Jendea hartzen duten eraikinen helgarritasunari buruzko informazioak atzemanen dituzu; udal eraikinak pixkanaka ari dira arauetan ematen.
Hemen beherean baduzu ere ezintasun bereziren bat bizi dutenentzat helgarri diren aisialdi edota kirol ekipamendu edo egituren zerrenda.
JEndea hartzen duten eraikinak
Hendaiako Herriko Etxeak urte zenbaitetarako plan bat du jendea hartzeko dituen eraikinak helgarri bilakatzeko .
Hemen beherean, helgarri diren udal eraikinak:
- Kultura – Mintzaldiak: Variétés zinegela, Mediateka, Antton Abadia biltzar aretoa
- Administrazio eraikinak: Herriko Etxea, Diruzaintza, Autoportuko Harrera Zentroa, Iragaleen Eraikina, Hondartzako posta bulegoa
- Irakaskuntza: Ama eskolak: Herri barnea, Geltokia, Lizardi, Hondartza. Lehen mailako eskolak: Intzura, Geltokia, Lizardi, Hondartza
Turismo helgarria
Hendaiako turismo bulegoak Tourisme & Handicap (turismoa eta ezintasuna) sailkapena du. Halatan, bada, informazio fidagarri, homogeneo eta objektiboa eskaintzen du turismo leku eta hornikuntzen helgarritasunari buruz lau ezintasun mota nagusiei dagokienean (motorea, ikusmenekoa, entzumenekoa eta burukoa).
Informazio egokituak dakartzan dokumentu bat proposatzen du: Euskal Erlaitzaren etxea, kasinoa, kultura eta aisialdi egiturak…
Turismo eta ezintasunari buruz gehiago jakiteko
HANDIPLAGE ETA hondartza
Hondartzaren Dunba Harrien aldean kokaturik da eta zenbait hornikuntza eskaintzen die ezintasun bereziren bat dutenei.
Handiplage guneaz gehiago jakiteko
Hondartza handian bada, 2018az geroztik, uda garaian, sokorri gunearen ondoan, oinbide egokitu bat hondartzara sartzeko.
Hondarraitzeko hondartza handiaz gehiago jakiteko
Familia baratzeak
Hendaiako goietan daude eta ezintasun bereziren bat dutenentzako helgarri diren ontziak ditu.
Familia baratzeetaz gehiago jakiteko
Kirol helgarritasuna
Lasterketetarako edota itsas jardunetarako aukerak eskaintzen dira.
JOËLETTE kadira, lasterketetarako
Hendaiako Udal Kirol Bulegoak Joëlette kadira bat du eta nahi duten elkarteei uzten die.
Horren bitartez, hiruzpalauren artean eraman dezakete elbarri den norbait, gurpil baten gainean den lauki batean finkatu kadiran ezarririk. Taldekideek kadira bultzatzen dute.
Joëlette kadira erreserba (lin ka)
PONTOia itsas aisialdirako
Txingudi badiako pontoi batean badira bi pertsona altxagailu txaluparatzea erraz egiteko.
