ELTXO TIGREAREN AURKA, URA MOZTU!

Ziztadaz beterik zara? Belarriak burrunbaz beterik dituzu ? Ez urrunago xerka, eltxo tigrea duzu horren erruduna !

Hona zein keinu behar dituzun egin berriz lasai izateko: ur geldo guztiak ken itzazu.

• Eltxo tigrea jatorri tropikalekoa da. Erraz ezagutzen da dituen marra zuri-beltzengatik.
• Txikia izanik (5mm inguru), laster eta isilik dabil.
• Egunean ziztatzen du (gehienbat goizean eta arratsalde bukaeran) eta ziztada mingarria du.
• Eltxo guztiak bezala, desatsegina da. Baina horrez gain, eritasun larriak ekar ditzake ere, hala nola dengea, txikunguia edota zika gaitzak. Halarik ere, hala gertatzearen arriskua ez da handia.
• Eltxo horiek, hiritartzat hartuak direnak, 150 metroko ingurune batean bizi dira. Zure auzoan badituzu, taldean ekiozu gaiari berehala!
• Eltxoek ura behar dute ugaltzeko; hartara, haien ugaltzea eragozteko egin beharreko guztia behar da egin eta, horretarako, ur geldo oro kendu behar duzu.
• Eltxo helduen kasuan, zure txalo zartatzaileak aski izanen dira.

Eskualdeko Osasun Agentziak zenbait aholku baliagarri ematen dizu (ez dira guztiak):

• Aterpean gorde itzazue honako gauza hauek: eskorgak, suilak, ureztontziak, haurren jostailuak, hautsontziak, zakarrontziak, kutxak, poteak, lan materiala, teilak …
• Euri bakoitzaren ondoren gutxienik honako hauek hustu itzazu: lore poteen platerñoak, katiluak, ekitakoen oinak, kanpo estalkien pleguak, haurren jostailuak (txabola, lerralekua, etab.), euri-neurgailuak, apaindurak …
• Uren jarioa laguntzeko honako hauek garbi itzazu: teilatu hodiak, ubideak, erretenak, ur hustutze tapak eta sifoiak, pegartegiak …
• Ongi zaindu igerilekuak, urmaelak eta putzuak, zutoin gaineko terrazak, oholtzak, altxatze ponpak, ureztagailuak …
• Oihal batez edo eltxo sareaz estal itzazu kanpoan dauden euri uraren bilgailuak, bidoiak eta dupak …

Gauzaren neurria zeinahi izanik ere, ur pilatze txikienak ere eltxoen larbak garatzeko balio du, kasu eman!