Noiz bozka?
2024ko ekainaren 9 igandean eginen dira europar hauteskundeak (bozkaldi bakarrean)
Nola bozka?
- 2024ko maiatzaren lehena: hautesle zerrendetan izena linean emateko azken eguna, hemen: https://www.service-public.fr/particuliers/vosdroits/R16396
- 2024ko maiatzaren 3: hautesle zerrendetan izena herriko etxean (egoera zibilaren zerbitzua) emateko azken eguna.
Zein dokumentu behar dira eman hautesle zerrendetan izena emateko?
- Zure nortasunaren frogagiriren bat (adibidez, zure nortasun txartela)
- Bizileku frogagiriren bat (adibidez, argindar faktura)
Zer da Europar Legebiltzarra?
Europar Legebiltzarra, Europar Batasunaren zazpi erakundeetako bat, Batasuneko biztanleek zuzenean hautatzen duten organo legegilea da. Bost urtetik behin, Batasunaren kide diren nazioek hauteskundeak egiten dituzte Europar Legebiltzarrean ukanen dituzten ordezkarien hautatzeko.
Zenbat europar diputatu hautatzen dira?
2024an, Frantziak 81 europar diputatu hautatuko ditu, hau da, 2019ko hauteskundeetakoen bikoitza. Europar Legebiltzarrak 705 diputatu ditu egun eta 720 arte emendatuko du diputatuen kopurua.
