Bidasoafolk 2021 bere XX. edizioan indar handiagoz itzuliko da, abuztuaren 20, 21 eta 22an programa anitz eta bereizlearekin.
https://www.irunhondarribiahendaye.com/bidasoafolk/cas/programa.php
Bidasoafolkek, folk musikaren eta musika garaikidearen alderdirik onenak bilduko dituen programa diseinatu nahian betiere, 6 kontzertu eskainiko ditu 2021 honetan, askotariko artista eta estiloekin, ibilbide nabarmena dutenak munduko eta sustraiko musiken munduan.
Hondarribian (abuztuaren 20an) Euskal Barrokensemble taldeak emango dio hasiera ospakizun honi. Talde berri hori musikari ezagunek osatzen dute eta antzinako musikaren aldeko apustua egiten dute, inprobisazio eta freskotasun elementu askorekin. Delikatesen horrekin gosea piztu ondoren, Gaztela eta Leondik datorkigu La Musgaña talde ospetsua, Vanesa Muela handiaren perkusioarekin eta ahotsarekin. Gaztela-Leon osoa eta bertako musika aberastasuna ezagutzeko aukera izango dugu euren abestien bidez. Hurrengo egunean, Irunen, Juan José Roblesen mandolina entzungo dugu. Talde handietan ibilbide luzea izateaz gain, Murtziako tradiziora hurbilduko gaituzten konposizioak aurkeztuko dizkigu. Pixka bat geroago, Alba Carmonak, egungo musikaren panoramako ahots ezagunenetako batek, dardara eta gozamena eragingo dizkigu bere musika lanaren bitartez. Bidea eta poesia da Alba. Erroa eta egia. Tradizioa eta estetika. Hendaian, berriz, ahotsaren kalitatea, abesbatzaren tradizioa eta okzitaniar polifoniak Lambrusqueraren eskutik iritsiko dira, eta indartsu ekingo diote jaialdiaren azken egunari. XX. edizio honi amaiera emateko, Cocanha emakume ahotsen hirukotea izango dugu gurekin. Soka-danborrekin eta gorputz perkusioekin batera, soinu natural, eskuzabal eta zintzoa ekarriko digute. Girlsband okzitaniarra, dantzatzen den kontzertu baterako, edo entzuten den dantza, dotoreziaz, umorez eta izaeraz betea.
Kontzertu guztiak doan eta adin guztietarako dira. Ospa ditzagun uda eta gure eskualdearen espirituarekin bat datozen musiken bidez egiteko aukera.
Lambrusquera
2021eko abuztuak 22
21:00etan, Hendaian, Gaztelu Zahar pilotalekuan
Osasun baimena baitezpadakoa
Lambrusquèra Pirinioetako (bereziki), baina batez ere Okzitaniako kanta tradizionalen talde polifonikoa da.
Taldea 2006an hasi zen, “lo quilhèr” izenarekin, baina geroago Lambrusquèra izena hartu zuen, mahatsondoen gainetik hegan ibiltzen den eta mahatsez elikatzen den txoritxoa, gure sustraien eta Muneiñe lurraldeko kantua eta harrotasuna batzeko.
Taldea, hasiera batean institutuko lagun talde baten hogeita hamarreko hamarkada ospatzeko apustua zena, Okzitaniako departamentu batzuetan barrena ibili zen, Itsas Alpeetatik Bearnora, Gardetik edo Aveyronetik pasatuz, eta jaietako eskaerei erantzunez.
11 urte igaro dira, taldea barrutik hazi da, Lambrusquèra familia hazi da, eta talde honek, orain aitak izanik, Calandreten ekimenei laguntzen die, okzitanierazko eskolak, eta horren ondorioz, CDa argitaratu zen 2014. urtean, Ehun besterik ez dira geratzen…).
Iturria:
Estekak:
Cocanha
2021eko abuztuak 22
22:00etan, Hendaian, Gaztelu Zahar pilotalekuan
Osasun baimena baitezpadakoa
Cocanha taldea hiru emakume ahotsek osatzen dute; Tolosa dute topaleku, eta okzitaniar hizkuntza, berriz, ahots jokaleku. Pirinioetako, Gaskoiniako eta lengadocera dialektoko errepertorioak jotzen dituzte.
Soka danborrekin eta gorputz perkusioekin batera, soinu natural, eskuzabal eta zintzoa ekartzen dute gogora. Girlsband okzitaniarra dantzatzen den kontzertu baterako, edo entzuten den dantza, dotoreziaz, umorez eta izaeraz betea.
Maud Herrerak (ahotsa, eskuak eta oinak), Caroline Dufauk (ahotsa, soka-danborra, eskuak eta oinak) eta Lila Frayssek (ahotsa, soka-danborra, eskuak, oinak eta caxixia) osatzen dute Cocanha taldea.
2015ean egin zuten debuta, okzitanierazko errepertorio tradizionaleko dantzatzeko bost kantu polifoniko dituen EParekin; ahots-joko erritmikoak, Pirinioetako, Gaskoiniako eta lengadocera dialektoko pieza herrikoiak jorratzen dituztenak.
Cocanha taldeak asmo argia du okzitaniera landu, mantendu eta zabaltzeko, nahiz eta frantsesez egin zezaketen, gutxiengoaren adierazpide bat aukeratu dute, baina horrek ez die edertasunik, adierazkortasunik eta emoziorik kentzen beren interpretazioei; hala, libretoan eskerrak ematen dizkiete hizkuntza indigenekin eta herri kulturekin lan egiten duten kolektiboei.
Estekak:
- https://www.facebook.com/cocanha.bal
- https://cocanha.net/
- https://www.youtube.com/channel/UC_93DFjtnhU7h9MytYa_IPA
Bidasoafolken espiritua
2001ean sortua, kultura arteko proiektu honen hasierako asmoa zen mugaz gaindiko folk musika jaialdi bat antolatzea Hondarribiko, Irungo eta Hendaiako udalen artean, BIDASOA-TXINGUDI MUGAZ GAINDIKO PARTZUERGOAREN bidez.
Udalen arteko lankidetza horrek aukera eman du antolakuntza mailan ahalegin guztiak elkartzeko eta kalitatezko folk musika jaialdia aurkeztu ahal izateko doaneko kontzertuen bidez, era guztietako jendea erakarri ahal izateko: Bidasoaldeko herritarrak eta bisitariak, gazteak eta hain gazteak ez direnak, zaleak eta jakin-nahia dutenak…
Jaialdi honek aukera ematen du Bidasoa-Txingudi Eskualdea kultur eta turismo intereseko gune gisa garatzeko eta era berean hainbat herrialdetako musikari eta tradizioei balioa emateko. Gainera, jaialdi honen kultur eta musika aniztasunak agerian uzten du Bidasoa-Txingudiko lurraldeak berak duen kultur aniztasuna.
Jaialdi paregabe honek irauten duen bitartean Bidasoa-Txingudi eskualdeko herritarrak biltzea eta elkar hobeto ezagutzea ere bada BidasoaFolken beste izateko arrazoietako bat.
