaren oreka ere arriskuan jartzeraino heltzen dira.
Etorri berri horiek, hala abere nola landareak, Espezie Exotiko Inbaditzaile (EEI) edo espezie inbaditzaile deitzen dituzte zientzialariek eta mundu mailan bioaniztasunaren galera ekartzen duten bost zuzeneko eragile nagusietako bat direla diote (gainerako lauak kutsadura, klima aldaketa, organismoen zuzeneko ustiapena eta lurren eta itsasoen erabileraren aldaketa dira).
Euskal Kostalde osoan zehar, espezie inbaditzaile horietako bat izugarriki erakusten ari zaigu tokiko landarediaren kaltetan leku berriak kolonizatzeko duen ahala, Panpa-lezka dugu hori (Cortaderia selloana), Hego Ameriketan jatorria duen lastodun handia.
Life STOP Cortaderia (2018-2022) lehen egitarauaren emaitzek espezie horrek nazio mailan sortzen dituen arazoetaz hobe ohartzeko aukera eman bide digute eta, zalantzarik gabe, Metropolian ditugun abere eta landare espezie inbaditzaileen zerrenda eguneratzen duen 2023ko martxoaren 2ko ministerio aginduan sar dezaten bultzatu du.
Halatan, bada, hemendik goiti, Panpa-lezka ukan, merkaturatu, erabili eta natura ingurunean hedatzea zorrozki debekaturik dira. Laster, espezie hori sartzekoa dute Europar Batasunaren espezie exotiko inbaditzaileen zerrendara; horrek zorrozki murriztuko du horren europar estatuen arteko merkaturatzea.
LIFE COOP Cortaderia proiektu berria Europak onartu du 2023-2028 aldirako, helburu orokor gisa Atlantiko aldean, batez ere kosta aldeetan eta natura 2000 ibai bideetan Cortaderia Selloana landarearen aurkako borroka koordinatuaren eta elkarnaren areagotzea duelarik.
Gure herriari dagokionean, urte anitz dira jadanik Abadia eremuaren eta Bizi Ingurunearen sailak Panpa-lezka bezalako espezie inbaditzaileen aurkako borrokan ari direla. Baina jardun horrek luma erratz bakoitzak haizeak erraz garraiatzen dituen hamarnaka eta hamarnaka mila hazi daraman espezie horretan zinezko eragina ukanen badu, borroka hori geografia eremu aski zabal eta koherentean egin behar da, alde batetik, eta bestetik, koordinatuki. LIFE COOP Cortaderia proiektu horrek asmo hori du.
Halatan,
- Cortaderia selloana (Panpa-lezka) espezie exotiko inbaditzailearen kolonizazioak eragin duen egoeraren larriaz oharturik, paiasiaren eta bioaniztasunaren kalitatea hondatzen baitu, bertako landaredia ordezkatzen baitu, aberediaren konektibitatearen galera baitakar eta, halatan, bazkalekuen eta oihanen emankortasuna murrizten duelarik, alergia arazoak sortzen dituelarik eta turismoa kaltetzen baitu, naturaguneen hondatzea baitakar, eta haren aurka egiteko kudeaketak diru gastu handiak dakartzalarik,
- jakinik Cortaderia selloana landarearen aurkako estrategia horri lotzeak abantailak ekartzen dizkiela hara lotzen diren egiturei:
- espeziearen gaineko ikerketak eta kudeaketan egin aitzinamenduei buruzko informazioak,
- LIFE STOP Cortaderia proiektuaren harira egin lanek ekarri dituzten informazioak, emaitzen dokumentuak eta ondorioak eskuratzea,
- LIFE teknikariei laguntza eskatzeko aukera espeziearen aurkako plan eta ekintzei dagokienean.
EZTABAIDA EGIN ETA,
Herri Kontseiluak:
- Onartu du “Atlantiko aldean Cortaderia selloana landarearen aurkako nazioarteko estrategia” deiturikoari lotzea,
- Baimena eman dio auzapez jaunari edo haren ordezkariari horri loturiko dokumentu oro sina dezan.
AHO BATEZ ONETSIA–
141.2024 zk. DELIBERAMENDUA
GAIA: EZOHIKO DIRULAGUNTZA EUSKAL MONETA ELKARTEAREN ALDE
TXOSTENGILEA: Ganix GRABIÈRES j.
Ikusirik Lurralde Kolektibitateen Kode Nagusia,
Ikusirik 2000ko apirilaren 12ko Legea, herritarrek administrazioekiko harremanetan dituzten eskubideei buruzkoa,
Ikusirik auzapezorde jaunak honako hau azalduz egin txostena:
«Euskal moneta» elkarteak «Mundura» deitu hitzordu berria antolatu nahi du gure herrian 2024ko abenduan, eta horren egiteko ezohiko dirulaguntza eskatzen digu.
Aipa dezagun elkarte horren xedea ororen onerakoa dela, gizarte lotura, jokamolde ekologiko eta elkartasunezkoak, euskararen erabilera publikoa eta, Ipar Euskal Herrian tokiko moneta osagarria eginez eta horren erabilera bultzatuz, ekonomiaren berriz gurera ekartzea laguntzen baititu.
«Mundura» ekitaldi horren helburua Eusko moneta ezagutzera ematea da, noski, eta haren erabilera bultzatzea, baina haurrei nola helduei familia giro goxoan parte har dezaten proposatzen dielarik, haurrentzat pentsatu jolasen bitartez, parte hartze bidezko ikuskizun kontatu baten bitartez, bai eta kultura aniztasuna ospatzen duten hiru kontzertuen bitartez.
Kontuan hartuz haien aurrekontua orekatzeko elkarteak 1200 €ko parte hartzea eskatzen digula, diru sartzeen osatzeko,
EZTABAIDA EGIN ETA,
Herri Kontseiluak:
- Onartu du 1200 €ko ezohiko dirulaguntza ematea «Euskal moneta» elkarteari «Mundura» ekitaldia goian aipatu bezala egiteko baldintzapean,
- Baimena eman dio auzapez jaunari horri lotu dokumentu oro sina dezan.
AHO BATEZ ONETSIA–
142.2024 zk. DELIBERAMENDUA
GAIA: HENDAIA HERRIAREN TOKIKO HIRIGINTZA PLANAREN 3. ALDAKETA SINPLIFIKATUA – HERRIAREN IRITZIA
TXOSTENGILEA: Chantal KEHRIG-COTTENÇON and.
Ikusirik 2023ko azaroaren 14ko erabakia, zeinaren bitartez Euskal Hirigune Elkargoaren lehendakariak Hendaiako Herriaren Tokiko Hirigintza Planaren (THP) 3. aldaketa sinplifikatuari ekin baitio, hirigintza kodearen L.153-45 à L.153-48 artikuluek zehaztu aldaketa sinplifikatuaren prozeduraren erabiltze eremuan sartzen diren zenbait bilakaera egiteko,
Ikusirik Hirigintza Kodearen L.153-36 eta hurrengo artikuluak,
Ikusirik Hirigintza Kodearen R. 122-4 artikuluak dioena,
Ikusirik hirigintza kodearen L.153-40 artikulua, zeinaren arabera herriarteko lankidetza erakunde publikoaren lehendakariak jakitera ematen baitie, iritzia eman dezaten, horri loturiko pertsona publikoei, bai eta aldaketak ukitzen duen herriko auzapezari, proiektuari buruzko iritzia eman dezaten,
Kontuan hartuz aldaketa sinplifikatuaren prozedura bidez egin arau aldaketa horiek ez dutela indarrean den THPa oro har kaltetzen, ez dituztela THPanaren arau guztiak aplikatzearen ondorioz dauden hiri edo hiritartzeko zonak murrizten ez eta zona batean aurreikusi eraikitze aukerak ere eta ez dutela % 20an baino gehiago handitzen zona horietan eraikitzeko aukera,
Kontuan hartuz THParen 3. aldaketa sinplifikatuaren proiektua Ingurumen Agintaritzak (MRAE) banan-banan aztertu duela eta ados agertu dela 2024ko abuztuaren 8an eman iritzian, ingurumen balioztapenik egin beharrik ez dela erranez.
THParen 3. aldaketa sinplifikatuak honako hauek ukitzen ditu:
- Eragin zenbaiten arauzko bilakaera, hornikuntza kolektiboetarako direla baieztatzeko;
- «Les Flots» antolaketa eta programatze orientabideei buruzko zehaztapen bat ekartzea, sektore horretan har litezkeen hornikuntzen izaera argitu nahiz;
- Itsas ospitalearen eraginpeko azpisektore baten sortzea, hango langileentzako bizitegiak egiteko xedez, jarraikitasuna eta erakargarritasuna areagotu asmoz;
- Intzura aldean UYh sektore bat sortzea, udaldirako ostataleku proiektu bat gauzatu ahal izateko eta neguko larritasun ostatatze baliabidea eskaintzeko;
- UA, UB, UC eta UD zonetako 11. Artikulua teilatu gainean eguzki plakak kokatzeko baldintzei dagokienean (gainean emateko baimena);
- 2 akats material konpontzea:
- Berrikuste orokorrean egin eta 2023an Administrazio Auzitegiak seinalatu akatsa Kaneta auzoan, THParen UDa sektorean,
- Araudiaren aldaketen ekartzen ahazte bat (gizarte mistotasun sektoreak) «Candite-Orio» Antolaketa eta Programatze orientabidean.
Herria bereziki adi izanen da UHp2 azpisektorearen sortzeari buruzko honako puntu hauei:
- THParen 3. aldaketa sinplifikatuaren dosierrean aipatu bezala, ospitaleko langileen beharrei erantzuteko bizitegien programak herri mailako arrapostu orokorragoa ere ekartzeko aukera eman beharko liguke eta, Estatuarekin sinaturiko Gizarte Mistotasunerako Kontratua betez, bizitegi lagunduen hirurteko helburuei erantzuteko aukera eman. Hartara, oharraren 2.3 paragrafoaren izenpurua horren arabera aldatu beharko litzateke; bereziki eginen zaio kasu, eragiketa horretan, arkitektura kalitateari eta paisaian egokitzeari, lekuak bereziki bikainak baitira.
Bestalde, akats material bat ikusi dugu UHp2 azpisektore gisa sailkatu beharreko lursailei dagokienean. Izan ere, AC 158 lursaila behar da sailkatu eta ez oharrak dakartzan AC 157 eta 159 lursailak.
EZTABAIDA EGIN ETA,
Herri Kontseiluak:
- Aldeko iritzia eman du Hendaiako Tokiko Planaren 3. aldaketa sinplifikatuaren proiektuaren gainean, deliberamendu honi atxikirik datorren bezala, betiere 2.3 paragrafoaren izenpurua aldatuz gero eta UHp2 zonan sailkatu beharreko lursailaren gaineko akats materiala zuzenduz gero,
- Auzapezari agindu dio Euskal Hirigune Elkargoaren lehendakariari Herri Kontseiluak eman duen iritzi honen berri eman diezaiola.
AHO BATEZ ONETSIA–
143.2024 zk. DELIBERAMENDUA
GAIA: «HERRI BARNEKO LORATEGIAK» HIRI PROIEKTUA EGITEKO BEHAR DIREN LURSAILAK ESKURATZEA – ESKURATZEKO HONDAR KOPURUA ALDATZEA
TXOSTENGILEA: Chantal KEHRIG-COTTENÇON and.
Ikusirik Herri Kontseiluak 2024ko ekainaren 26ko bilkuran onartu zuen 111-2024 zk. deliberamendua,
Ikusirik PELLOT eta SAPARTARTIA karriken bidegurutzean leku publiko baten sortzeko behar diren lursailen erosi beharra;
Ikusirik Lurralde Kolektibitateen Kode Nagusia, bereziki L. 2121-29, L. 2122-21 eta L. 2241-1 artikuluak;
Kontuan hartuz 2020ko azaroaren 20ko datan egin funtsen gaineko hitzarmen batez Euskal Herriko Lurren Tokiko Erakunde Publikoak Hendaiako Herriaren kontura erosi zituela kadastran AM 675 eta 206 zenbakiak dituzten lursailak 100 000.00 € ordaindurik (eta ez 101 276.86 €, deliberamenduan azaldu bezala), antolaketa publikoko proiektu baten gauzatzeko;
Kontuan hartuz akats material batek kaltetu zuela 2024ko ekainaren 26ko 111-2024 zk. deliberamendua, zuzentze deliberamendua hartu behar dugu orain: Izan ere, eskuratze prezioa 101.276,86 € izanen zela erran zen orduan, baina 100.000 € da, ordea; 1.276,86 €ko kopurua ordaindu diren notario gastuen hainbatekoari dagozkie, lur funtsen erakunde publikoak ondasun handiagoko batekin batera erosi baitzituen.
Aipaturiko deliberamenduak zioen gainerakoa ez da aldatzen.
EZTABAIDA EGIN ETA,
Herri Kontseiluak:
Onartu du kadastran AM 675 eta 206 zenbakiak dituzten lursailen erosketa, bata 331 m² zabal eta bestea 46 m² Euskal Herriko Tokiko Funtsen Erakundearenak zirenak, ehun mila euroko prezioan (100 000.00 €),
Baimena eman dio auzapez jaunari notario bidezko salmenta akta aldatua eta deliberamendu honen gauzatzeko behar den dokumentu oro sina ditzan, herriaren ordezkari gisa.
AHO BATEZ ONETSIA–
144.2024 zk. DELIBERAMENDUA
GAIA: PIRINIO ATLANTIKOETAKO DEPARTAMENDUAN IBILGAILU ELEKTRIKOEN KARGATZEKO KARGAGUNEAK HEDATZEA – ESKUMEN ALDAKETAK HERRIAREN ETA TE 64 DELAKOAREN ARTEAN
TXOSTENGILEA: Chantal KEHRIG-COTTENÇON and.
Ikusirik gobernuak duen datu publikoen open data plataforman argitaraturiko SDIRVE delakoaren edukia (www.data.gouv.fr),
Ikusirik Lurralde Kolektibitateen Kode Nagusiak dioena, bereziki L.2224-37 artikulua,
Ikusirik TE 64 delakoaren estatutuak, bereziki 2.f) artikulua,
Ikusirik IRVE delakoaren eskumenaren eskualdatze eta betetzeko baldintza tekniko, administrazioko, juridiko eta diruzkoak aplikatzeari buruzko hitzarmena, honi loturik doana,
Kontuan hartuz herriarentzat duen garrantzia TE 64 horren aldeko eskumen eskualdatze horrek, herriari mugikortasun elektrikoaren Departamenduaren bide orrian sartzeko aukera ematen baitio,
Hendaiako auzapez jaunak herri kontseiluari gogoratu dio ezen mugikortasunen orientabideen 68. artikuluak aurreikusten duela kolektibitateek edo erakunde publikoek «Ibilgailu Elektrikoen Birkargarako Azpiegiturak Garatzeko Eskema Zuzentzailea» (IEBAEZ-SDIRVE) egiteko aukera. Baliabide horrek «gidari» zeregina ematen dio kolektibitateari bere lurraldean birkarga azpiegiturak garatzen, tokiko mugikortasun politikekin koherente eta erabiltzaileen beharretara egokituriko eskaintza koordinatua egin dadin obraburu publiko eta pribatuen artean.
Ibilgailu elektrikoen birkargarako eskaintza garatzearen xedea azken bost urteotan ikusi den ibilgailu elektriko eta hibridoen salmenta gero eta handiagoaren laguntzea da.
Egia da jende orori zabalik diren ibilgailu elektrikoen eta hibrido birkargagarrien birkarga azpiegituretan ez dela guztira egiten diren birkargen % 15-20 besterik egiten, gehienak etxean edota enpresan egiten baitira, baina jende orori zabalduriko birkargagune horiek funtsezkoak zaizkie zenbait erabilera motari (turismoa, bidaia, etab.), erabiltzaileari zerbitzua bermatzeko eta karbono kontsumo gutxiagoko mugitze molde baterako trantsizio ahalegin orokorra laguntzeko.
Departamendu mailan, batez ere, jende orori egun zabalik diren kargaguneen sareak, zeinean Bearnon eta Euskal Herrian TE 64 delakoak 260 kargagune kokatu baititu, lortu du ibilgailu elektriko edota hibrido birkargagarria erabiltzea erabaki duten erabiltzaileen kezken parte bat ezabatzea. Badira ibilgailu elektriko edo hibrido birkargagarrien erosketak areagotzearen beste arrazoiak ere, batez ere autonomia eta teknologien eraginkortasuna areagotzea, ibilgailu elektrikoen eskaintza marka gehienetan agertzea, prezio apalagoetan, erosteko laguntzak, airearen kalitateari loturiko gaiak, energia fosilen bilakaera eta jendeak karbonogetu beharraz ohartzea.
Pirinio Atlantikoetan, TE 64 delakoak hartu du bere gain Ibilgailu Elektrikoen Birkargarako Azpiegiturak Garatzeko Eskema Zuzentzailea eta, 10 hilabetez, departamenduko eragile publiko nahiz pribatuekin aritu da 2023ko azaroan prefetak onartu zuen eskema horren egiteko.
Argi da, noski, araudiak gidatzen duela Ibilgailu Elektrikoen Birkargarako Azpiegiturak Garatzeko Eskema Zuzentzailearen edukia, zeinean honako hauek behar dira izan:
- diagnostikoa (egungo egoera, beharren bilakaeraren balioztapena, birkargatze eskaintzaren garapenaren balioztapena, argindar sarea, etab.);
- Ibilgailu Elektrikoen Birkargaguneei dagokienean diren lehentasunak eta helburuak;
- Ibilgailu elektrikoen kargaguneen hedapena geografia eta ekonomia aldeetatik aztertzea;
- Jardute egutegia;
- Jarraipen eta eguneratze baliabidea.
Halatan, eskema horrek departamenduan ibilgailu elektrikoen kargaguneak hedatzeko estrategiari buruzko eragiketa gomendioak ezartzeko aukera eman du, heldu diren urteotan erabiltzaileek eskatuko dutenera egokitzeko (2025, 2030 eta 2035ko epeak), eta, epe motzera, 900 kargagune kokatzea erabaki du.
Helburua, hemendik goiti, orientabide horiek gauzatzea da, Bearno eta Ipar Euskal Herriko lurralde guztian behar diren hornikuntzak hedatuz, obra publiko eta pribatuak antolatzea delarik hedatze estrategia horren erdigunea.
TE 64 delakoak departamenduko herrietan egin dituen galdeketen bitartez, bai eta ENEDIS enpresari galdetuz, kargaguneen loturak koordinatzen dituen argindar banaketaren sarearen kudeatzailea baita, ikusi da departamenduko jabari publikoan kokatzeko kargaguneen eskaintza pribatua oso eskasa dela oraindik, desegokia dela edo ez aski, eta horrek erakusten du ekimen pribatu eskasa dela alor horretan
Alta, Lurralde Kolektibitateen Kode Nagusiaren L.2224-37 artikuluak dio kolektibitateak «sortu edota mantendu edota plantan eman» dezakeela kargaguneen «sortze, mantentze eta ustiatze zerbitzu bat» «betiere eskaintzarik ez bada edo eskasa edo desegokia bada».
L2224-37 artikulua
«Lurraldean eskaintzarik ez bada edo eskasa edo desegokia bada, herriek sortu eta mantendu ditzakete ibilgailu elektriko edo hibridoentzat edo itsasontzientzat kaietan behar diren kargatzeko azpiegiturak, bai eta ibilgailu edo itsasontzientzako gas edo hidrogeno hornikuntzarako guneak ere, edo plantan eman dezakete halako azpiegiturak edo horniketa guneak sortu, mantendu eta ustiatzeko zerbitzua. Ustiapen horretan sar liteke ibilgailuak edota itsasontziak elikatzeko behar den argindarra, gasa edo hidrogenoa erostea.
Eskumen hori antolaketa alorreko, energia eskaria kontrolatzeko jarduerak sostengatzeko edo kutsadura edo berotegi efektuko gas igorpenak murrizteko jarduerak sostengatzeko alorrean eskumenak dituzten herriarteko lankidetzarako erakunde publikoen esku utz dezakete, bai eta L. 2224-31 artikuluak dakartzan argindarraren banaketa sare publiko baten agintari antolatzaileen esku eta garraioen kodearen lehen zatiko II. liburuko III. tituluan aipatzen diren mugikortasunaren agintari antolatzaileen esku, eta, Ile-de-France eskualdean, Ile-de-France Mobilités delakoaren esku.
Beste legeritan aurreikusi galdeketen kaltetan izan gabe, argindar edo gas banaketako sare publikoaren agintari antolatzaileak eta argindar edo gas banaketako sare publikoaren kudeatzaileak beren iritzia ematen dute artikulu honi jarraituz organo erabakitzailearen erabakipean diren kargaguneen edo gas hornitze guneen sortzeko proiektuari buruz.
Herri bideetan, jabari publikoan aparkalekuak gauzatu direlarik eta ibilgailu elektrikoen birkargatzeko tresnak ezarri direlarik, leku horien gutxieneko kopuru bat, ehunekoetan eta goragoko unitatera ekarriz, mugikortasun urrikoentzat helgarri behar dira, haientzat erreserbatuak izan gabe. Aparkalekuak ibilgailu elektrikoen birkargarako aitzin-horniketan, betebehar hori hartuko da kontuan. Helgarri izanen diren lekuen ehunekoa ministerio erabakiz zehazten da.
Lehen paragrafoan aipaturiko eskumena antolaketa alorreko, energia eskaria kontrolatzeko jarduerak sostengatzeko edo kutsadura edo berotegi efektuko gas igorpenak murrizteko jarduerak sostengatzeko alorrean eskumenak dituzten herriarteko lankidetzarako erakunde publikoen esku, edo L. 2224-31 artikuluak dakartzan argindarraren banaketa sare publiko baten agintari antolatzaileen esku edo garraioen kodearen L.1231-1 artikuluan aipatzen diren mugikortasunaren agintari antolatzaileen esku, edo, Ile-de-France eskualdean, kode bereko L.1241-1 artikuluan aipatu agintariaren esku utzi bada, horren titularrak jende orori zabalduriko ibilgailu elektriko eta ibilgailu hibrido birkargarrientzako birkarga azpiegituren garapenerako eskema zuzentzailea presta lezake energia kodearen L.353-5 artikuluari jarraikiz.»
Prestatu den eskemak argi utzi du interesgarria litzatekeela lurraldean ibilgailu elektrikoen birkargarako azpiegiturak hedatzeko herriaz haratagoko jarduera antolatzea, honako hauek bermatzeko xedez:
- Geografia hedadura eta potentzia hautu egokiak egitea kargaguneetan, erabiltzaileen konektagarritasunean zuzenean eragiteko gisan;
- Kargaguneen sarea teknologian eta tarifetan harmonizatzea, zuzenki eraginen baitute horiek ibilgailu elektrikoen birkargatze azpiegituren sarea erabiltzaileentzat helgarri izan dadin;
- Diruztapen eta teknikako aldeak optimizatzeko, inbestimendu eta funtzionamendu eragiketak partekatzea, ekonomia ereduan zuzenean eragiten baitu horrek (metatze aurrezpena) eta, halatan, ibilgailu elektrikoen birkarga azpiegituren sarearen iraunkortasuna eta erabiltzailearen azken tarifa hobetzen baititu;
- Koordinazio eraginkorra lurraldean diren ibilgailu elektrikoen birkarga azpiegituren beste antolatzaileekin, bereziki ibilgailu elektrikoen birkarga azpiegiturak obralaritza pribatuen bitartez hedatuz (adibideaz: supermerkatuak, autobideetako atseden eremuak, …);
- Ibilgailu elektrikoen birkarga azpiegituren sarea denboran zehar koherenteki eta koordinatuki egiteko plangintza, horretarako, kontuan hartuz lurraldean dauden ibilgailu elektrikoen birkarga azpiegituren erabilera, beste antolatzaileek dituzten kokatze proiektuak, bilakaera teknologikoa eta erabiltzaileen beharrak.
Herriaz haratagoko ekintza bat plantan emanez lurraldeen arteko elkartasuna bultzatzen da eta zerbitzua eskuratzeko berdintasuna bermatzen, prefet jaunak SDIRVE delakoari buruz eman zuen iritzian azpimarratu zuen bezala.
Departamenduko inongo Mugikortasun Sindikaturik edota bere zerga sistema berea duen inongo HeLEPik ez duenez bere lurraldean ekimen hori gauzatzeko asmorik adierazi, TE 64 bulegoak, azterketa tekniko-ekonomiko baten ondoren, proiektu egituratzaile hori sindikatuak departamendu mailan eraman dezan onartu berri du.
Halatan, herriari eskatu zaio ibilgailu elektrikoen kargatze azpiegituren eskumena TE 64 delakoari emateaz duen iritzia eman dezan, Lurralde Kolektibitateen Kode Nagusiaren L.2224-37 artikuluari jarraikiz.
Herriak TE 64 delakoari uzten badio «ibilgailu elektrikoen birkargen azpiegituren eskumena» estatutuetan finkaturiko baldintzetan, TE 64 horrek eginen du proiektuaren obralaritza; alor horretan aritzeko TE 64ak hautatu duen bidea kontzesio moldeko zerbitzu publikoaren eskuordetza dela. Hartara, eskuordetua izanen denak eginen du inbestimendua kolektibitatearen ordez, zerbitzua ustiatuko du (mantenimendu teknikoa, ikuskaritza, argindarraren ordaintzea) eta erabiltzaileak birkarga egiteagatik ordainduko dionaren kopuruarekin bakarrik jasoko du bere irabazi guztia. Kolektibitateak ez du, hortaz, proiektu hori diruztatzen parte hartuko.
Horretarako prozedurari 2024ko sartzean ekinen zaio eta, eman diren epeak kontuan hartuz, eskuordetza 2025eko apirilean esleituko da ; horrela, nahi den hedapenaren zati handi bati 2025. urtea bukatu aitzin ekinen ahalko zaio.
Eskumen uztearen baldintzak 2024ko irailaren 17an onartu zituen TE 64aren sindikatu batzordeak eta hitzarmen batean sartu ziren, zeinean ibilgailu elektrikoen birkargatze azpiegituren eskumenaren uzte eta gauzatze baldintza tekniko, administrazioko, juridiko eta diruzkoak ezartzen baitira. Deliberamendu honi atxikirik duzue hitzarmen hori.
EZTABAIDA EGIN ETA,
Herri Kontseiluak:
- Erabaki du «Ibilgailu elektriko edo hibrido birkargagarrien Birkargatze azpiegituren» gaineko eskumena TERRITOIRE D’ÉNERGIE PYRÉNÉES-ATLANTIQUES (TE 64) deiturikoaren esku uztea, ibilgailu elektriko edo hibrido birkargagarriak erabiltzeko behar diren birkargatze azpiegituren sortze, mantentze eta ustiatze zerbitzua eman dezan plantan, ustiatzearen barnean hornikuntza horien elikatzeko argindarra erostea delarik,
- Onartu du herriko lurretan TERRITOIRE D’ÉNERGIE PYRÉNÉES-ATLANTIQUES (TE 64) delakoak koka ditzan ibilgailu elektrikoen birkargatzeko azpiegiturak, birkargatze azpiegitura horien eskumenaren uzte eta gauzatzeko baldintza tekniko, administrazioko, juridiko eta diruzkoen aplikatzeko hitzarmenak ezarri baldintzetan,
- Zehaztu du deliberamendu hau TE 64 delakoaren lehendakariari emanen zaiola jakitera,
- Auzapez jaunari eman dio agindua eskumenaren uzteko eta herriko lurretan ibilgailu elektrikoen birkargatze azpiegiturak plantan emateko behar diren dokumentu guztiak sina ditzan.
AHO BATEZ ONETSIA–
145.2024 zk. DELIBERAMENDUA
GAIA: SASOIKO OSTATALEKUAK – BIZITEGI EKINTZA HITZARMENA
TXOSTENGILEA: Chantal KEHRIG-COTTENÇON and.
Action Logement delakoaren hautatze Batzordea 2024ko ekainaren 26an bildu zen, berrikuntzaren eta lurralde ingeniaritza azterketen diruztapenaren harira, eta herriari 100 000 €ko diruzko laguntza ematea erabaki zuen, herriak sasoilarientzat eta larrialdietarako osatataleku gisa erabiliko diren 11 ostataleku sortzeko proiektua egin ahal dezan.
Eraikina Intzurako industrialdean da kokaturik eta hasieran aduanen zerbitzuak hartzen zituen.
Eraikinaren erdia Gurutze Gorriaren lokaletarako da eta beste erdia sasoiko ostatalekua izanen da urte aldi batean eta larrialdi ostatalekua gainerakoan. Proiektua argindarra, iturgintza eta bigarren obra berriztatzean datza.
Ikusirik Lurralde Kolektibitateen Kode Nagusia, bereziki haren L2122-22, 26 artikulua,
Ikusirik Estatuaren eta Action Logement delakoaren artean sinatu 2023-2027 bosturteko hitzarmena, berrikuntzaren hedatzeko diruzko laguntza aurreikusten duena,
Ikusirik bakoitzaren engaiamenduak eta laguntza emateko bideak zehazten dituen hitzarmena, honi erantsirik doana,
Kontuan hartuz dirulaguntzaren emateko onuradunaren eskaria behar dela,
EZTABAIDA EGIN ETA,
Herri Kontseiluak:
- Onartu ditu eranskinean doan hitzarmenean zehazturiko moldeak,
- Onartu du Action Logement delakoak 100 000 €ko dirulaguntza eman diezagun eraikin bat berritu eta berregituratu eta sasoiko eta larrialdietarako 11 ostataleku egin ditzagun,
- Baimena eman dio auzapez jaunari horri loturiko hitzarmena eta horri loturiko agiri oro sina ditzan,
- Baimena eman dio auzapez jaunari aitzinamendu bat eta kopuru osoa eman diezazkigun eska dezan hitzarmenen aipatu baldintzen arabera.
AHO BATEZ ONETSIA–
146.2024 zk. DELIBERAMENDUA
GAIA: LANPOSTU IRAUNKORREN KOPURUEN 7. TAULA
TXOSTENGILEA: Chantal KEHRIG-COTTENÇON and.
Ikusirik Funtzio Publikoaren Kode Nagusia, bereziki haren L311-1 eta L332-8 artikuluak,
Ikusirik lanpostuen eta langileen taula
Kontuan hartuz herri kontseiluari dagokiola zerbitzuen funtzionamendu onerako behar diren lanpostuen kopurua finkatzea
Kontuan hartuz bi lanpostu iraunkor sortu behar ditugula bizi ingurunearen sailean, Lurraldeko Lan Batzordeak 2024ko ekainaren 20an onartu zuen zerbitzuen berrantolaketa gauzatzeko eta langile ikastun baten alde egitea ordezkatzeko.
Lanpostuen taula honela osa dezan proposatu zaio biltzarrari:
- Lanpostua: Berdeguneen gaitasun anitzeko 2 langile
- Loturiko gradua(k): Teknikari laguntzaileen lanpostuak
- Hierarkia kategoria(k) : C
- Batezbesteko aste lanaldia: Lanaldi osoa
- Kontratatzearen oinarria, kontratu bidezkoa bada: Funtzio Publikoaren kode nagusiaren L 332-8 2 artikulua
Lanpostu horiek funtzionarioek behar dituzte bete.
Baldin eta lanpostu huts horiek ez balituzte funtzionarioek beteko, funtzio publikoaren kode nagusiaren L.311-1 artikuluak ezarri printzipio orokorra betez, zeren, lege agindu batek aurreikusi salbuespenik egin ezean, departamenduen, herrien eta haien administrazio izaerako erakunde publikoen lanpostu zibil iraunkorrak funtzionarioek bete behar baitituzte,
Hala gertatu ezean, beraz, salbuespena egin eta kontratupeko langile bat kontratatuko da, funtzio publikoaren kode nagusiaren L.332-8 2 artikuluak baimentzen baitu lanpostu iraunkorretarako kontratupeko langileak kontratatzea funtzioen eiteak edota zerbitzuaren beharrek horretarako arrazoia ematen badute eta funtzionariorik ezin izan bada kontratatu, ez mugikortasunaren bidez ez eta lehiaketa irabazleen artean.
Lan kontratua gehienez hiru urtetarako egiten da eta sei urte arte luza liteke hala adieraziz gero. Sei urteko epe hori bete ondoren kontratua luzatuz gero, hala adieraziz behar da egin eta mugagabe izanen da.
Kontratupeko langile bat hartuz gero, lanpostuaren lansaria aipaturiko lanpostu alorretako indizeen arabera kalkula liteke.
Lansaria kontratatzen denaren diploma mailaren, lan esperientziaren eta kalifikazioaren arabera ezarriko zaio.
Lansariak Herri Kontseiluaren 2022ko otsailaren 23ko deliberamenduak aurreikusi sariak ekarriko ditu, halakorik balitz.
Horretarako diru aski ekitaldiaren aurrekontuan da aurreikusia.
EZTABAIDA EGIN ETA,
Herri Kontseiluak:
- Onartu du 2024ko urriaren lehenetik goiti sortzea goian aipatu lanaldi osoko lanpostu iraunkorrak sortzea,
- zehaztu du lanaldi iraunkorrak funtzionario bat edo kontratupeko langile bat kontratatuz bete ahalko direla,
- baimena eman dio auzapez jaunari dosier horiei loturiko dokumentu guztiak sina ditzan eta kontratatzeak egin.
AHO BATEZ ONETSIA–
147.2024 zk. DELIBERAMENDUA
GAIA: PROIEKTU KONTRATUAREN LUZAPENA – JARIOEN ADMINISTRATZAILEA
TXOSTENGILEA: Chantal KEHRIG-COTTENÇON and.
Auzapezak gogora ekarri du 2019ko abuztuaren 6ko 2019-828 Legeak Funtzio Publikoaren aldatzeari buruzkoak proiektu kontratuak ezarri dituela (Funtzio Publikoaren Kode Nagusiaren L332-24tik L332-26 arteko artikuluak).
2020ko otsailaren 27ko 2020-172 Dekretuak, Funtzio Publikoko proiektu kontratuari buruzkoak zehaztu ditu proiektu kontratu batean erabili litezkeen arauak.
Halatan, kolektibitateek kontratupeko langile bat kontrata dezakete proiektu bat edo eragiketa jakin bat gauzatzeko, eta iraupen mugatuko kontratuaren epea proiektuaren edo eragiketaren gauzatzea izanen da. Kontratua gutxienik urtebeterako eta gehienez bi aldeek zehaztu denbora tarte baterako izanen da, sei urteko mugarekin (egiazki 5 urtera mugatua, 2023/2024an jadanik sinatu baitzen lanpostu horretarako kontratu bat). Proiektua edo eragiketa burutzeko berrizta liteke, epe horren mugapean.
Auzapez jaunak herri kontseilariei erran die berriztatu behar dela aldi baterako jarioen administratzaile lanpostua, Ondarearen Kudeaketa Sailak jarrai ahal dezan energia berriztapeneko eta Herriaren eta GEUZaren ondarearen kontsumoen kontrolatzeko zereginekin.
Lanpostuak honako helburu nagusi hauek ditu:
- Herriaren eta GEUZaren eraikinen energia berriztapenerako hainbaturteko egitaraua prestatzea (Higiezinen eta Energiaren Eskema Zuzentzailea),
- Herriak abian eman duen energia soiltasuneko urraspidea ondarearen erabiltzaileen artean bultzatzen parte hartzea.
Auzapezak jarioen administratzaile lanpostua kontratatu zen datatik goiti urtebetez luza dezan proposatu dio herri kontseiluari.
Lanpostu hori adar teknikoaren B kategoria hierarkikoan da.
EZTABAIDA EGIN ETA,
Herri Kontseiluak:
- Erabaki du urtebetez luzatzea lanaldi osoko lanpostu ez iraunkor bat, goian aipatu baldintzetan berriz ere luzatzen ahalko dena,
- Zehaztu du lanpostu horri 395 eta 597 arteko indize gordineko lurralde teknikarien indize taulako ordainsaria emanen zaiola. Lansaria kontratatzen denaren diploma mailaren, lan esperientziaren eta kalifikazioaren arabera ezarriko zaio,
- Baimena eman dio auzapez jaunari deliberamendu honi lotu lan kontratua sina dezan.
- Zehaztu du gastu hori aurrekontu kontuko 012 kapituluko 64131 artikuluari jarraituko zaiola.
AHO BATEZ ONETSIA–
Gai zerrenda bururatua delarik, auzapez jaunak biltzarrari eskerrak eman eta bilkura amaitutzat eman du 20 :00etan
