Udal igerilekua 2024. urte hastapenean hasiko dira desegiten. Jendeen oroimenean oroitzapen anitz utzi dituen leku horren inguruan azken besta une bat bizitzeko aukera proposatzen die Herriak oroimina duten hendaiarrei.
Historia pixka bat
Ekilore igerilekuen historia 1968ko olinpiar jokoen ondoren abiatu zen. Frantziak nazioarteko kirol topaketa horretan igeriketan ukan zituen emaitza txarren ondorioz, Gazteria eta Kirolen Estatu Idazkaritzak herrietan igerilekuak egitea erabaki zuen. Halatan, 1969. urtean, «1000 igerileku» plana eman zuen abian.
1969. urtean, Bernard Schoeller-ek irabazi zuen lehiaketa «ekilore» deituriko igerileku eredu batekin; biribila zelako (eta asmatu zutenean horia asmatu zutelako) deitu zuten horrela. Eredua kontzeptu berritzaile, merke eta erraz errepikatzen zen batez behar zen asmatu. 183 eraiki ziren Frantzia osoan 1970eko hamarkadaren erditik 1980ko hamarkadaren hastapena bitartean, denak ia berdin-berdinak: 25 metroko igerilekua eta palastaleku arroltzekara batekin. Gopoila plega litekeenez, aire zabaleko igerileku bihur zitekeen eta gopoilaren azpian biltzen zen guztia, jendeen harlekua eta aldagelak ere bai.
Hendaiako igerilekua programa horren emaitza dugu. Irandatzeko gazteluaren parkeko lurrak zirenetan eraiki zuten 1978an eta ateak 1979an ireki zituen. Harrezkero, 44 urteotan, igeriketa demokratizatzen lagundu du, biztanle anitzi eman baitie igerian ikasteko aukera.
Azken murgilketa musikazkoa izanen da
Horrenbeste urteren ondoren, hendaiar anitzen historia markatzaile bat doa desagertzera. Bada horri loturik den jende anitz hainbat belaunaldik ikasi baitute bertan igerian. Gaztaroaren zati handi bat doakie horrekin. Halatan bada, jende guztiek azken une bat bizi ahal dezaten bertan, GERTAKARI IRAGANKOR BAT PROPOSATU DU HERRIAK HELDU DEN AZAROAREN 10ERAKO.
Egitaraua
HABIA
Aldi berean hiru soka eta hiru ahots ezagut itzazu. Amaia, Elena eta Maia euskal tradiziotik eta sorkuntzatik jalgi errepertorioa ematen aritzen dira. Beren kulturan murgildurik, une fin eta baliosa partekatzera gonbidatzen gaituzte.
LE BAL CHALOUPÉ
Ideia bakarra dute gogoan: burutik oinetaraino goxoki dantzan jar gaitezen. 25°c goitiko musiketan edanez -merengue, afro beat, biguine, cumbia, forro-, taldeak soinu bero eta azkarra, zapore elektronikoz zipriztindurik, digu proposatzen. Taulagainean, rolak itzulikatzen dira, generoak itxuraldatzen dira abesti zoroen eta esplorazio psikodelikoen artean.
DJ RAKSAX & DJ PONDAMIC (LARUNBAT ARRATSEKO DANTZALDIA)
Musikaz arras zaletua, talde horrek kontzertu erakargarria proposatu du: herri dantzaldia belaunaldiarteko eta kulturarteko harremanak sortzeko; binilo diskoa bakarrik artearen ederrarengatik eta soinuaren kalitatearengatik; eskuz egin HI-FI soinu sistema soinua ahal bezain ongi emateko, eta LARUNBAT ARRATSEKO DANTZALDIA. Giro kartsua seguratua duzu!
INFORMAZIO BALIAGARRIAK
Ateak zabaltzea 19:00etan, kontzertuen hastea 20:00etan
Kontzertuak urririk.
Ostatua eta jatea lekuan bertan
Euria bada ez da lekuz aldatuko
