Larrazkenean, Euskararen Urtaroak ikusmina sortzen du, Euskal Elkargoan gaindi antolatuak diren animazioekin. Aurtengo edizioa azaroaren 22tik abenduaren 3ra iraganen da, herriko etxeek, eragile pribatu eta elkarteek osatuko duten egitarau baten inguruan. Hendaian, hainbat jarduera antolatuko dira horren kari. Programa osoa Euskal Elkargoaren webgunean aurkituko duzue www.communaute-paysbasque.fr
AZAROAREN 24an (igandea) – 16:30
LURRAREN XUXURLA
Familientzako ikuskizuna euskaraz, 6 urtetik gorakoentzat, Bi’Arte konpainiaren eskutik. Hendaiako Familiaren Astearen kari.
Iraupena: 50 mn – Sartzea dohainik, toki kopuru mugatua.
Izpi gure inguruko aldaketekiko sentibera den txotxongiloa da. Lurra irudikatzen du, eta gure planetaren nahasmenduaren lekuko pribilegiatua da. Ipuinak, txotxongiloak eta zuzeneko musika uztartuz, “Lurraren xuxurla” ikuskizunak Lurraren murmurioak entzutera gonbidatzen gaitu.
Antolatzailea: Hendaiako Herriko Etxea – Euskara zerbitzua eta GEUZ
Lekua: Gaztelu Aretoan
AZAROAREN 28an (osteguna) – 18:30
HIRU EMAZTE KANTARI GOGOAN
Mintzaldi-kantaldia. Euskaraz, bat-bateko itzulpena frantsesez. Sartzea dohainik.
Lurdes Iriondo, Maite Idirin eta Estitxu Robles kantarien ibilbidea oroituko da, haien kantuak entzuteko parada izanen da eta Maialen Alfaro, Maider Bedaxagar eta Naia Roblesek berriz hartuko dituzte haien kantuak. Ondotik publikoari ere kantatzeko parada emanen zaio.
Antolatzailea: Hendaiako Herriko Etxeko Euskara zerbitzua eta Eusko Ikaskuntza
Lekua: Gaztelu Aretoan
AZAROAREN 29an (ostirala)
11:00 – 13:00 : Mintzodromoa
Euskaraz mintzatzeko dinamika, denei irekia, euskaldunak edo euskara ikasten dutenak (18 urtetik gora). Dohainik, toki kopuru mugatua.
Antolatzailea : Bidasoa-Txingudi mugaz gaindiko Partzuergoak
Izen-emateak: – WhatsApp (00.34) 679.202.899 berantenaz azaroaren 21ean
Lekua : Itsas Etxean – Hondarribian
17:30 : Pista jokoa
Euskara eta euskal kulturaren inguruko pista jokoa, adin guztientzat. Talde bakoitzak pistak bildu ondoren, beste taldeekin partekatu beharko ditu, korapiloa askatzeko.
Antolatzailea: Mintzaian
Izen-ematea :
Lekua: Abiatzea Gaztelu Zahar pilotalekutik
19:00 : Talo atelierra
Zatozte talo goxoak prestatzera eta ondotik dastatzera!
Antolatzailea: Mintzaian
Lekua: Borderline Fabrikan
UMORE GAUALDIA
20:15 : Euskomedi Kluba (eszena irekia)
Euskara hutsez eginen den lehenengo “komedi kluba”. Etorri entzutera euskal herriko umore eszena berria edo zure testu edo txisteak entsaiatzera.
Parte hartzeko :
21:00 – ZTANDAP
Idoia Torregarai eta Mirari Martiarenaren binakako bakarrizketa umoretsu berria.
Antolatzailea: Borderline Fabrika
Lekua: Borderline Fabrikan
Sarrera : 10€ + BF bazkidetza
