Par convocations individuelles expédiées le 13 novembre 2024 aux Conseillers municipaux, Herriko Kontseiluakest invité à se réunir, en séance ordinaire, le mercredi 20 novembre 2024 à 18 h 30.
ORDRE DU JOUR
I – ADOPTION DU PROCÈS-VERBAL DU CONSEIL MUNICIPAL DU 23 OCTOBRE 2024
II – DÉLIBÉRATIONS
Sur rapports de Kotte ECENARRO j.
- 164.2024 – Décisions du Maire prises par délégation du Conseil municipal
- 165.2024 – Représentation de la Commune au sein du Conseil d’Administration du Collège Irandatz
Sur rapports de Frédéric TRANCHE j.
- 166.2024 – Participation financière de la ville aux abonnements Parking en ouvrage INDIGO
- 167.2024 – Aménagement de la Place de la République – Commission d’Indemnisation Amiable des commerçants du 7 novembre 2024
- 168.2024 – Reversement du produit des marchés organisés par Hendaye Tourisme et Commerce
Sur rapport de Nicole BUTORI and.
- 169.2024 – Demande de subvention de fonctionnement à la Caisse d’Allocations Familiales pour le projet TXIKI HANDI (ALSH)
Sur rapport de Mme Michelle MOUNIOS-ADURRIAGA
- 170.2024 – Demandes de subventions pour les projets culturels 2025
Sur rapports de Mme Itziar AIZPURU
- 171.2024 – Recensement de la population – Création des postes d’agents recenseurs
- 172.2024 – Adhésion à la convention de participation à adhésion facultative du CDG 64 – Protection sociale complémentaire – Prévoyance
- 173.2024 – Mise en place du régime des indemnités horaires pour travaux supplémentaires pour certains emplois
Sur rapports de M. Jean-Michel ARRUABARRENA
- 174.2024 – Fixation des tarifs du port de plaisance 2025
- 175.2024 – Reversement du produit de l’horodateur situé sur l’emprise de la Station Littorale d’Hendaye (SLIH)
Sur rapport de Mme Nathalie CAMACHO-SATHICQ
- 176.2024 – Solidarité avec les habitants de la région de Valence suite aux intempéries en Espagne : subvention exceptionnelle au Secours Populaire
Sur rapports de Mme Chantal KEHRIG-COTTENÇON
- 177.2024 – Acquisition de la colline d’Urristi au Département de la Dordogne par l’EPFL pour le compte de la Ville
- 178.2024 – Demande de subvention auprès de la Communauté d’Agglomération Pays Basque dans le cadre d’une attribution de fonds de concours pour le projet TXIKI HANDI
2024ko azaroaren 13an herriko hautetsiei banaka igorri deialdien bitartez, Herriko Kontseilua bilkura arruntean biltzera da deitua, 2024ko azaroaren 20an, asteazkenarekin, 18:30ean.
GAI ZERRENDA
I – 2024ko URRIAREN 23ko HERRIKO KONTSEILUAREN BILKURA AGIRIA ONARTZEA
II – DELIBERAMENDUAK
Txostengilea: Kotte ECENARRO j.
- 164.2024 – Herriko Kontseiluak eman ordezkaritzaz auzapezak hartu erabakiak
- 165.2024 – Herriaren ordezkaritza Irandatz kolegioaren Administrazio Kontseiluan
Txostengilea: Frédéric TRANCHE j.
- 166.2024 – Herriaren diruzko parte hartzea INDIGO aparkaleku eraikiaren abonamenduetan
- 167.2024 – Errepublika plazaren antolaketa – Merkatariei kalte ordainak onez onean emateko batzordearen 2024ko azaroaren 7ko bilkura
- 168.2024 – Hendaia Turismo eta merkataritza bulegoak antolatu merkatuen emaitzak ordaintzea
Txostengilea: Nicole BUTORI and.
- 169.2024 – Funtzionamendurako dirulaguntzaren eskaria Familia Laguntza Kutxari TXIKI HANDI (AGAZ) proiekturako
- Txostengilea: Michelle MOUNIOS ADURRIAGA and
- 170.2024 – 2025 kultura proiektuetarako dirulaguntza eskariak
Txostengilea: Itziar AIZPURU and.
- 171.2024 – Biztanleriaren erroldatzea – Erroldatzaile lanpostuak sortzea
- 172.2024 – 64ko Lurraldeko Funtzio Publikoaren Kudeaketa Zentroaren borondatezko lotzerako parte hartze hitzarmena – Gizarte Babes Osagarria – Behar orduetarako kutxa
- 173.2024 – Lanpostu zenbaitetan lan gehigarriak egiteagatiko oren ordainketen araubidea plantan ematea
Txostengilea: Jean-Michel ARRUABARRENA j.
- 174.2024 – Laket portuaren 2025erako tarifak finkatzea
- 175.2024 – Hendaiako Itsas Oporlekuaren (HIO-SLIH) eremuan dagoen ordu-datagailuaren dirua ordaintzea
Txostengilea: Nathalie CAMACHO-SATHICQ and.
- 176.2024 – Elkartasuna Valentzia eskualdeko biztanleekin, Espainian iragan uholdeen ondotik: ez ohiko dirulaguntza Secours Populaire elkarteari
Txostengilea: Chantal KEHRIG-COTTENÇON and
- 177.2024 – Lurren Tokiko Erakunde Publikoak Urrizti muinoa Dordoinako Departamenduari Herriarentzat erostea
- 178.2024 – Euskal Hirigune Elkargoari dirulaguntza eskatzea TXIKI HANDI proiekturako laguntza funts baten ematearen harira
Signé par Monsieur le Maire,
Vice-Président de la Communauté d’Agglomération Pays Basque,
Kotte ECENARRO
Le 13.11.2024
Sinatzailea : auzapez jauna
Euskal Hirigune Elkargoaren lehendakariordea
Kotte ECENARRO
2024ko azaroaren 13an
Bi mila eta hogeita laugarren urtean, azaroaren hogeian (asteazkena), 18:30ean, Herriko Kontseilua bildu da Kotte ECENARRO auzapez jauna buru duela.
BERTARATUAK: ECENARRO j. (Auzapeza) – KEHRIG-COTTENÇON and., TRANCHE j., BUTORI and., MOUNIOS ADURRIAGA and., ARRUABARRENA j., CAMACHO-SATHICQ and., GRABIÈRES j. (Auzapezordeak), BERNARD j., AIZPURU and., PELEGRIN-ARAMENDY j., TARIOL j., BEAUFORT and., CEZA and., JEHAN j., HARAMBOURE and., EIZAGUIRRE j., ROMAN and., MANTEROLA j., LEGARDINIER and., NAVARRON and., MARTIARENA-GARAT j., COTINAT and., SALLABERRY j., DESTRUHAUT j., BARRERO and., POUYFAUCON j., BALANZATEGUI j. (173.2024 deliberamendutik landa), HIRIBARREN and.,
AHALORDEAK: IRAZUSTA jaunak MOUNIOS ADURRIAGA andereari, LABEAU andereak CEZA andereari, ARZELUS-ARAMENDI jaunak NAVARRON andereari, ESTOMBA andereak DESTRUHAUT jaunari, eta BALANZATEGUI jaunak SALLABERRY jaunari (172.2024 deliberamendua arte)
BILKURA IDAZKARIA: COTINAT anderea
Deialdiaren data: 2024ko azaroaren 13an
Bilkuraren quoruma bete denez, Auzapez jaunak bilkura ireki du.
I – 2024ko URRIAREN 23ko HERRIKO KONTSEILUAREN AKTA ONARTZEA
Auzapez jaunak, Celine COTINAT andreari, bilkura idazkari izendatua izan delarik, 2024ko urriaren 23ko herriko kontseiluaren agiria irakur dezan eskatu dio.
AHO BATEZ ONETSIA–
II – DELIBERAMENDUAK
164.2024 zk. DELIBERAMENDUA
GAIA: HERRI KONTSEILUAK EMANDAKO AHALMEN ORDEZKARITZAZ AUZAPEZAK HARTU ERABAKIAK
TXOSTENGILEA: Kotte ECENARRO j.
Lurralde Kolektibitateen Kode Nagusiaren L 2122-23 artikuluak dioena betez, auzapez jaunak kontu eman du zein erabaki hartu dituen 2020ko uztailaren 3ko herri kontseiluaren deliberamenduen bitartez eman zaizkion ordezkaritzak baliatuz:
- 104.2024, 2024ko urriaren 14koa – Merkatu Publiko baten deialdia– Prozedura egokitu irekia – Neguko eta sasoiko ostatalekuen antolaketa – 2. multzoa: Arotzia – 1. gehigarria – SARL LEIHOAK – Merkatuaren hastapeneko diru kopurua: 107 036.44 € ZG, eta gehigarriarena: – 13 582.00 € ZG. Horrek egiten du merkatuaren kopuru osoa honako hau: 93 454.44 € ZG
- 105.2024, 2024ko urriaren 28koa – Merkatu Publiko baten deialdia– Ibilgailu berri eta bigarren eskukoen hornitze eta ekartze merkatua – 1. multzoa – Furgoneta berria edo bigarren eskukoa, zaharra hartuz (mantentze zerbitzua) – SARL Henri ARRIETA – Diru kopurua: 19 940 € ZG
- 106.2024, 2024ko urriaren 28koa – Merkatu Publiko baten deialdia– Ibilgailu berri edo bigarren eskukoen hornitze eta ekartze merkatua – 2. multzoa– Kamioneta berria edo bigarren eskukoa, zaharra hartuz (Betebeharrak) – SARL Henri ARRIETA – Diru kopurua: 22 190 € ZG
- 107.2024, 2024ko urriaren 28koa – Merkatu Publiko baten deialdia– Ibilgailu berri edo bigarren eskukoen hornitze eta ekartze merkatua – 3. multzoa– Kamioneta berria edo bigarren eskukoa, zaharra hartuz (Bizi Ingurune Saila) – ÉTABLISSEMENTS DARRIGRAND – Diru kopurua: 27 770 € ZG
- 108.2024, 2024ko urriaren 28koa – Merkatu Publiko baten deialdia– Ibilgailu berri edo bigarren eskukoen hornitze eta ekartze merkatua – 4. multzoa– Auto berria edo bigarren eskukoa (Administrazioa) – Garage LAMERAIN – Diru kopurua: 13 454.59 € ZG
- 109.2024, 2024ko urriaren 28koa – Merkatu Publiko baten deialdia– Xahutasun tresna automatiko baten hornitze eta kokatzea – Dunbarrien Plazan – ENTREPRISE LORKE – Diru kopurua: 43 220 € ZG
- 110.2024, 2024ko urriaren 28koa – Merkatu Publiko baten deialdia– Hendaiako arrantza portuko 300 tonatako CMU ontzi altxagailuaren aginte mahaiaren aldatzeko lan merkatua – ATELIER BAYONNAIS MÉCANIQUE – Diru kopurua: 47 406 € ZG (zati finkoa)
- 111.2024, 2024ko azaroaren 8koa – Aurrekontu nagusia – 2024ko inbestimenduen diruztatzeko 2.5 M€ko mailegua
- 112.2024, 2024ko azaroaren 5ekoa – Merkatu Publiko baten deialdia– Prozedura egokitu irekia – Hilerriko bizitegiaren berriztatzea eta harleku baten antolatzea – 1. multzoa: Obra larria- 1. gehigarria – SARL VARELA – Merkatuaren hastapeneko diru kopurua: 24 120.42 € ZG eta gehigarriarena: 3540 € ZG. Horrek egiten du merkatuaren kopuru osoa honako hau: 27 660.42 € ZG
- 113.2024, 2024ko azaroaren 5ekoa – Merkatu Publiko baten deialdia– Prozedura egokitu irekia – Hilerriko bizitegiaren berriztatzea eta harleku baten antolatzea – 2. multzoa: Arotzia – 1. gehigarria – SAS BERTIERE – Merkatuaren hastapeneko diru kopurua: 27 528.32 € ZG (oinarrizkoa + aldagaia), eta gehigarriarena: 938.58 € ZG. Horrek egiten du merkatuaren kopuru osoa honako hau: 28 466.90 € ZG
- 114.2024, 2024ko azaroaren 5ekoa – Merkatu Publiko baten deialdia– Prozedura egokitu irekia – Hilerriko bizitegiaren berriztatzea eta harleku baten antolatzea – 3. multzoa: Argindarra – 1. gehigarria – SARL SAMORA eta MITCH’ELEC – Merkatuaren hastapeneko diru kopurua: 15 183.64 € ZG, eta gehigarriarena: 493.80 € ZG. Horrek egiten du merkatuaren kopuru osoa honako hau: 15 677.44 € ZG
LKKNaren L2122-22 ARTIKULUAK BAIMENDURIK EGIN MERKATU DEIALDIAK
(< 215 000 € ZG Hornikuntzak eta Zerbitzuak eta < 5 382 000 € ZG Lanak)
Identifikazioa: 20240404
- Izena : Neguko eta sasoiko ostatalekuen antolaketa – 2. multzoa: Arotzia – 1. gehigarria
- Titularra : SARL LEIHOAK
- Kopurua :
- Hastapeneko kopurua : 107 036,44 € ZG
- Gehigarriaren kopurua : -13 582,00 €
- Kopuru berria : 93 454,44 € ZG
- Jakinarazte data : 2024/10/14
Identifikazioa: 20240826
Multzo 1
- Izena : Ibilgailu berri edo bigarren eskukoen hornitze eta ekartze merkatua – Furgoneta berria edo bigarren eskukoa, zaharra hartuz (mantentze zerbitzua)
- Titularra : SARL Henri ARRIETA
- Kopurua : 19 940 €
- Jakinarazte data : 2024/10/28
Multzo 2
- Izena : Kamioneta berria edo bigarren eskukoa, zaharra hartuz (Betebeharrean direnak)
- Titularra : SARL Henri ARRIETA
- Kopurua : 22 190 €
- Jakinarazte data : 2024/10/28
Multzo 3
- Izena : Kamioneta berria edo bigarren eskukoa
- Titularra : Ets DARRIGRAND
- Kopurua : 27 770 €
- Jakinarazte data : 2024/10/28
Multzo 4
- Izena : Auto berria edo bigarren eskukoa (Administrazioa)
- Titularra : Garage LAMERAIN
- Kopurua : 13 454,59 €
- Jakinarazte data : 2024/10/28
Identifikazioa: 202406027
- Izena : Xahutasun tresna automatiko baten hornitze eta kokatzea – Dunbarrien plazan
- Titularra : Entreprise LORKE
- Kopurua : 43 220 €
- Jakinarazte data : 2024/10/28
Identifikazioa: 20240704
- Izena : Hendaiako arrantza portuko 300 tonatako CMU ontzi altxagailuaren aginte mahaiaren aldatzeko lan merkatua
- Titularra : ATELIER BAYONNAIS MECANIQUE
- Kopurua : Zati finkoa : 47 406 €
- Jakinarazte data : 2024/10/28
Identifikazioa: 20240314
Multzo 1
- Izena : Hilerriko bizitegiaren berriztatzeko eta harleku baten antolatzeko lan merkatua – Obra larria – 1. gehigarria
- Titularra : SARL VARELA
- Kopurua :
- Hastapeneko kopurua : 24 120,42 € ZG
- Gehigarriaren kopurua : 3 540,00 €
- Kopuru berria : 27 660,42 € ZG
- Jakinarazte data : 2024/11/05
Multzo 2
- Izena : Arotzia – 1. gehigarria
- Titularra : SAS BERTIERE
- Kopurua :
- Hastapeneko kopurua : 27 528,32 € ZG (oinarrizkoa + aldagaia)
- Gehigarriaren kopurua : 938,58 €
- Kopuru berria : 28 466,90 € ZG
- Jakinarazte data : 2024/11/05
Multzo 3
- Izena : Argindarra – 1. gehigarria
- Titularra : SARL SAMORA et MITCH’ELEC
- Kopurua :
- Hastapeneko kopurua : 15 183,64 € ZG
- Gehigarriaren kopurua : 493,80 €
- Kopuru berria : 15 677,44 € ZG
- Jakinarazte data : 2024/11/05
EZTABAIDA EGIN ETA,
HERRI KONTSEILUA JAKINAREN GAINEAN DA – EZ DA BOZKARIK
Biltzarrean deliberatu eta egina, goiko egun, hil eta urtean eta erregistroaren araberako laburpen honek ziurtatzen du.
165.2024 zk. DELIBERAMENDUA
GAIA: HERRIAREN ORDEZKARITZA IRANDATZ KOLEGIOAREN ADMINISTRAZIO KONTSEILUAN
TXOSTENGILEA: Kotte ECENARRO j.
Ikusirik lLKKNaren L 2121.21 eta L.2121.33 artikuluak,
2020ko uztailaren 29ko 076.2020 zk deliberamenduaren bidez Herriko Kontseiluak honako kide hauek izendatu zituela Irandatz kolegioaren administrazio kontseiluan:
TITULARRAK
- Laurence BEAUFORT
- Itziar AIZPURU
ORDEZKOAK
- Nicole BUTORI
- Laurent TARIOL
Kontuan hartuz 2024ko urriaren 11ko gutun batez Irandatz kolegioak jakitera eman digula ikastetxearen ikasle kopurua orain 600 baino gutxiago izanik, herriaren ordezkari bakarrak har dezakeela parte kolegioaren administrazio kontseiluan,
Aldatu behar dugu, beraz, kolegioaren administrazio kontseiluan parte hartuko duten herriaren ordezkarien zerrenda.
EZTABAIDA EGIN ETA,
Herriko Kontseiluak:
- Izendatu ditu:
- Laurence BEAUFORT andrea, titular
- Itziar AIZPURU andrea, ordezko
- Auzapaez jaunari eskatu dio deliberamendu honen berri Irandatz kolegioaren zuzendariari eman diezaion.
AHO BATEZ ONETSIA–
166.2024 zk. DELIBERAMENDUA
GAIA: HERRIAREN DIRUZKO PARTE HARTZEA INDIGO APARKALEKU ERAIKIAREN ABONAMENDUETAN
TXOSTENGILEA: Frédéric TRANCHE j.
Ikusirik Lurralde Kolektibitateen Kode Nagusia, bereziki L 2211-1, L 2212-2, L 2212-5, L 2213-1etik L 2213-6ra arteko artikuluak,
Ikusirik HENDAIAren Herriko Kontseiluaren 2021eko urtarrilaren 27ko 004.2021 zk. deliberamendua, INDIGO aparkaleku eraikirako abonamenduetarako herri barneko merkatarien aldeko diruzko parte hartze baterako baimena eman zuena,
Kontuan hartuz auzapez jaunak honako hau erranez egin txostena:
Kontuan hartuz udalaren ekonomia berpizte plana Herriko Kontseiluaren 2020ko ekainaren 8ko bilkuran aho batez onartu zuela eta hor tokiko eragile profesionalak lagundu eta sostengatzeko nahia ageri zela, aparkatzeko abonamenduetarako diruzko parte hartze baten bidez INDIGO aparkaleku eraikian, baita herri barneko langileen alde ere.
Kontuan hartuz Errepublika plazaren antolaketa lanak eta oinezkoentzat izanen dela aitzinetik ikusiz, Herriak aparkatze aukera berriak eman nahi dizkie bertan lan egiten dutenei, aparkaleku horren bitartez.
Sektore horretako langileei herri barnera heltzen laguntzen jarraitzeko, INDIGO aparkaleku eraikirako hileko abonamenduei luzapena eman diezaiezuen eskatzen zaizue; 65 aparkaleku lirateke 2025eko urtarrilaren lehenetik abenduaren 31 bitarterako. Sektore urdineko eta gorriko langileen artean bidezko baliabidea ukan nahiz, erabiltzaileak ordaindu beharreko abonamenduaren kopurua hilean 20,00 €koa litzateke. Gainerako kopurua, hau da, 52,00 €, Herriak ordainduko luke.
EZTABAIDA EGIN ETA,
Herriko Kontseiluak:
- Onartu du INDIGO aparkaleku eraikirako langileen aldeko hileko abonamendua luzatzea, 65 aparkalekuko mugarekin eta 2025eko urtarrilaren lehenetik abenduaren 31 bitarterako.
AHO BATEZ ONETSIA–
167.2024 zk. DELIBERAMENDUA
GAIA: ERREPUBLIKA PLAZAREN ANTOLAKETA – MERKATARIEI KALTE ORDAINAK ONEZ ONEAN EMATEKO BATZORDEAREN 2024KO AZAROAREN 7KO BILKURA
TXOSTENGILEA: Frédéric TRANCHE j.
Ikusirik 2023ko urriaren 25eko 152-2023 deliberamendua, Errepublika plazaren antolaketaren harira onez onean kalteordainak emateko batzordearen sortzeari buruzkoa,
Ikusirik kalteordainak onez onean emateko batzordearen 2024ko azaroaren 7an eman iritzia, eranskinean duzuena,
Kontuan hartuz PIARRES sozietateak, LARIQUE sozietateak (VAPPLE STORE), BIDASOA JATETXEA sozietateak eta LE 26 sozietateak aurkeztu dituzten eskariak,
Errepublika plazaren antolaketari loturiko lanen handia eta inguruan diren saltegien jardunean duten eragina kontuan hartuz, Hendaiako Herriak kalte ordainak onez onean emateko batzordea osatzea erabaki du horri loturik kalteren bat ukan dutela frogatuko luketen merkatari eta eskulangileen kalteordain eskariak azter ditzan.
Dosierrak bideratzean ikusi da BIDASOA JATETXEA sozietatearen dosierra ezin dela den egoeran onartu eta informazio osagarriak behar dituela ekarri.
PIARRES, LARIQUE (VAPPLE STORE) eta LE 26 sozietateen dosierrak onar litezke barne araudiak aurreikusten duen kalteordaina jasotzeko.
EZTABAIDA EGIN ETA,
Herriko Kontseiluak:
- PIARRES sozietateari 9223,78 €ko behin betiko onez oneko kalteordaina eman dio (PIARRES sozietateak 6778,48 € jaso ditu jadanik),
- LARIQUE (VAPPLE STORE) sozietateari 14 960,33 €ko behin betiko onez oneko kalteordaina eman dio,
- LE 26 sozietateari 5429,88 €ko behin betiko onez oneko kalteordaina eman dio,
- Baimena eman dio auzapez jaunari horri loturiko agiri oro sina dezan.
AHO BATEZ ONETSIA–
168.2024 zk. DELIBERAMENDUA
GAIA: HENDAIA TURISMO ETA MERKATARITZA BULEGOAK ANTOLATU MERKATUEN EMAITZAK ORDAINTZEA
TXOSTENGILEA: Frédéric TRANCHE j.
Kontuan hartuz HENDAIA TURISMO ETA MERKATARITZA IMEPak udaberriko eta udako oporraldietan antolatzen dituen azoka eta merkatuak:
- Gau merkatuak «Eskulangile & Sortzaileak» Croisière plazatxoan, astelehenetan,
- «Palmondoko hitzorduak» udaberri eta udako oporraldietako astearteetan,
- Gau merkatuak «Portuko Ostegunak» Zokoburun, ostegunetan,
- Igandeko merkatuak herri barnean, igande goizetan.
Kontuan hartuz ekitaldi horien karietara, leku eskubideen ordainez, 2024an sartu den dirua 49 262,50 €koa dela,
Kontuan hartuz Herriak zuzenean ordainduriko kopurua (4187, 5893, 5894, 5895, 5896, 5897 eta 6438 aginduak) 570 €koa dela,
Kontuan hartuz HENDAIA TURISMO ETA MERKATARITZAri itzuli beharreko kopurua 48 692,50 €koa dela,
EZTABAIDA EGIN ETA,
Herriko Kontseiluak:
Baimendu du leku eskubideetatik sartu 48 692,50 € ZB kopurua HENDAIA TURISMO ETA MERKATARITZA IMEPari ordain dakion.
AHO BATEZ ONETSIA–
169.2024 zk. DELIBERAMENDUA
GAIA: FUNTZIONAMENDURAKO DIRULAGUNTZAREN ESKARIA FAMILIA LAGUNTZA KUTXARI TXIKI HANDI (AGAZ) PROIEKTURAKO
TXOSTENGILEA: Nicole BUTORI and.
Ikusirik Lurralde Kolektibitateen Kode Nagusia, bereziki L.2121-29 artikulua,
Ikusirik FLKren partzuerrentzako Gizarte Laguntzen Araudia,
Ikusirik Familia Laguntza Kutxari eskaria egin zaiola (FLK), aterperik gabeko aisialdi zentroen (AGAZ) sostengatzeko bere baliabidearen harira,
Ikusirik auzapezorde andreak honako hau azalduz egin txostena:
Kontuan hartuz «Aisialdi zentro» gisako egiturak ororen onerakoak direla, aisialdi hezitzaile egokituak eskaintzen baitizkiete herriko haur eta gazteei,
Kontuan hartuz herria familei proposaturiko zerbitzuen kalitate eta helgarritasun urraspide bati jarraitu nahi zaiola,
Kontuan hartuz FLKren inbestimendu dirulaguntza bat ukan dezakegula Txiki Handi eraikinean kokaturiko AGAZa antolatzeko proiektua diruztatzen laguntzeko,
Txiki Handi eraikina Jean Mermoz karrikaren 10ean da kokatua eta aisialdi zentro bat ukanen du etxe beherean 6 eta 13 urte arteko haurrentzat. Proiektua bururatua izateko aurreikusi den data 2025eko abuztua da.
Lehengo altzari zaharrak atxiki baditugu ere, hornikuntza gastuak egin beharko dira.
Familia Laguntza Kutxa beti aritu da lurraldeko haurrei harrera egokiak eskaintzeko. Egituren funtzionamendurako behar den hornikuntzaren diruztapena da haren bitartekoetako bat. Aisialdi zentro horretarako behar diren altzarien erosteko balia liteke, beraz, dirulaguntza eskari baten bidez. Eskari horren kopurua oraindik zehazteke da.
EZTABAIDA EGIN ETA,
Herriko Kontseiluak:
- Baimena eman dio auzapez jaunari Familia Laguntza Kutxari (FLK) aisialdi harrerako egituren sostengurako dirulaguntza eska diezaion,
- Baimena eman dio auzapez jaunari FLKren dirulaguntza horren eskuratzeko behar den dokumentu oro sina dezan, bai eta horri loturiko dokumentu oro ere.
AHO BATEZ ONETSIA–
170.2024 zk. DELIBERAMENDUA
GAIA: 2025erako KULTURA PROIEKTUAK – DIRU LAGUNTZA ESKARIAK
TXOSTENGILEA: Michelle MOUNIOS ADURRIAGA and.
Ikusirik Lurralde kolektibitateen Kode nagusia,
Ikusirik 2026ko uztailaren 7ko Legea sorkuntzaren askatasunari, arkitekturari eta ondareari buruzkoa, arte eta kultura sorkuntza sustatzeko xede duena eta kolektibitateak kultura proiektuak sostengatzera bultzatzen dituena,
Ikusirik «Hurbileko Kultura Lekuak» eskualde baliabidea eta beraren Zuzeneko Ikuskizunen aldeko esku hartze Araudia,
Ikusirik Pirinio Atlantikoetako Departamenduarekin sinaturiko lurralde lankidetzarako proiektua,
Ikusirik auzapezorde jaunak honako hau azalduz egin txostena:
Kontuan hartuz ororen onerakoa dela tokiko kultura egitarau baten eskaintza,
Kontuan hartuz herriek dirulaguntzak eska diezazkieketela gainerako lurralde kolektibitateei: eskualde, departamendu, hirigune elkargoei…
Hendaiako Herriak urte anitz darama asmo handiko kultura proiektu bat proposatzen sorkuntzaren, kultura bitartekaritzaren, arte eta kultura heziketaren eta hedapenaren inguruan.
Urtero, hainbat eta hainbat konpainia hartzen du bere lurretan eta sare profesional anitzetan da zerrendaturik. Aldi berean da eskualdeko eta departamenduko konpainientzako baliabide leku bat eta sendoki kokatzen da karrika arteetan «Antzerkiaren Maiatza» festibalaren bidez, 2025ean 40. aldiz eginen delarik.
Kultura sasoiaren jardun guztiak eta festibala urtero berritzen dira eta gero eta baliabide tekniko eta diruzko gehiago behar ditu erabiltzaileen eta artisten eskaerei eta garatzeko beharrei erantzuteko.
Gisa berean, ingurumen trantsizioa erronka handia da, Herriak daraman proiektu orotan zeharka eragiten duena.
Diru kopuru handiak behar dituzten jarduera horien gauzatzeko, Akitania Berriko Eskualdea, Pirinio Atlantikoetako Departamendua eta Euskal Hirigune Elkargoa ezinbesteko partzuerrak ditugu helburu horiek arrakastaz eginen baditugu.
EZTABAIDA EGIN ETA,
Herriko Kontseiluak erabaki du:
- Eskatzea, 2025, urterako, Eskualdeari, 40.000 € arte proiektua diruztatzeko, «Hurbileko kultura lekuak» delakoaren kontura, eta 15.000 € «Antzerkiaren Maiatza» festibalera-ko, Kultura Ekitaldien kontura
- Eskatzea Departamenduari hiru urtetarako hitzarmena egin dezan gurekin, eta 10.000 euroko dirulaguntza bat eman diezagun 2025erako, lurralde lankidetzako proiektura-ko
- Eskatzea Euskal Elkargoari oraindik zehazteke ditugun kopuruak,
- Baimena ematea auzapez jaunari kultura proiektu horiei loturiko dokumentu oro sina dezan.
AHO BATEZ ONETSIA–
171.2024 zk. DELIBERAMENDUA
GAIA: BIZTANLERIAREN ERROLDATZEA – ERROLDATZAILE LANPOSTUAK SORTZEA
TXOSTENGILEA: Itziar AIZPURU and.
Ikusirik Funtzio Publikoaren Kode Nagusia,
Kontuan hartuz 2004az geroztik aplikagarri den biztanleen errolda modu berria, zeinaren arabera, 10 000 biztanletik gorako herrietan urtero biztanleriaren zati baten errolda egin behar baita,
Kontuan hartuz zenbait herri pilotutan testatzen urteak egin ondoren, Estatuak legea egin behar zuela herriei, herritarren errolda kudeatzeko La Poste zerbitzu bat baliatzeko aukera emateaz eta herri orotara orokortzeaz,
Zerbitzu hori bereziki interesgarria zitzaizkigun giza baliabideetan merkeagoa baitzen. Alabaina, lege proiektu hori ez du legebiltzarrak bozkatu. Halatan, bada, ohiko barne kontratatze prozedurari ekin beharko diogu berriz ere, aitzineko urteetan bezala. Erroldatze eragiketa horien egiteko, 6 erroldatzaile kontratatu beharko genituzke. Kontratupeko langileak hartuz beteko ditugu lanpostuak, Funtzio Publikoaren Kode nagusiaren L.332-23 1 artikuluak dioenari jarraikiz, jardunaren aldi bateko areagotzeari aurre egiteko kontratupeko langileak hartzeko aukera ematen baitu.
Halatan, bada, lanaldi osoko kontratupeko 6 lanpostu sor ditzagun proposatzen dizuegu, herritarren errolda egiteko, 2024ko urtarrilaren 16tik otsailaren 15 bitartean.
Funtzio Publikoaren 367 indize gordinaren arabera ordainduko zaie otsail hondarrean.
Kontuan hartuz INSEE erakundeak ematen dituen formakuntza aldiak eta zereginerako egin beharreko aurkiketak, kontratua urtarrilaren 8tik otsailaren 22rako aldirako eginen da; erregai gastuak barnean dira.
Langileei 250 € gordineko sari bat emanen zaie bizitegien orrien itzultze maila >= % 99 bada (martxo hondarrean emanen da sari hori).
Lansaria hileko 15a baino lehen lantzen denez, urtarrileko ordainsaria gibel-ondorioduna izanen da otsailaren hondarrean ordaindua eta, zereginaren amaitze saria, halakorik balitz, martxoaren hondarrean.
EZTABAIDA EGIN ETA,
Herriko Kontseiluak:
- ERABAKI DU
- goian aipatu zereginetarako kontratupeko langileak hartzea,
- Kontratuaren ordainketa goian aipatu bezala finkatzea,
- BAIMENA EMAN DIO auzapez jaunari lanpostu horietarako lan kontratuak sina ditzan,
- ZEHAZTU DU gastu hori aurrekontuaren 12 ataleko 64131 artikuluaren kontura ordainduko dela.
AHO BATEZ ONETSIA–
172.2024 zk. DELIBERAMENDUA
GAIA: 64KO LURRALDEKO FUNTZIO PUBLIKOAREN KUDEAKETA ZENTROAREN BORONDATEZKO LOTZERAKO PARTE HARTZE HITZARMENA – GIZARTE BABES OSAGARRIA – BEHAR ORDUETARAKO KUTXA
TXOSTENGILEA: Itziar AIZPURU and.
Auzapezak gogora ekarri du indarrean den araudiak aurreikusten duela lurraldeko enplegatzaile publikoek eta beraien erakundeek 2025eko urtarrilaren lehenetik goiti beharko dutela beren langileen behar orduetarako babesean («ordainsariaren atxikitzea») diruz parte hartu.
Parte hartze horren gauzatzeko manerak ordenantza eta dekretu bidez zehazturik dira:
- 2011ko azaroaren 8ko 2011-1474 Dekretua, lurralde kolektibitateek eta beraien erakunde publikoek beren langileen gizarte babes osagarrian diruztatzen parte hartu beharreko moduari buruzkoa;
- 2021eko otsailaren 17ko 2021-174 Ordenantza, funtzio publikoko gizarte babes osagarriari buruzkoa;
- 2022ko apirilaren 20ko 2022-581 Dekretua, gizarte babes osagarriaren bermei buruzkoa eta lurralde kolektibitateek eta beraien erakunde publikoek horien diruztatzen parte hartzeko duten betebeharrari buruzkoa.
Azalpena:
Pirinio Atlantikoetako Kudeaketa Zentroak deialdi bat egin du Akitania Berriko kudeaketa zentroen eskualde lankidetza partekatuan, kolektibitateek eta langileek « Behar orduetarako» deitu arriskua estaltzeko hitzarmenera borondatez lotuz parte har dezaten.
Deialdi horren ondorioz, Pirinio Atlantikoetako Kudeaketa Zentroak, Herriarteko Lan Batzordearen aldeko iritzia 2024ko ekainaren 27an jaso eta eztabaida egin ondoren (2024ko ekainaren 28ko DG8-280624 zk. DELIBERAMENDUA), «Behar orduetarako» arriskurako parte hartze hitzarmena sinatu du 2024ko uztailaren 11n, sei (6) urterako, MUTUELLE NATIONALE TERRITORIALE (MNT) delakoarekin, artekaria RELYENS delarik.
Hitzarmen hori 2025eko urtarrilaren lehenean izanen da indarrean 2030eko abenduaren 31 arte.
Kolektibitateak libreki lot daitezke hitzarmen horretara 2025eko urtarrilaren lehenetik goiti hitzarmenak dirauen aldi guztian zehar. Kidetze hori eta kolektibitatearen diruzko parte hartzea deliberamenduz behar dira erabaki, esku duen Lurraldeko Lan Batzordearen iritzia jaso ondoren.
Kolektibitateko langile bakoitzari da parte hartze hitzarmen honen harira proposaturiko berme eta mailen artean nahi dituenetara bakarkako kontratuz lotzea erabakitzea, betiere gutxieneko honako baitezpadako berme hauekin: ezgaitasuna eta ezindura.
Gogoan har kolektibitatearen diruzko parte hartzea parte hartze bide bakar bati bakarrik eman behar zaiola.
Halatan, bada, kolektibitate publikoak 64 Kudeaketa Zentroaren parte hartze hitzarmena sinatzea erabaki du; beraren diruzko parte hartzea hitzarmen honetara lotzen diren langileen kontratuetara eman ahalko zaie bakarrik. Ezinen da labeldun zerbitzu emaileekin sinaturiko bakarkako kontratuetarako izan.
Ikusirik Pirinio Atlantikoetako Kudeaketa Zentroaren 2024ko ekainaren 28ko DG8-280624 zk. DELIBERAMENDUA, «Behar orduetarako» arriskurako parte hartze hitzarmena egiteko hautatu den hautagaitza erabakitzen duena,
Ikusirik Girondako Kudeaketa Zentroaren jakinarazpena (eskualde lankidetzaren koordinatzailea den bezainbatean) erranez eskaintza lehiaketa deialdi publiko batez eskuratu dela, 2024ko uztailaren 17an, MUTUELLE NATIONALE TERRITORIALE (MNT) delakoarekin, artekaria RELYENS delarik,
Ikusirik Pirinio Atlantikoetako Kudeaketa Zentroaren eta MUTUELLE NATIONALE TERRITORIALE (MNT), artekari RELYENS duenaren artean, 2024ko uztailaren 11n, sinaturiko parte hartze hitzarmena,
Ikusirik Lurraldeko Lan Batzordearen 2024ko azaroaren 7ko iritzia,
EZTABAIDA EGIN ETA,
Herriko Kontseiluak:
- erabaki du lotzea Pirinio Atlantikoetako Kudeaketa Zentroaren eta MUTUELLE NATIONALE TERRITORIALE (MNT), artekari RELYENS duenaren artean sinatu «Behar orduetarako» arriskurako borondatezko lotzeko parte hartze hitzarmenera, 2025eko urtarrilaren lehenean hasiz,
- baimena eman dio auzapez jaunari 64 CDG delakoaren parte hartze hitzarmena eta horri loturiko agiri oro sina ditzan,
- erabaki du manera esklusiboan diruz parte hartzea titular diren funtzionarioentzat eta ikastun langileentzat, bai eta lanean diren zuzenbide publikoko kontratupeko langileentzat, CDG 64 delakoaren «Behar orduetarako» arriskuari buruzko parte hartze hitzarmenera loturiko kontratura lotu badira, zeinahi delarik ere kolektibitatean lanean daraman denbora,
- egokitu du, gizarte intereseko xede batez, parte hartzea, kontuan hartuz langileen urteko diru sarrera gordina urte horretako urtarrilaren lehenean zehazturik, edo kontratatuak izan diren unean urtean zehar kontratatu badira, eta langilearen lan ehunekoaren arabera ere zehazturik. Urteko diru sarrera gordinak honako hauek hartzen ditu: Lansarien Indize Gordina + Indize Gainsari Berria + ordainsariaren zati finkoa.
- Honela finkatu du parte hartzea:
- 12 € gordin langile eta hil bakoitzeko urteko diru sarrera gordina 29 000 € baino apalagoa duten langileentzat,
- 10 € gordin langile eta hil bakoitzeko urteko diru sarrera gordina 29 001 € eta 33 000 € artekoa duten langileentzat,
- 7 € gordin langile eta hil bakoitzeko urteko diru sarrera gordina 33 000 € baino goragoa duten langileentzat,
langilearen kotizazio osoaren mugarekin.
Parte hartzea langileari zuzenean emanen zaio, lansari orriaren bidez.
AHO BATEZ ONETSIA–
173.2024 zk. DELIBERAMENDUA
GAIA: LANPOSTU ZENBAITETAN LAN GEHIGARRIAK EGITEAGATIKO OREN ORDAINKETEN ARAUBIDEA PLANTAN EMATEA
TXOSTENGILEA: Itziar AIZPURU and.
Ikusirik Funtzio Publikoaren Kode Nagusia,
Ikusirik 1991ko irailaren 6ko 91-875 Dekretu aldatua, 1984ko urtarrilaren 26ko legearen 88 artikuluaren 1. paragrafoa aplikatzeko emana,
Ikusirik 2002ko urtarrilaren 14ko 2002-60 Dekretua, lan gehigarriengatiko oren ordainsariei buruzkoa, 2007ko azaroaren 19ko 2007-1630 dekretuaren bidez aldatua,
Kontuan hartuz 2017ko maiatzaren 17ko eta 2019ko irailaren 18ko deliberamenduak, C kategoriako langile zenbaiti oren gehigarriak egiteko baimena ematen dietenak,
Kontuan hartuz C kategoriako beste langilek ere egin ditzaketela oren gehigarriak, legezko lanaldiaz haratago, auzapez jaunak edo haren ordezkariak galde eginik,
Kontuan hartuz kolektibitatearen langileen beharra izaten dela udal besta, kirol, kultura eta abarreko ekitaldietan, langileen ohiko lanalditik at egin beharrekoetarako (txartel salmenta, hesitzeak…),
Kontuan hartuz Lurraldeko Lan Batzordearen 2024ko azaroaren 7ko iritzia,
Horren harira, honako asmo hau da:
- lan gehigarriengatiko oren ordainak ezartzea C kategoriako titular eta ikastun langile direnentzat eta lanaldi osoko zuzenbide publikoko kontratupeko langileentzat, Herriak antolaturiko ekitaldietan noiz edo noizko zereginak dituztenean,
- eta lurralde agintariak eskaturik eginiko oren gehigarrien ordaintzea, diruz edo denboraz, langilearen lanaldian aurreikusiak diren orenak gainditzen direnean, hilean 25 orenetako mugarekin.
Gastu hori aurrekontuan sartuko da.
EZTABAIDA EGIN ETA,
Herriko Kontseiluak:
- erabaki du oren gehigarriak plantan ematea Hendaiako Herriak antolatzen dituen ekitaldietan noiz edo noiz zereginak dituzten C kategoriako langileentzat,
- erabaki du oren gehigarri horiek diruz edo denboran ordaintzea, betiere arauen mugetan.
ADIERAZI BOZ GUZTIEK ONETSIA – 2 ABSTENZIO: TARIOL j. eta BERNARD j.
174.2024 zk. DELIBERAMENDUA
GAIA: LAKET PORTUAREN 2025ERAKO TARIFAK FINKATZEA
TXOSTENGILEA: Jean-Michel ARRUABARRENA j.
Urtero bezala, Hendaiako Itsas Oporlekuak heldu den urtean laket portuan erabiliko dituen tarifak ezarri behar ditugu.
Halatan, 2025erako, urteko abonamenduen tarifa ez da goratuko, laket portuaren dragaketa egin behar baita eta laket itsasturiek trabak jasan beharko baitituzte 2025ean.
Pasaerako tarifa 1 €/egunka goratu da:
Voici une version de ce tableau sous forme de liste organisée et claire :
2024
Sasoiak eta tarifak
- Sasoia : 16 €
- Tartea : 12 €
- Negua : 9 €
- Sasoia : 21 €
- Tartea : 16 €
- Negua : 11 €
- Sasoia : 29 €
- Tartea : 23 €
- Negua : 16 €
- Sasoia : 39 €
- Tartea : 31 €
- Negua : 21 €
- Sasoia : 55 €
- Tartea : 43 €
- Negua : 35 €
2025
Sasoiak eta tarifak
- Sasoia : 17 €
- Tartea : 13 €
- Negua : 10 €
- Sasoia : 22 €
- Tartea : 17 €
- Negua : 12 €
- Sasoia : 30 €
- Tartea : 24 €
- Negua : 17 €
- Sasoia : 40 €
- Tartea : 32 €
- Negua : 22 €
- Sasoia : 56 €
- Tartea : 44 €
- Negua : 36 €
Laket itsasturientzako zerbitzuei dagokienean:
- Jabekide txartela 125 €tara pasatu da,
- Merkatari/jatetxe txartela 200 €tara pasatzen da, kuoten baldintzapean,
- Passport Escales deitu txartela 15 €/urteka,
- Jabari publikoa merkataritzarako erabiltzea, 5.25 €/m²,
- Energia prezio finko bat + hondakinen tratamendua erantsiko dira eta 2 €/egunka izanen da zona teknikoan.
EZTABAIDA EGIN ETA,
Herriko Kontseiluak:
Finkatu ditu 2025erako tarifak eta erabilera eskubideak deliberamenduaren eranskinean datozen bezala.
AHO BATEZ ONETSIA–
175.2024 zk. DELIBERAMENDUA
GAIA: HENDAIAKO ITSAS OPORLEKUAREN (HIO-SLIH) EREMUAN DAGOEN ORDU-DATAGAILUAREN DIRUA ORDAINTZEA
TXOSTENGILEA: Jean-Michel ARRUABARRENA j.
Kontuan hartuz ordu-datagailuen emaitza «ordu-datagailu» konpainiaren diru sarrera kudeatzaileak hartzen duela,
Kontuan hartuz ordu-datagailu horietako bat Hendaiako Itsas Oporlekuaren eremuan dagoela, ordu-datagailu horren emaitza Hendaiako itsas Oporlekuari itzuli behar zaio,
2024. urterako, 38 108,20 €koa da itzuli behar dugun diru sarrera. Aldiz, ordu-datagailu horren funtzionamendu gastuak ezarri behar dira, baina ez dira behin betiko urtealdia amaitu arte ezagutuko.
EZTABAIDA EGIN ETA,
Herriko Kontseiluak baimena eman dio auzapez jaunari:
- Hendaiako Itsas Oporlekuari 38 108,20 € itzultzera, itsas oporlekuaren eremuan dagoen ordu-datagailuaren diru sarrerengatik,
- Ordu-datagailu horren funtzionamendu gastuak ezar ditzan zehaztuko ditugunean.
AHO BATEZ ONETSIA–
176.2024 zk. DELIBERAMENDUA
GAIA: VALENTZIA ESKUALDEKO BIZTANLEEKIKO ELKARTASUNA ESPAINIAKO ARO GAIZTOAREN ONDORIOZ: HERRI SOKORRIRAKO EZOHIKO DIRULAGUNTZA
TXOSTENGILEA: Nathalie CAMACHO-SATHICQ and.
Frantziako Herri Sokorriak Espainia gogorki astindu duen aro txarrak, batez ere Valentzian, Andaluzian, Aragoin bai eta Katalunian ere, non uholdeak oraindik gertatzen ari diren, ekarri duen hondamendiaren kaltetuei laguntza ematera deitu du.
Oraingoz dagoen bilana jadanik oso pizua da: 217 biktima ziren zenbatuak azaroaren 5eko goizean, gehienak Valentzia erkidegoan. Espainian, bilan oraindik ere handiagoa izanen dela uste dute, oraindik jende anitz baita desagerturik.
Milaka jenderi zuten guztia galarazi dien hondamendi horren lehen orenetan, Herri Sokorriak Bartzelonan aspaldi duen bere partzuerrarekin jarri zen harremanetan, Bakerako Kataluniar Elkartearekin (ACP), hain zuzen ere. Elkarte horrek zehatz-mehatz ezagutzen ditu hondamendiaren eskualdeak eta Espainia osoan ari diren sareak ditu.
Lekuan bertan, Herri Sokorriaren partzuerrak, ACP elkarteak, dauden behar anitzak balioztatzen ditu. Lan hori urak jo dituen zonak helgarri bihurtzen diren unean egiten du, hondakinak kentzearen ondorioz. ACP elkarteak egoki eta fidagarri diren elkarte eragileak identifikatzen ditu ere, Herri Sokorriak haien bitartez esku har dezan sostengu beharra duten biztanleengandik ahal bezain hurbil.
Herri Sokorria ACP elkartearekin batera aritzeko asmoa du horretarako baldintzak emanen direnean, herritarren elkartasunak ekarri laguntza koordinatzeko. Beharrak identifikatu direnean, tokiko lantaldeek eginen dituzte egin beharrekoak.
Eguberri inguruan, urtarril hastapenean, Espainian haurren oso gogokoa den errege magoen besta tradizionalaren inguruan arotzea aztertzen ari gara, kalteturiko familiei eta bereziki haurrei une goxo eta alaiak ekartzeko.
Sostengu materiala altzariak edo elektrotresnak ematea izan liteke. Luzeagora begira, sostengua haurrak, gazteak, ama bakartuak… hartzen dituzten egitura kolektiboetara joan liteke.
Herri Sokorriak elkartasun deia egin du, diruzko emaitzak bakarrik eskatuz, ez baitu komeni Frantzian bilduriko laguntza materiala eramatea. Hondamendia jasan duten zonetatik hurbil egin litezke erosketak eta material berri eta egokia erosteko aukera dago.
Hendaiako Herriak bere ekarpena egin nahi du, Hendaia-Urruñako Beteranoen Elkarteari (AVHU) jadanik ekarri dion laguntzaz gain, orain dela egun batzuk eskatu baitio elkarte horrek palak, karrakagailuak eta abar erosteko laguntza.
EZTABAIDA EGIN ETA,
Herriko Kontseiluak:
- Erabaki du 1000 euroko ezohiko dirulaguntza ematea Frantziako Herri Sokorriari, Espainian, Valentziako eskualdean kalteturikoen laguntzeko,
- Baimena eman dio auzapez jaunari horri loturiko agiri oro sina dezan.
AHO BATEZ ONETSIA–
177.2024 zk. DELIBERAMENDUA
GAIA: LURREN TOKIKO ERAKUNDE PUBLIKOAK URRIZTI MUINOA DORDOINAKO DEPARTAMENDUARI HERRIARENTZAT EROSTEA
TXOSTENGILEA: Chantal KEHRIG COTTENÇON and.
2022ko irailaren 21eko deliberamendu baten bidez, Herriko Kontseiluak aldeko iritzia eman zion Euskal Hirigune Elkargoak «Urrizti muinoa» deitu Gerora Antolatzeko Zona bat sortzeari; leku hori Tokiko Hirigintza Planaren Antolaketa eta Garapen Iraunkorreko Proiektuan (AGIP-PADD) ageri da, herriaren paisaia nortasunaren elementu enblematiko diren naturaguneak atxiki behar direla erranez. Herriak horren gaineko gogoetari ekin dio hendaiarren beharrei erantzuteko hornikuntzak garatzeko.
2023ko urriaren 25eko deliberamendu batez, Herriko Kontseiluak Euskal Herriko Lur Funtsen Tokiko Erakunde Publikoaren esku utzi du «Urrizti muinoa» Gerora Antolatzeko Zonaren lehentasunez erosteko eskubidea. Hor barnean daude Dordoinako Departamenduaren lehendakariak igorri duen 64260 23 00103 zk Besterentzeko Asmo Adierazpenak hartzen dituen lursailak.
Gogoan hartzeko, lursailean eraikuntza bat dago:
- Oporleku gisa erabiltzeko;
- Eraikia den eremua: 265 m² ;
- Erabiltze, alokatze edota uzterik gabea da.
Besterentzeko Asmo Adierazpenean aipatu prezioa 1.850.000,00 €koa da.
2023ko abenduaren 20ko agindu batez, Euskal Herriko Lur Funtsen Tokiko Erakunde Publikoaren lehendakariak ondasuna lehentasunez erostea erabaki zuen (lehentasunez erosteko eskubidea eskuordetu zaionez) Besterentzeko Asmo Adierazpenak zekarren prezioari ezetz erran eta 824.000 € proposatuz Gerora Antolatzeko Zonaren lehentasunez erosteko eskubidepean diren lursailetarako, hau da, honako kadastrako AP zenbaki hauetarako: 56, 67, 367, 369, 371, 373, 133, 134, 135, 302, 319, 320, orotara 25.882 m² zabal den eremua egiten dutelarik.
2024ko otsailaren 05eko gutun batez, Dordoinako Departamenduak jakitera eman zion Euskal Herriko Lur Funtsen Tokiko Erakunde Publikoari Besterentzeko Asmo Adierazpenak zekarren prezioa mantentzen zuela.
Gauzak horrela, Euskal Herriko Lur Funtsen Tokiko Erakunde Publikoak desjabetze alorrean eskua duen jurisdikzioarengana jo zuen eta horren berri eman zion jabeari eta Jabarien Zerbitzuak eginiko balioztapenaren, hau da, 128.400,00 €en % 15eko kopurua ezarri zuen.
Epaia 2024ko uztailaren 12an eman du Desjabetzeen epaileak eta higiezin osoaren prezioa 1.288.860,00 €tan ezarri du.
Hendaiako Herriak eta Dordoinako Departamenduak erabakiari hel egin nahi izan ez diotenez, epaia behin-betikoa da 2024ko abuztuaren 16tik goiti Euskal Herriko Lur Funtsen Tokiko Erakunde Publikoarentzat eta 2024ko irailaren lehenaz geroztik Dordoinako Departamenduarentzat.
Dordoinako Departamenduak bi hilabete zituen, orduan, salmentari uko egiteko.
2024ko azaroaren lehenean uko egin ez eta salmenta egin liteke. Halatan, bada, Euskal Herriko Lur Funtsen Tokiko Erakunde Publikoak Desjabetzearen epaiak ezarri prezioan erosiko du ondasuna, Herriaren kontura.
Euskal Herriko Lur Funtsen Tokiko Erakunde Publikoak, Administrazio Kontseiluaren 2024ko irailaren 24ko deliberamendu batez, epaiaren jakinaren gainean dela adierazi du eta Euskal Herriko Lur Funtsen Tokiko Erakunde Publikoaren zuzendariari ahala eman dio uzte agiria sina eta epaileak ezarri prezioa ordain dezan.
Erosketa horren harira, funts atxikitze hitzarmen bat sinatu behar dute Euskal Herriko Lur Funtsen Tokiko Erakunde Publikoak eta HENDAIAko Herriak, erositako ondasunaren atxikitze, kudeatze eta atzera emate bideak erabakitzeko.
Herriak dituen helburuei eta esku hartze testuinguruari begira, 12 urteko funts atxikitzea erabiltzea erabaki da, urtero kopuru berdinekin eta urtean funts atxikitzeen gastuak % 2,5 ZG izanen direla, zor den kapitalaren gainean aplikatzeko.
Beste aldetik, Dordoinako Departamenduak Herriarengana jo zuen 2024ko urriaren 7an, lehentasunez erosteko prozeduratik at den jabegoaren gainerakoa eros dezan proposatuz.
Proposatu dion prezioa 20 €/m² da, hau da, 169 900 € orotara, 8495 m² baitira.
Kopuru hori desjabetzearen epaileak ezarri zuen eta kontuan hartzen du lursailek funts unitate bakarra osatzen dutela, lauak direla (eraikinen ingurukoak), ustiatze errazak direla eta, malda zerbait gehiago dutenak, antolaketa zerbaitekin ere ustia daitezkeela.
Irizpide horiek ez dira kontuan hartzekoak Dordoinako Departamenduaren jabetza soberakinerako eta ez dute proposaturiko prezioa merezi (lur malkarrak, heltzeko eta balioan emateko gaitzak eta ez horren ederrak).
Horiek horrela, 10 €/m² ordaintzea proposa dakioke Dordoinako Departamenduari Euskal Herriko Lur Funtsen Tokiko Erakunde Publikoaren bitartez, negoziazio hori eta egiteko den erosketa bideratzeko Herriaren ahala emana baitu.
EZTABAIDA EGIN ETA,
Herriko Kontseiluak:
- Berretsi du Euskal Herriko Lur Funtsen Tokiko Erakunde Publikoak Herriaren kontura Dordoinako Departamenduak Besterentzeko Asmo Adierazpenari loturiko lursailen erosketa, 1.288.860,00 €tan,
- Onartu du deliberamendu honi atxikirik doan «URRIZTI» funts atxikitze hitzarmenak dioena, Euskal Herriko Lur Funtsen Tokiko Erakunde Publikoarekiko partzuergo moduak zehazteko,
- Onartu du kadastran AP ataleko 56, 67, 367, 369, 371, 373, 133, 134, 135, 302, 319, 320 zenbakiekin ageri den ondasun horren 12 urteko funts atxikipena, urtero kopuru berdinarekin eta % 2,5 ZG direlarik funts atxikitze gastuak,
- Baimena eman dio auzapez jaunari horretarako sinatu beharreko agiriak sina ditzan.
- Ahala eman dio Euskal Herriko Lur Funtsen Tokiko Erakunde Publikoari Dordoinako Departamenduarekin lehentasunez erosteko prozeduran sartzen ez zen jabegoaren gainerakoa saltzeko negoziazioak egin ditzan, honako prezio honetan: 10 €/m².
AHO BATEZ ONETSIA–
178.2024 zk. DELIBERAMENDUA
GAIA: EUSKAL HIRIGUNE ELKARGOARI DIRULAGUNTZA ESKATZEA TXIKI HANDI PROIEKTURAKO LAGUNTZA FUNTS BATEN EMATEAREN HARIRA
TXOSTENGILEA: Chantal KEHRIG COTTENÇON and.
2023ko martxoaren 4ko deliberamendu batez, Euskal Hirigune Elkargoak kide dituen herrien laguntzea erabaki zuen, horretarako 2023-2026 aldirako Euskal Hirigune Elkargokide diren herriei laguntza funtsa emateko baliabide bat plantan emanez.
TXIKI HANDI gunearen berriztatze proiektuaren harira, Herriak Euskal Hirigune Elkargoari eskatu dio 125 373 € eman diezazkiola saileko kopurutik. Helburua lokal egokituetan honako hauek iraunkorki aritzeko kokatzea da: Aterpe Gabeko Aisialdi Zentroa (AGAZ-ALSH), Elkartasunen eta Gizarteratzearen Departamendu Zerbitzuaren (SDSEI) lokalak, SAMSAH delakoa (Ahalmen Urritasunen bat duten Helduen Laguntza Mediku-soziala) eta herriko elkarteentzako lokalak. Berriztapenak aretoak berrantolatuko ditu eta arauetan emateko lanak eta energia berriztapen lanak eginen.
Ikusirik Lurralde Kolektibitateen Kode Nagusia, bereziki L5216-5 VI artikulua,
IKUSIRIK Euskal Hirigune Elkargoak kide diren herrientzat 2023-2026 aldirako laguntza funtsak emateko araudia,
IKUSIRIK 2024ko irailaren 28ko deliberamendua, zeinaren bidez Euskal Hirigune Elkargoak 125 373 €ko «sailaren kopurua» laguntza funtsa eman baitu TXIKI HANDI gunea berriztatzeko proiekturako, Herriak egin eskariari erantzunez,
Kontuan hartuz laguntza funts baten emateko batera datozen Herriaren eta Euskal Elkargoaren deliberamendu bana behar direla,
EZTABAIDA EGIN ETA,
Herriko Kontseiluak:
- Onartu du Euskal Hirigune Elkargoak 125 373 €ko «sailaren kopurua» laguntza funtsa ematea Txiki Handiren berriztatze proiekturako,
- Baimena eman dio auzapez jaunari eranskinean datorren horretarako finantza hitzarmena eta horri loturiko agiri oro sina ditzan.
AHO BATEZ ONETSIA–
Gai zerrenda bururatua denez, auzapez jaunak biltzarrari eskerrak eman eta bilkura amaitutzat eman du 19:37ean.
