2024 HENDAIAKO HERRIA LURRALDEKO HEZIKETA PROIEKTUA

Proiektuaren gidari den lurralde elkargoa: Hendaia

Lurraldeko Heziketa Proiektu honek hezkuntza proiektu gisa baliatua da Herriko Etxeko adigabeen harrera-gune kolektiboetan.

Proiektua aurkeztu den data: 2024ko martxoaren 15a

Arduradunaren izena: Kotte ECENARRO jn.

Funtzioa: Auzapez

Helbidea: Herriko Etxea – Errepublika plaza – 64700 HENDAIA

Telefonoa: 05 59 48 23 23

Helbide elektronikoa:

LHParen eremua eta publikoa:

Ukitzen duen lurraldea: Hendaiako herria

Ohar juridikoa: Lurraldeko Heziketa Proiektu honek ukitzen dituen egituren motagatik, funtsezkoa da hainbat kode aplikatzea. Honako hauek, hain zuzen ere:

• Hezkuntza Kodea
• Gizarte Ekintzaren eta Familien Kodea
• Kirol Kodea

IKASTETXEAK

Uki ditzakeen haurren kopurua: 2 501 haur (horietarik 1652 ikastetxe publikoetan).

Ama eskolak:  497 ikasle

Lehen mailako eskolak: 1 093 ikasle

Kolegioak : 911 ikasle

Ukituak diren ikastetxeen zerrenda:

• Ama eskolak:
  • Ikastetxe publikoak: Hondartzako, Hiri-barneko, Geltokiko, Intzurako eta Lizardiko ama eskolak
  • Ikastetxe pribatuak: San Bixente eta Ikastola
• Lehen mailako eskolak:
  • Ikastetxe publikoak: Hondartzako, Hiri-barneko, Geltokiko, Intzurako eta Lizardiko lehen mailako eskolak
  • Ikastetxe pribatuak: San Bixente eta Ikastola
• Kolegioak:
  • Ikastetxe publikoa: Irandatz kolegioa
  • Ikastetxe pribatua: San Bixente kolegioa

ESKOLALDI INGURUKO ETA ESKOLAZ KANPOKO HARRERA-GUNEAK

Eskolaldi inguruko edota eskolaz kanpoko jarduerak proposatzen dituzten egituren zerrenda:

• Egitura pribatuak:
  • Denentzat Gizarte Zentroa: Denentzat aisialdi zentroa eta gazteen harrera-gunea (elkarte egitura)
  • “Uda Leku” elkartea: euskarazko aisialdi zentroa (elkarte egitura)
• Egitura publikoak: Hendaiako Herriko Etxea: Haurtzaroaren Etxea, Lizardi Txiki, Ttiki-Handi aisialdi zentroak, Ludoteka elebiduna eta Gazteen harrera-gunea

ESKOLAZ KANPOKO HARRERA-GUNEAK

• Herriko Etxearenak
  • Kopurua: 5
  • Edukiera: Oporretan, 384
  • Adinak: 2-17 urte
  • Irekitze egunak: Eskolako oporretan
  • Ordutegia: 8:00-18:00 (astelehenetik ostiralera)
  • Animatzaile postuak: 36
• Denentzat (Gizarte Zentroa)
  • Kopurua: 2
  • Edukiera: Oporretan, 36; Astearte eta ostiraletan, 24
  • Adinak: 6-17 urte
  • Irekitze egunak: Eskolako oporretan
  • Ordutegia:
    • Oporretan: 14:00-18:00
    • Astearte eta ostiraletan: 18:00-22:00
  • Animatzaile postuak:
    • Asteazkenetan: 3
    • Astearte eta ostiraletan: 2
• Uda Leku (Elkartea)
  • Kopurua: 1
  • Edukiera: Oporretan, 64
  • Adinak: 2-11 urte
  • Irekitze egunak: Eskolako oporretan
  • Ordutegia: 7:45-18:00
  • Animatzaile postuak: 7

ESKOLALDI INGURUKO HARRERA-GUNEAK

• Herriko Etxearenak
  • Kopurua: 10
  • Edukiera:
    • Asteazkenetan: 322
    • Eskolaldi inguruko jarduerak: 854
  • Adinak: 2-14 urte
  • Irekitze egunak: Asteazkenetan + eskola egunetan
  • Ordutegia:
    • 8:00-18:00
    • 7:30-8:30
    • 12:00-14:00 eta 16:30-18:00
  • Animatzaile postuak:
    • Asteazkenetan: 29
    • Eskola egunetan: 45
• Denentzat (Gizarte Zentroa)
  • Kopurua: 1
  • Edukiera:
    • Asteazkenetan: 36
    • Astearte eta ostiraletan: 24
  • Adinak: 6-17 urte
  • Irekitze egunak: Asteazkenetan
  • Ordutegia:
    • Oporretan: 14:00-18:00
    • Astearte eta ostiraletan: 18:00-22:00
  • Animatzaile postuak:
    • Asteazkenetan: 3
    • Astearte eta ostiraletan: 2
• Uda Leku (Elkartea)
  • Kopurua: 1
  • Edukiera: Oporretan, 64
  • Adinak: 2-11 urte
  • Irekitze egunak: Asteazkenetan
  • Ordutegia: 7:45-18:00
  • Animatzaile postuak: 7

Eskolaldi Inguruko Egituren Pedagogia Proiektua (eskoletako eskolaldi ingurukoak, eta asteazkenak) eranskinean dira (I. eranskina).

Nola eman izena proposaturiko jardueretan:

Egiturak denei irekiak izanen dira, gizarteko nahasketa faboratzeko xedearekin.

Eskolaldi inguruko harrera-guneak:

Eskolaldi inguruko harrera-guneetan izena emateko erreferentzia garaia ikasturtea da; halarik ere, urtean zehar alda daiteke.

Eskola egunak:

Idatziz eman behar da izena, izen-emate fitxa baten bidez. Dokumentu hori haurren bitartez ematen zaie familiei.

Asteazkenetako plana:

Izena ematea gurasoek eskaturik egiten da.

Lekuen esleitzeko batzorde bat bilduko da. Leku eskasia bada, hautatzeko irizpideak honako hauek izanen dira nagusiki: dosierraren eskuratze den eta familia egoera. Inolaz ere ez da kontuan hartuko gurasoen lan jarduera.

Eskolaz kanpoko harrera-guneak:

Idatziz eman behar da izena, izen-emate fitxa baten bidez. Dokumentu hori permanentzia zenbaiten bitartez ematen zaie familiei.

Izen ematea urte osorako edo noizbehinkakoa izanen da:

• Eskola oporraldi baterako izen ematea
• Eskola oporraldi guztietarako izen ematea

Jarduera horiek ordainduz dira. Tarifak harrera motaren arabera eta familiaren diru sartze mailaren arabera kalkulatuko dira. Familia Laguntza Kutxak parte hartzen du aisialdi harrerako egiturak diruztatzen. Egituren prezioak II, II.2 eta II.3 eranskinetan agertzen dira.

Gazteen harrerari dagokionean, publiko horrekin harremanetan sartzeko, jardunaldi zenbait auzoetan antola litezke, gazteek izena eman ez eta ordaindu ere gabe, betiere gazte bakoitzari gehienez lau zerbitzu emanez.

Familiei informazioa emateko bideak:

Familiei hainbat bidetatik ematen zaie informazioa:

• Dokumentu idatzien bidez
• Gurasoekin egin bilkuretan
• Gurasoekin noizean behin mintzatzean

DEKLARATUAK EZ DIREN BESTE HARRERA-GUNEAK

HERRIKO ETXEARENAK

• Eguerdiko pausa ama-eskoletan
  • Kopurua: 5
  • Edukiera: 333
  • Adinak: 2-6 urte
  • Irekitze egunak: Eskola egunetan
  • Ordutegia: 12:00 – 14:00
  • Animatzaile postuak: 26
• Etxeko lan begiratuak
  • Kopurua: 3
  • Edukiera: 75
  • Adinak: 6-11 urte
  • Irekitze egunak: Eskola egunetan
  • Ordutegia: 16:30 – 18:00
  • Animatzaile postuak: 6

Hezkunde Nazionalaren Ekintzak

• Etxeko lan begiratuak
  • Kopurua: 2
  • Edukiera: 50
  • Adinak: 6-11 urte
  • Irekitze egunak: Eskola egunetan
  • Ordutegia: 16:30 – 18:00
  • Animatzaile postuak: 4

Elkarteen Ekintzak

• Denentzat CLAS
  • Kopurua: 1
  • Edukiera: 60
  • Adinak: 6-11 urte
  • Irekitze egunak: Eskola egunetan
  • Ordutegia:
    • 17:00 – 18:30
    • Edo: 16:45 – 18:00 / 18:00 – 19:30
  • Animatzaile postuak: Heldu bat 8 haurrentzat

LHPren jardunak dituzten eguneko edota asteko aldiak:

Eskola garaietan:

Ikastetxe publikoetan, animazio aldiak izanen dira eguerdiko pausaldian, haurrek bazkaldu aitzin edo ondoren, bai eta goizeko eta arratseko harrera aldietan ere.

Asteazkenetako plana aitzinetik zerrendatu egituretan eginen da.

Oporraldietan:

Aisialdi harrerak eskola oporraldietan dira zabalik, astelehenetik larunbatera.

LHPa lurraldeari begira egin nahian, eskolaz kanpoko egiturak bildu dira, LHParen helburuen inguruan koordinaturik aritzeko.

Honela, gure LHPak asteko lanegun guztiak hartzen ditu, urte osoan zehar.

Eskola antolaketari menturaz eginen litzaiokeen dispentsarako onartu den data: 2017ko maiatzaren 16an.

LHParen iraupena (3 urte gehienez): Urtebete, adierazi gabean berriztagarri.

Zerrendatu diren beharrak (publiko motaren arabera):

Lan taldean landuriko haurraren beharrak Lurraldeko Heziketa Proiektuaren 3. eranskinean azaldurikoak dira.

Hezkuntza Ministerioko profesionalei eta zenbait gurasori egin azken galdeketetan, haurraren atseden beharra azaldu zuten.

Horregatik, beraz, garrantzi handia emanen diogu asteazkena haurrari astean pausatzeko aldia gerta dakion.

Noski, guretzat atsedenaldi hori da haurrari, taldean edo bakarka, bizipen atsegingarriak eskaintzeko unea, ikasteko beharrik batere gabe.

Bestalde, gure herrian jadanik proposatuak izan diren eskolaldi inguruko edo eskolaz kanpoko aldi orotan bezala, jarraituko dugu, honetan ere, haurraren eguneko erritmoen kurba kontuan hartzen.

Beraz, erreferentziak plantan emateko aukera bideratzeko, egiturek “ereduzko egun” bat eman dezakete.

LHPa gauzatzeko lurraldeak dituen aukerak eta indarrak:

Lurraldeko Heziketa Proiektua lurraldeko eragile orori parte hartzeko bide emanez gauzatu da. Hitzartze horrekin jarraituko dugu. Honako hauek hartuko ditu adoste horrek: gurasoak, irakasleak, animatzaileak, ama eskoletako lurralde langile berezituak (ATSEM), hautetsiak, eta haurrak eta gazteak beraiek ere, noski.

Horrez gain, gure lurraldearen aberastasuna baliatzen jarraituko dugu, elkarteekin, kultura erakundeekin eta gure natura guneekin lan eginez.

Hainbat urtetako esperientzia ukanik, gidaritza batzordeak bere eragileak bilduko ditu, haien borondatearen arabera, haurrarentzat garai desberdinak elkarren osagarri eta heziketan koherente izateko xedean aurrera egin nahian.

Lurraldeak dituen oztopoak eta LHPak oztopo horiek kontuan hartzeko moduak:

Oztopo nagusiak 2021ekoak berak ditugu orain ere, hau da:

• kostua,
• elkarren artean gogoetatzeko denbora eskasa, komunikazioa oztopatzen duena,
• asteazkenetako plana eskaintzen duten egituren eta eskolen arteko urruntasuna.

Partaideek partekatzen dituzten LHParen heziketa helburuak:

LHParen helburuak herrian ditugun Tokiko Heziketa Kontratuaren, Haur eta Gazteria Kontratuaren eta heziketa proiektuaren helburuen arabera landu dira. Gisa horretan, plantan ezarri lantaldeak (gurasoak, irakasleak, animatzaileak, elkarteak eta beste hendaiarrak) bi kontratu horiei eta heziketa proiektuari begira aritu dira guztien helburuak berdefinitzeko. Gero, hautetsiek talde horiek eman dituzten helburuak gidaritza batzorde batean birlandu dituzte.

Hainbat motatako pertsonak kontsultatu direlarik eta hautetsiek zenbait erakunderekin batera (HMI-IEN, Gazteria, Engaiamendu eta Kirol Departamenduko Zerbitzua, FaLK-CAF) balioztatu dituztelarik, erabili den metodoak aukera ematen du gure LHParen helburuak gure herrian adin txikikoak hartzen dituzten egitura guztietarako baliagarri izan daitezen. Betiere heziketaren eragile bakoitzak bere berariazko proiektua eraiki dezan utziz, noski.

Bizkitartean, kudeatzaileak filosofia, politika eta erlijiozko neutraltasunaz jokatzera engaiatzen dira. Egiturak ere, laikotasuna erakustera engaiatzen dira, Errepublikaren balore hori Familia Laguntza Kutxaren, Gazteria, Engaiamendu eta Kirol Departamenduko Zerbitzuaren eta harreraren antolatzaileen funtsezko elementua delarik.

Helburu nagusia:

Zerikusia duten eragile ororekin adostuz egin da lurraldeko heziketa proiektua eta hezkuntza politiken obratzearen oinarria da, haurren eskolako arrakasta eta ongizatea helburu izanik.

Hori egiteko, Hendaiako Herriko Etxeak baliabide guztiak erabiltzen ditu heziketa jarraikitasuna gerta dadin eskola proiektuen eta haurrei, eskolalditik at proposatzen zaizkien

jardueren artean; eskolaldi inguruko jarduerak heziketako zerbitzu publikoaren jarraipen eta osagarri gisa ulertu behar da, koherentzia eta kalitatea helburu.

Beraz, heziketako jarraikitasun hori ezin da eskolaz kanpoko aldietan ahantzi. LHPa da Hendaiako harrera egitura guztiak helburu beren alde ari daitezen behar den tresna.

Hendaiako Herriaren heziketa helburuak:

Lurraldeko heziketa proiektu honek bere zentzu osoa beteko badu, partzuergo bat ezarri behar da haurrekin aritzen diren esku-hartzaile ororen artean. Partzuergo horrek ekintza orotan, ingurunea zeinahi delarik ere, sustatu beharko diren balore eta ezagutzak begiratuko ditu.

2020ko abenduaren 17ko gidaritza batzordearen ondorioz, honako hiru helburu nagusi hauek birdefinitu ditugu:

1. Haurra gure lurraldearen ezaugarrietaz jabe dadin:

• Hirueletasuna balioetsiz, gure lurraldearen berezitasunari begiratuz
• Gure lurraldean mintzo diren hizkuntzen lekua zehaztuz
• Euskaradun eta gazteleradun diren haurren frantsesaren ezagutza areagotuz
• Frantsesdun haurrei euskaraz eta gazteleraz mintzatzeko aukera eskainiz
• Gure lurraldeak eskaintzen digun ondarearen ezagutza bultzatuz
• Mugakide ditugun herriekiko harremanak lagunduz.

2. Haurraren gizarteratzea:

• Gure zeregina haurraren interesean oinarrituz
• Haurra autonomiarantz eramanez
• Errespetua sustatuz
• Bakearen alde eta indarkeria ezaren alde heziz
• Haurraren erantzukizuna bultzatuz
• Gizartearen aniztasuna bultzatzaile eta egituratzailetzat hartuz.
• Ezintasunen bat duten haurrei laguntza emanez
• Herritartasunaren jabe egin daitezen bultzatuz.
• Analfabetotasunaren aurka borrokatuz.

3. Heziketako jarraikitasuna:

• Heziketan parte hartzen duten ororen arteko lotura sendotuz
• Heziketan parte hartzen duten eragile ororen artean jarraikitasuna emanen dela bermatuz
• Lekuak gurasoei eta elkarteei irekiz
• Gurasoekiko harremanari kasu berezia eginez.

Hartara, honako bigarren mailako helburu hauek genituzke:

• Herritartasuna:
  • Haur eta gazteen sen zibikoa garatzea.
  • Topaketa, partekatzea, elkartasuna, elkar laguntza bultzatzea.
  • Gazteei bereizkeriaren aurka jokatzen eta bestelako jendeak onartzen ikasten laguntzea, bai eta ezintasun bereziren bat dutenen gizarteratzen ere.
  • Herria bere egin dezaten eta gizartera daitezen laguntzea.
  • Gizon eta emakumeen inguruko ikusmolde estereotipatuak zalantzan ezartzen dituzten jarduerak bultzatzea.

• Norbanako gisa loratzea:
  • Kalitatezko josteta mota anitz eskaintzea.
  • Bakoitzak dituen bizi erritmoei eta beharrei kontu egitea.
  • Arriskua ekar dezaketen jokabideak saihestea.
  • Ekimena eta inplikatzea garatzea.
  • Haur eta gazteen garapenari, dituzten galdera eta nahiei loturiko esperimentazioak bultzatzea.

• Tokiko nortasuna:
  • Gure lurraldeko hiru kulturen ezagutza bultzatzea: hizkuntza, tradizioak, mitologia, kultura…
  • “Txingudi” bizi-eremua hendaiar nortasunaren barnera ekartzea.

• Belaunaldien arteko trukaketak:
  • Belaunaldien arteko topaketak bultzatzea, elkar ezagutzeko eta elkar ulertzeko: aitatxi-amatxiak edo beste.
  • Haurrak eta gazteak hartzen dituzten egituren eta adineko pertsonak hartzen dituzten zerbitzuen arteko partzuergoa garatzea.

• Ingurumenaren babesa eta garapen iraunkorra:
  • Haurrak eta beren familiak ingurumenaren babesaren garrantziaz ohartaraztea.
  • Era berean, garapen iraunkorraren garrantziaz ohartaraztea:
• elkarbizitza, banaketa bide laburrak, elkartasunezko eta tokiko ekonomia laguntzea.
• Egituren barnean, ingurumenaren babeserako eta garapen iraunkorraren aldeko jokabideak antolatzea.

Espero diren ondorioak (ezagutzak, gaitasunak, jokabideak, etab…):

Heziketa proiektuaren helburuak elkar adituz gauza, berriz galdezka eta ebalua daitezen nahi dute partaideek.

Jadanik izan daitezkeen beste urraspideekin lotzea LHPa:

LHParen helburuen iturria honako hauek izan dira: Tokiko Heziketa Kontratua (THK-CEL), Haur eta Gazteria Kontratua (HGK-CEJ) eta herrian dugun heziketa proiektua. Herrien eta Familia Laguntza Kutxaren artean lantzen ari diren Tokiko Lurralde Hitzarmenarekin loturik izan beharko du.

LHParen barnean proposatzen diren jarduerak:

Jarduera horiek eskolen proiektuekin loturik izan daitezen komeni da.

Asmo horrekin, gidaritza batzordeari partaideen arteko lan taldeak sor ditzala proposatu zaio, gogoeta egin dadin eskolen proiektuek dituzten gaien eta eskolaldi inguruko eta eskolaz kanpoko aldiek dituzten gaien artean izan litezkeen loturen gainean.

Bestalde, jarduerak, egun diren bezala, animazio proiektu baten arabera antolatuko dira eta pedagogian aitzin egiteko gisan.

Eskolaldi inguruko eta eskolaz kanpoko aldien proiektuetan, egituraren zuzendariak zainduko du haurrei eta gazteei proposatuko zaizkien jarduerak taldeko animatzaileek bilatu, aztertu eta proposatuak izan daitezen. Pedagogia proiektuaren, animazio proiektuaren eta Lurraldeko Heziketa Proiektuaren arteko koherentziaren bermatzailea izanen da ere zuzendaria.

Hainbat motatako jarduerak eginen dira: kirol, kultura eta arte jarduerak, gure ingurumenarekin, gure historia ondarearekin eta gure herriko bizitzarekin loturik, eta haur eta gazte taldeak tokiko ekitaldietan parte hartzera eramanen dituzte.

Leku orotan proposatuko dira jarduera fisiko eta kirolekoak. Kirol Kodea bete beharko da, noski, eta kasu berezia eginen zaio jarduera horien heziketa aldeari, betiere jarduera fisiko eta kirolekoen gidaritza urraspidea betez.

Tailerrak ikastetxe bakoitzean zehaztuko dira, gurasoek, haurrek eta  profesionalek (irakasleak, animatzaileak…) adierazi eskariak edo beharrak kontuan hartuz.

Kasu berezia eginen zaio ezintasun bereziren bat duten haurrak hartu ahal izateari, MDPH erakundeak gomendatu bezala. Batbederari Egokitu Harrera Protokoloa sistematikoki emanen da plantan eta, behar balitz, antolatzaileak harrera mota horretan aditu den elkarte bati eginen dio dei, familiekin batera eskaintzaren egokitasunaren inguruan gogoetatzeko.

Eguerdiko atsedeneko jardueretan, lehentasuna emanen zaio haurra AESH delakoak lagun diezaion.

Leku eginen zaio animazio taldeen, familien eta artatzaileen arteko solasaldiei, haurra gure egituretan lasaiki eta kalitate onarekin sar dadin egin beharreko egokitzapenak bateratzeko.

Beraz, haurrek eta gazteek jarduerak hautatzen ahalko dituzte eta bizitza aldiak antolatzeko proposamen egile ere izanen dira, “ezer ez egiteko” eskubidea ere atxikiz. Bestalde, jardueren bilanetan haiek parte hartzeari balioa emanen zaio.

Familiekiko harremanetan sakondu eta alor horri arta berezia emateko, gurasotasunari loturiko hainbat jarduera eginen dituzte gure lantaldeek.

Familiekin harreman sakonagoak ukan nahiz, jarraituko dugu guraso, aitatxi-amatxi eta bestelakoak hartzeko uneak antolatzen, molde zenbaitetan: pik-nik moldean, ateak zabal moldean, atelier partekatuen moldean…

Eskolaz kanpoko aldian kanpaldiak antolatuko dira pedagogia tresna gisa.

Azkenik, egin diren proiektuak ebaluatzeko irizpideak ezarriko dira proiektuak asmatzerakoan, haien obratzea eta gidaritza errazteko xedearekin.

Erabili diren baliabideak: 

Herriak baliabide materialak, giza baliabideak eta diruzkoak emanen ditu proiektuan parte hartzen duten egituren eskura.

Parte hartzen duten elkarteentzako dirulaguntza gisa zehaztuak: Denentzat eta Uda Leku. Herriak bere harrera aldi bereak antolatuko ditu eta horietan behar diren baliabideak emanen ditu (ikus IV. eranskina).

Proiektuan partaide direnak:

Partaide diren erakundeak:

Partaide diren erakundeak proiektuaren eragile dira jadanik, gidaritza batzordearen barnean. Bertan, honako hauek ditugu: Hezkuntza Ministerioaren ikuskaria (IEN), Gizarte Kohesiorako Departamenduko Zuzendaritza (DDCS), FaLK-CAF, Euskararen Erakunde Publikoa, Euskal Hirigune Elkargoa, eskoletako zuzendariak, adingabeen harrera-gune kolektiboen zuzendariak eta haurrekin aritzen diren elkarteak.

Bestelako partaideak:

Gaien arabera, gure herriko edo sareko elkarteei egiten diegu dei.

Gehien erabiltzen ditugun ekipamenduak herri eraikinak dira: eskolak, aisialdi zentroak, frontoiak, mediateka, kulturgunea… Herritarrei zabalduriko eraikinak dira lokalak eta halako eraikinetarako segurtasun batzordeak begiratuko ditu aldian-aldian.

LHParen barnean proposatzen diren jarduerak gauzatzeko ardura duten eragileak:

Harrera aldi guztiak jadanik badauden eskolaldi inguruko eta eskolaz kanpoko harreren parte dira.

Egitura horiek zuzendari baten gidaritzapean dira; jardunaldi horien antolaketa osoaren arduradun dira, beraz.

Gidaritza egitura:

Gidaritza batzordearen kideak  honako hauek dira: Hezkuntzaren hautetsi arduraduna, Hezkuntza Ministerioaren Departamenduko Zerbitzuak, Gazteria, Engaiamendu eta Kirol Departamenduko Zerbitzua, Familia Laguntza Kutxa, “Hirian Bizi” Zuzendaritza, eskoletako zuzendariak edo haien ordezkariak, adingabeen harrera-gune kolektiboetako zuzendariak edo haien ordezkariak, haurren alorrean aritzen diren elkarteen ordezkariak. Urraspide osoa koordinatzeko eta gomendioak Auzapezari igortzeko ardura du, hark har ditzan azken erabakiak.

Proiektuaren koordinatzaileak honako hauek dira: Sophie SONZOGNI anderea, Hezkuntza eta Haurtzaroa sailaren arduradunak, eta Eugénie PERUARENA anderea, “Hirian Bizi” Zuzendaritzaren sailburua.

Pedagogia arduradunaren izen-deiturak: Sophie SONZOGNI anderea –

Helbidea: Hendaiako Herriko Etxea

Herriko Etxea

Errepublika plaza

64700 HENDAIA

Tel: 05 59 48 23 23

Gidaritza moduak:

Partaideen lana eta gogoeta egitura talde bakoitzean osatu lan taldeetan oinarrituko den gidaritza batzorde baten bidez antolatzea proposatzen da:

• Gidaritza batzordea (lehen aipatu osaera eta helburua ikus).
• Lan taldeak lekuetako hezitzaileen ordezkariek osatuko dituzte: gurasoek, Hendaiako eskoletan ari diren irakasleek, “Hezkuntza eta Haurtzaroa” udal zerbitzuko agenteek, elkarteek edota gaiak hunkitu pertsonek, auzo batzordeek, halakorik balitz. Eraginkorrago izan nahian, partaideen kopurua kategoria bakoitzeko (guraso, irakasle, animatzaile…) gehienez hiru ordezkariz osatu beharko litzateke. Proposamen egile dira eta beren gomendioak gidaritza batzordeari emanen dizkiote.

Urraspidearen koordinazioa eta jarraipena “Hirian Bizi” Zuzendaritzaren sailburuak eta Hezkuntza eta Haurtzaroa zerbitzuaren arduradunak eginen dute.

Bilduman aurreikusi elementuak:

Maiztasuna: urtekoa.

Kontuan hartu adierazleak (kopuru nahiz kalitatezkoak): galdetegiak sortuko dira, eginikoa partaide bakoitzak eta publikoak balioets dezaten.

Gurasoek, haurrek eta profesionalek espontaneoki erranikoak kontuan hartuko dira ebaluazioetan.

Kontratua berritzeko eta gehigarri bitartez aldatzeko moduak:

Bildumaren ondorioz, gidaritza batzordeak auzapezari proposatuko dizkio LHPari egin beharreko aldaketak edota berriztatzea.

Proiektuaren sinatzaileak:

ECENARRO jauna, Hendaiako Auzapeza

Hendaian egina, 2024ko uztailaren 11n

Auzapeza,
Euskal Hirigune Elkargoaren Lehendakariordea,
Kotte ECENARRO